ກຳມະບານຮາກຖານພະແນກຍຸຕິທຳແຂວງ ຫຼວງນ້ຳທາ ເປີດຂະບວນການແຂ່ງຂັນ 5 ເປັນເຈົ້າ

Primary tabs

          ໃນວັນທີ 25 ສິງຫາ 2021 ຢູ່ທີ່ຫ້ອງປະຊູມພະແນກຍຸຕິທໍາແຂວງ ຫຼວງນ້ໍາທາ ໄດ້ ເປີດຂະບວນການ ຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳມະບານຮາກຖານພະແນກຍຸຕິທຳຂຶ້ນ ໂດຍການເປັນປະທານຂອງສະຫາຍ ກາບແກ້ວ ມະນີຈັນ ປະທານ ກຳມະບານຮາກຖານພະແນກຍຸຕິທຳ, ເຂົ້າຮ່ວມໂດຍສະຫາຍ ແສງ ເຊືອຍສົມບັດ ຄະນະບໍລິຫານງານສະຫະພັນກຳມະບານແຂວງ, ມີສະຫາຍ ນາງ ວຽງທອງ ສີວີໄລ ຮອງເລຂາໜ່ວຍພັກ ພະແນກຍຸຕິທຳ ພ້ອມດ້ວຍສະມາຊີກກຳມະບານຮາກຖານພະແນກຍຸຕິທຳແຂວງເຂົ້າຮ່ວມຢ່າງພ້ອມພຽງ.

อาจเป็นรูปภาพของ 11 คน, ผู้คนกำลังยืน, ผู้คนกำลังนั่ง และสถานที่ในร่ม

          ໃນພິທີ ປະທານກຳມະບານຮາກຖານ ໄດ້ຜ່ານແຈ້ງການ ສະບັບເລກທີ 158/ກບຂ, ລົງວັນທີ 03 ມີຖຸນາ 2021 ເລື່ອງເປີດຂະບວນແຂ່ງຂັນ 5 ເປັນເຈົ້າ ປີ 2021 – 2024 ; ບົດແນະນຳຂອງສະຫະພັນກຳມະບານແຂວງ ເລກທີ 149/ກບຂ, ລົງວັນທີ 14 ພຶດສະພາ 2021 ກ່ຽວກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ແລະ ຜ່ານຮ່າງທິດທາງແຜນການຂໍ້ແຂ່ງຂັນ 5 ເປັນເຈົ້າ, ເພື່ອເສີມຂະຫຍາຍກຳລັງແຮງສັງລວມຂອງສະມາຊິກກຳມະບານ ກຳມະກອນຊາວຜູ້ອອກແຮງງານລາວ ໃຫ້ມີສະຕິຕື່ນຕົວເປັນເຈົ້າການ ໃນການພັດທະນາຕົນເອງຢ່າງຮອບດ້ານ ແລະ ຕັ້ງໜ້າ ເຂົ້າຮ່ວມຈັດຕັ້ງ ແລະ ປະຕິບັດແນວທາງຂອງພັກແຜນພັດທະນາເສດຖະກິດສັງຄົມຂອງລັດ ໂດຍຜ່ານຂະບວນການ 5 ເປັນເຈົ້າຂອງສະຫະພັນກຳມະບານລາວ ເພື່ອເຮັດໃຫ້ສະມາຊີກກຳມະບານ ກຳມະກອນ ແລະ ຊາວຜູ້ອອກແຮງງານ ກຳໄດ້ເນື້ອໃນ, ມາດຖານ ແລະ ບາດກ້າວ ໃນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ແລະ ແນໃສ່ສ້າງຄວາມເປັນເອກະພາບໃນການຊີ້ນຳໆພາ ຊຸກຍູ້ຕິດຕາມກວດກາປະເມີນຜົນການຈັດຕັ້ງປະຕິບັດ ເພື່ອເຮັດໃຫ້ຂະບວນການແຂ່ງຂັນ 5 ເປັນເຈົ້າຕິດພັນກັບຂະບວນຮັກຊາດ ແລະ ພັດທະນາ  ສ້າງໜ່ວຍພັກເຂັ້ມແຂງ ໜັກແໜ້ນ ແລະ ຕິດພັນກັບວຽກງານວີຊາສະເພາະ ໃນການພັດທະນາອົງການຈັດຕັ້ງ ໃຫ້ເປັນຂະບວນການຟົດຟື້ນ, ເລີກເຊີ່ງ, ກ້ວາງຂວາງ, ຕໍ່ເນື່ອງ ແລະ ມີປະສີດທິຜົນ ຖືເອົາການປະເມີນຜົນຂະບວນການແຂ່ງຂັນ 5 ເປັນເຈົ້າ ເປັນບັ້ນດຳເນີນຊີວີດການເມືອງ ເພື່ອປັບປູງປົວແປງການຈັດຕັ້ງກຳມະບານໃຫ້ມີຄວາມໜັກແໜ້ນ ເຂັ້ມແຂງ ສາມາດຊອກໃຫ້ເຫັນສະມາຊີກກຳມະບານ ກຳມະກອນຊາວຜູ້ອອກແຮງງານດີເດັ່ນ ເພື່ອຍ້ອງຍໍ ແລະ ສ້າງເປັນພະນັກງານສືບທອດປ່ຽນແທນ ໃຫ້ຕິດພັນກັບເນື້ອໃນ ແລະ ມາດຖານຂໍ້ແຂ່ງ 5 ເປັນເຈົ້າ; ເປັນເຈົ້າການ ໃນການຝືກຝົນຫຼໍ່ຫຼອມທາງດ້ານການເມືອງ - ແນວຄິດ; ເປັນເຈົ້າການ ໃນການປະຕິບັດກົດໝາຍ ແລະ ລະບຽບການຂອງພັກທີ່ວາງອອກ; ເປັນເຈົ້າການ ໃນການພັດທະນາຕົນເອງ ແລະ ການຈັດຕັ້ງ; ເປັນເຈົ້າການ ໃນການປົກປ້ອງສິດ ແລະ ຜົນປະໂຫຍດອັນຊອບທຳ; ເປັນເຈົ້າການ ປະຕິບັດໜ້າທີ່ວີຊາສະເພາະ ຢ່າງປະດິດສ້າງ ສຳລັດທິດທາງແຜນການເນື້ອໃນຂໍ້ແຂ່ງຂັນ 5 ເປັນເຈົ້າແຕ່ປີ 2021 – 2024 ຂອງກໍາມະບານຮາກຖານ ພະແນກຍຸຕິທໍາແຂວງຫຼວງນຳ້ທາ ແມ່ນຈະໄດ້ສູ້ຊົນຄື: ເປັນເຈົ້າການ ໃນການຝືກຝົນຫຼໍ່ຫຼອມ ດ້ານການເມືອງ-ແນວຄິດ ໃຫ້ໄດ້ 95 %; ເປັນເຈົ້າການປະຕິບັດລະບຽບກົດໝາຍຂອງລັດ 96 % ; ພັດທະນາຕົນເອງ ແລະ ການຈັດຕັ້ງຂອງລັດ 90%; ປົກປ້ອງສິດ ແລະ ຜົນປະໂຫຍດອັນຊອບທຳ 95 %; ປະຕິບັດໜ້າທີ່ຢ່າງປະດິດສ້າງ 95 % ໃນ 5 ມາດຖານນີ້ສູ້ຊົນໃຫ້ໄດ້ 94 % ຂື້ນໄປ ແລະ ວຽກງານອື່ນໆທີຕິດພັນກັບຂະບວນ 5 ເປັນເຈົ້າ. ຈາກນັ້ນ ປະທານ, ຄະນະ, ສະມາຊີກກຳມະບານຮາກຖານພະແນກຍຸຕິທຳ ໄດ້ຂື້ນຈັບມື ແຂ່ງຂັນ ໃຫ້ຄຳໝັ້ນສັນຍາວ່າຈະປະຕິບັດ 5 ເປັນເຈົ້າໃຫ້ໄດ້ຕາມແຜນການທີ່ວາງໄວ້.

ຂ່າວ: ນາງ ລັດຕະນາພອນ; ສຸມີໄຊ ວົງຕະສີ; ຖ່າຍພາບ: ສຸມີໄຊ
ປະເພດຂ່າວ: