ພະແນກຍຸຕິທໍາແຂວງ ຫຼວງນໍ້າທາ ເຜີຍແຜ່ເຊື່ອມຊືມຜົນສໍາເລັດກອງປະຊຸມໃຫ່ຍ ຄັ້ງທີ VIII ຂອງຄະນະພັກແຂວງ.

ໃນວັນທີ 24 ພະຈິກ 2020 ຢູ່ທີ່ຫ້ອງປະຊຸມຂອງພະແນກຍຸຕິທໍາ ໄດ້ມີພິທີ ເຜີຍແຜ່ເຊື່ອມຊືມຜົນສໍາເລັດກອງປະຊຸມໃຫ່ຍຄັ້ງທີ VIII ຂອງອົງຄະນະພັກແຂວງ ຫຼວງນໍ້າທາ ຂຶ້ນ ໂດຍການເປັນປະທານຂອງ ສະຫາຍ ນາງ ມາລີພອນ ນາບຸນແພງ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ຫຼວງນໍ້າທາ ມີຄະນະໜ່ວຍພັກ, ສະມາຊິກພັກ ແລະ ພະນັກງານ-ລັດຖະກອນ ພາຍໃນພະແນກເຂົ້າຮ່ວມຢ່າງພ້ອມພຽງ

ຈຸດປະສົງ ເພື່ອແນ່ໃສ່ເຮັດໃຫ້ສະມາຊິກພັກ, ພະນັກງານ-ລັດຖະກອນພາຍໃນພະແນກ ໄດ້ຮັບຮູ້, ຕໍ່ແນວທາງນະໂຍບາຍຂອງພັກ, ເຂົ້າໃຈ ແລະ ເປັນເອກະພາບຕໍ່ກັບແຜນພັດທະນາເສດຖະກິດ-ສັງຄົມຂອງແຂວງ ຫຼວງນໍ້າທາ ເພື່ອນໍາໄປຈັດຕັ້ງຜັນຂະຫຍາຍເຂົ້າໃນວຽກງານຂອງຕົນເອງຮັບຜິດຊອບໃຫ້ມີປະສິດທິຜົນ

ໃນຕອນທ້າຍ ທ່ານ ປະທານກອງປະຊຸມ ໄດ້ຍົກໃຫ້ເຫັນຜົນສໍາເລັດການຈັດຕັ້ງປະຕິບັດ ມະຕິກອງປະຊຸມໃຫ່ຍຂອງອົງຄະນະພັກແຂວງ ແລະ ທິດທາງໜ້າທີ່ຕົນຕໍ່ໃນການປົກປັກຮັກສາ ແລະ ພັດທະນາແຂວງ ຫຼວງນໍ້າທາ ໃນ 5 ປີຕໍ່ໜ້າໃຫ້ປະກົດຜົນເປັນຈິງ.

ຂຽນຂ່າວ: ສຸມີໄຊ ວົງຕະສີ

ຖ່າຍພາບ: ລັດຕະນາພອນ ນາບຸນແພງ

ປະເພດຂ່າວ: