ພະແນກຍຸຕິທໍາແຂວງ ຫຼວງນໍ້າທາ ລົງໂຄສະນາເຜີຍແຜ່ກົດໝາຍ ໃຫ້ພະນັກງານຫຼັກແຫຼ່ງອ້ອມຂ້າງ ເມືອງ ນາແລ

Primary tabs

          ໃນຕອນເຊົ້າຂອງວັນທີ 29 ກໍລະກົດ 2021 ຢູ່ທີ່ສະໂມສອນ ຂອງເມືອງ ນາແລ ພະແນກຍຸຕິທໍາແຂວງ ຫຼວງນໍ້າທາ ໄດ້ລົງໂຄສະນາເຜີຍແຜ່ກົດໝາຍ ໃຫ້ແກ່ພະນັກງານຫຼັກແຫຼ່ງອ້ອມຂ້າງເມືອງ ໂດຍການເປັນປະທານຮ່ວມຂອງທ່ານ ອິນແພງ ແສງມີໄຊ ຮອງເລຂາພັກເມືອງ ຜູ້ຊີ້ນໍາວຽກພັກ - ພະນັກງານ ແລະ ທ່ານ ເພັດສະຫັວນ ສີພົມມະຈັນ ຮອງຫົວໜ້າພະແນກຍຸຕິທໍາແຂວງ , ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, 2 ກອງບັນຊາການ, ລັດວິສາຫະກິດ, ທະນາຄານ, ອໍານວຍການໂຮງຮຽນ, ໂຮງໝໍ ແລະ ພະນັກງານວິຊາການອ້ອມຂ້າງເມືອງ ນາແລ ເຂົ້າຮ່ວມຈຳນວນ 143, ທ່ານ, ຍິງ 34 ທ່ານ.
อาจเป็นรูปภาพของ 4 คน, ผู้คนกำลังยืน และผู้คนกำลังนั่ง
          ຈຸດປະສົງໃນການລົງເຜີຍແຜ່ຄັ້ງນີ້ ກໍ່ເພື່ອເຮັດໃຫ້ພະນັກງານຫຼັກແຫຼ່ງອ້ອມຂ້າງເມືອງໄດ້ຮັບຮູ້, ເຂົ້າໃຈ ຕໍ່ແນວທາງນະໂຍບາຍຂອງພັກ, ກົດໝາຍຂອງລັດ ທີ່ມີຜົນສັກສິດ ທີ່ປະກາດໃຊ້ໃນແຕ່ໄລຍະ. ເອກະສານທີ່ນໍາໄປເຜີຍແຜ່ຄັ້ງນີ້ປະກອບມີ: ກົດໝາຍວ່າດ້ວຍ ການສ້າງນິຕິກໍາ , ດໍາລັດເລກທີ 562/ລບ, ລົງວັນທີ 11 ພະຈິກ 2020 ວ່າດ້ວຍການໂຄສະນາເຜີຍແຜ່ນິຕິກໍາ ແລະ ດໍາລັດ 77/ລບ, ລົງວັນທີ 28 ກຸມພາ 2018 ວ່າດ້ວຍການຊ່ວຍເຫຼືອທາງດ້ານກົດໝາຍ.
          ຕອນທ້າຍພິທີ ທ່ານ ອິນແພງ ແສງມີໄຊ ຮອງເລຂາພັກເມືອງ ຜູ້ຊິີ້ນໍາວຽກງານ ພັກ - ພະນັກງານ ໄດ້ມີຄໍາເຫັນໂອ້ລົມ ເນັ້ນໜັກໃຫ້ຜູ້ເຂົ້າຮ່ວມຮັບຟັງ ໄດ້ໃຫ້ຮັບຮູ້ ແລະ ເຂົ້າໃຈ, ຈົ່ງນໍາເອົາກົດໝາຍ ແລະ ນິຕິກໍາ ດັ່ງກ່າວໄປໜູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງຕົນ ໄດ້ຮັບຜົນປະໂຫຍດສຸງສຸດ. ຈາກນັ້ນ, ວັນດຽວກັນນີ້ ທ່ານ ເພັດສະຫັວນ ສີພົມມະຈັນ ຮອງຫົວໜ້າພະແນກຍຸຕິທໍາແຂວງ ຍັງໄດ້ລົງຕິດຕາມຊຸກຍຸ້ການຮຽນ-ການສອນ ກົດໝາຍ 45 ວັນ ຊຸດທີ III ຢູ່ທີ່ ໂຮງຮຽນ ມັດທະຍົມສົມບຸນ ຂອງເມືອງອີກດ້ວຍ.
ຂຽນຂ່າວ ແລະ ຖ່າຍພາບ: ຄໍາຮຸ່ງ ກຸໂພຄໍາ , ສຸມີໄຊ ວົງຕະສີ.
ປະເພດຂ່າວ: