ພະແນກຍຸຕິທຳແຂວງ ສະຫວັນນະເຂດ ລົງຊຸກຍູ້ວຽກງານຍຸຕິທຳຮາກຖານ

Primary tabs

          ໃນລະຫວ່າງວັນທີ 2-6 ສິງຫາ 2021, ພະແນກຍຸຕິທຳແຂວງ ສະຫວັນນະເຂດ ນຳໂດຍ ທ່ານ ມະນິວັນ ແກ້ວພິກຸນ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ວຽກງານການຈັດຕັ້ງ, ວຽກງານຍຸຕິທຳຮາກຖານໃຫ້ບັນດາຫ້ອງການຍຸຕິທຳເມືອງ ຄື : ມ. ອາດສະພອນ ມ. ອາດສະພັງທອງ , ມ. ອຸທຸມພອນ ແລະ ມ. ໄຊບູລີ, ສໍາລັບ ມ. ທ່າປາງທອງ ແມ່ນນຳໂດຍ ທ່ານ ສີສຸກ ເທບທານີ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະ
อาจเป็นรูปภาพของ 4 คน, ผู้คนกำลังนั่ง และผู้คนกำลังยืน
          ໃຫ້ກຽດຕ້ອນຮັບໂດຍ ທ່ານ ຮອງເຈົ້າເມືອງ ຜູ້ຊີ້ນຳວຽກງານຍຸຕິທຳຮາກຖານ ແລະ ທ່ານຫົວໜ້າຫ້ອງການຍຸຕິທໍາເມືອງພ້ອມຄະນະທັງ 5 ເມືອງ, ໃນໂອກາດລົງເຄື່ອນໄຫວວຽກງານໃນຄັ້ງນີ້ກໍ່ໄດ້ຮັບຟັງການການລາຍງານກ່ຽວກັບສະພາບການເຄື່ອນໄຫວປະຕິບັດວຽກງານຮອບດ້ານໃນໄລຍະ 6 ເດືອນຜ່ານມາ ແລະ ທິດທາງແຜນການໃນຕໍ່ໜ້າ ຂອງແຕ່ລະເມືອງ ເປັນຕົ້ນແມ່ນວຽກງານຍຸຕິທຳຮາກຖານ, ວຽກງານໂຄສະນາເຜີຍແຜ່ກົດໝາຍ, ວຽກງານປະຕິບັດຄຳຕັດສີນຂອງສານ ພ້ອມທັງຍົກໃຫ້ເຫັນດ້ານດີ, ດ້ານອ່ອນ ຂໍ້ຄົງຄ້າງຈຳນວນໜຶ່ງທີ່ຕ້ອງປັບປຸງ ແລະ ແກ້ໄຂໃນຕໍ່ໜ້າ.
ເນື່ອງໃນໂອກາດດັ່ງກ່າວ ທ່ານ ຮອງຫົວໜ້າພະແນກ ກໍ່ໄດ້ມີຄຳເຫັນໂອ້ລົມໃຫ້ທິດຊີ້ນຳຕໍ່ການຊີ້ນຳໆພາຂອງຄະນະຫ້ອງການຍຸຕິທຳເມືອງ ເຊິ່ງທ່ານໄດ້ເນັ້ນໃຫ້ຫົວໜ້າຫ້ອງການຍຸຕິທຳທັງ 5 ເມືອງ ຈົ່ງພ້ອມກັນເອົາໃຈໃສ່ສຶບຕໍ່ຜັນຂະຫຍາຍດ້ານດີ, ປັບປຸງດ້ານອ່ອນ ແລະ ເອົາໃຈໃສ່ແກ້ໄຂຂໍ້ຄົງຄ້າງໃນການຈັດຕັ້ງປະຕິບັດເຊັ່ນ: ວຽກງານສ້າງບຸກຄະລາກອນກົດໝາຍໃຫ້ຮາກຖານຂອງບ້ານ,ວຽກງານໂຄສະນາເຜິຍແຜ່ກົດໝາຍ, ວຽກງານສ້າງຄອບຄົວ ແລະ ບ້ານແບບຢ່າງປະຕິບັດກົດໝາຍ, ວຽກງານແກ້ໄຂຂໍ້ຂັດແຍ່ງຂັ້ນບ້ານ, ວຽກງານຍຸຕິທຳເດັກ ແລະ ວຽກງານສ້າງຕູ້ປື້ມກົດໝາຍປະຈຳບ້ານ, ໃຫ້ປະສານສົມທົບກັບພາກສ່ວນທີ່ກ່ຽວຂ້ອງເຊັນ: ບັນດາຂະແໜງການອ້ອມຂ້າງຂອງເມືອງ, ປະສານສົມທົບກັບອຳນາດການປົກຄອງບ້ານ ແລະ ກົມກອງຕ່າງໆ ເພື່ອປັບປຸງດ້ານແບບແຜນວິທີເຮັດວຽກໃຫ້ມີຄວາມໜັກແໜ້ນ ແລະ ຮັບປະກັນຄວາມສະເໝີພາບຕໍ່ໜ້າກົດໝາຍຂອງປະຊາຊົນ, ສືບຕໍ່ປັບປຸງດ້ານບຸກຄະລາກອນທີ່ມີຄວາມຮູ້ຄວາມສາມາດເຂົ້າໃນແຕ່ລະໜ່ວຍງານໃຫ້ເໝາະສົມ, ເອົາໃຈໃສ່ປະສານສົມທົບກັບພາກສ່ວນທີ່ກ່ຽວຂ້ອງລະຫວ່າງເມືອງ,ແຂວງເພື່ອເຮັດໃຫ້ວຽກງານຍຸຕິທຳຮາກຖານໄດ້ຮັບຜົນສຳເລັດຕາມເປົ້າໝາຍທີ່ວາງໄວ້
ຂ່າວ ແລະ ພາບ : ທ່ານ ລຳເງິນ ໄຊຍະວົງສາ