ພະແນກຍຸຕິທໍາແຂວງ ສາລະວັນ ເປີດກອງປະຊຸມ ເຜີຍແຜ່ບົດແນະນຳຂອງສູນກາງກຳມະບານລາວ ໃນການຈັດຕັ້ງປະຕິບັດຂໍແຂ່ງ 5 ເປັນເຈົ້າປະຈຳປີ 2021 ແລະ ແຕ່ງຕັ້ງປະທານກຳມະບານຮາກຖານຄົນໃໝ່

Primary tabs

          ໃນຕອນເຊົ້າຂອງວັນທີ 29 ກໍລະກົດ ປີ 2021 ນີ້ ທີ່ຫ້ອງປະຊຸມຂອງພະແນກຍຸຕິທຳ ໜ່ວຍກໍາມະບານຮາກຖານພະແນກຍຸຕິທໍາແຂວງ ສາລະວັນ ໄດ້ເປີດກອງປະຊຸມຂຶ້ນ ໂດຍການເປັນປະທານຂອງ ທ່ານ ສິງທອງ ສີຫາວົງ ຮອງເລຂາໜ່ວຍພັກ ຮອງຫົວໜ້າພະແນກຍຸຕິທໍາແຂວງ ທັງແມ່ນຜູ້ຊີ້ນໍາອົງການຈັດຕັງມະຫາຊົນ, ມີຄະນະກໍາມະບານຮາກຖານ, ສະມາຊິກກໍາມະບານຮາກຖານພາຍໃນພະແນກຍຸຕິທໍາແຂວງເຂົ້າຮ່ວມ 35 ສະຫາຍ, ຍິງ 17 ສະຫາຍ.
อาจเป็นรูปภาพของ 6 คน, ผู้คนกำลังยืน, ผู้คนกำลังนั่ง และสถานที่ในร่ม
          ທ່ານ ສຸພິນ ຄໍາບຸນເຮືອງ ຫົວໜ້າຂະແໜງກົດໝາຍ ທັງແມ່ນຮອງປະທານກໍາມະບານຮາກຖານກໍໄດ້ຂຶ້ນຜ່ານຂໍ້ຕົກລົງຂອງສະຫະພັນກໍາມະບານແຂວງ ສະບັບເລກທີ 601/ກບຂ.ສວ ລົງວັນທີ 12/07/2021 ວ່າດ້ວຍການບົ່ງຕົວແຕ່ງຕັ້ງປະທານກໍາມະບານຮາກຖານພະແນກຍຸຕິທໍາແຂວງ. ໂດຍໄດ້ບົ່ງຕົວແຕ່ງຕັ້ງ ສະຫາຍ ສັນຕິ ຄູນທະວີແສງ ຫົວໜ້າຂະແໜງສົ່ງເສີມວຽກງານຍຸຕິທໍາ ເປັນປະທານກໍາມະບານຮາກຖານ ແລະ ໄດ້ຂື້ນຜ່ານບົດແນະນໍາສະບັບເລກທີ 014/ສກລ, ລົງວັນທີ 04 ມັງກອນ 2021 ກ່ຽວກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າຂອງສະຫະພັນກໍາມະບານລາວ, ຈຸດປະສົງແມ່ນເພື່ອເສີມຂະຫຍາຍກໍາລັງແຮງຂອງສະມາຊິກກໍາມະບານ ໃຫ້ມີສະຕິຕື່ນຕົວ, ເປັນເຈົ້າການໃນການພັດທະນາຕົນເອງຢ່າງຮອບດ້ານ, ເພື່ອຕັ້ງໜ້າເຂົ້າຮ່ວມຈັດຕັ້ງປະຕິບັດແນວທາງນະໂຍບາຍຂອງພັກ - ກົດໝາຍຂອງລັດ ແລະ ປະຕິບັດ ແຜນພັດທະນາເສດຖະກິດ-ສັງຄົມຂອງລັດ ໂດຍຜ່ານຂະບວນການແຂ່ງຂັນ 5 ເປັນເຈົ້າ ຂອງສະຫະພັນກໍາມະບານລາວ.
          ຕອນທ້າຍກອງປະຊຸມຜູ້ເຂົ້າຮ່ວມຍັງໄດ້ຮັບຟັງການໂອ້ລົມມີຄໍາຄິດຄໍາເຫັນຂອງປະທານເຊິ່ງທ່ານໄດ້ຍົກຫລາຍບັນຫາເພື່ອໃຫ້ຜູ້ເຂົ້າຮ່ວມຮັບຮູ້ ແລະ ເຂົ້າໃຈ ໂດຍສະເພາະຜູ້ທີ່ຖືກແຕ່ງໃໝ່ຕ້ອງໄດ້ເອົາໃຈໃສ່ຊີ້ນໍານໍາພາ,ຕິດຕາມກວດກາ, ຊຸກຍູ້ວຽກງານຂອງຕົນໃຫ້ມີຄວາມຖືກຕ້ອງສອດຄ່ອງຕາມລະບຽບຂອງສະພັນກໍາມະບານລາວວາງອອກ, ສ້າງຄວາມສາມັກຄີເປັນເອກະພາບພາຍໃນ ແລະ ພາຍນອກໃຫ້ມີຄວາມແໜ້ນແຟ້ນ, ເປັນເຈົ້າການປະຕິບັດໜ້າທີ່ວຽກງານຕາມການມອບໝາຍຂອງອົງການຈັດຕັ້ງຂັ້ນເທິງຢ່າງເຂັ້ມງວດ. ໂດຍສະເພາະວຽກງານການປະເມີນຜົນໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າປະຈໍາປີ 2021 ໃຫ້ມີຄວາມຖືກຕ້ອງ, ສອດຄ່ອງຕາມຄວາມເປັນຈິງ ແລະ ມີປະສິດທິພາບ,ປະສິດທິຜົນ, ຫຼີກລ້ຽງການປະເມີນຜົນຫຼືການໃຫ້ຄະແນນທີ່ບໍສົມເຫດສົມຜົນ ເຊິ່ງຈະມີຜົນໂດຍກົງຕໍ່ການຈັດຕັ້ງອີກດ້ວຍ.
ປະເພດຂ່າວ: