ພະແນກຍຸຕິທຳແຂວງ ສະຫວັນນະເຂດ ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ

Primary tabs

          ໃນວັນທີ 6 ສິງຫາ 2021 ທີ່ຫ້ອງປະຊຸມພະແນກຍຸຕິທຳແຂວງ ໄດ້ຈັດພິທີເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວຂຶ້ນ, ໃຫ້ກຽດເປັນປະທານເຜີຍແຜ່ ໂດຍ ທ່ານ ຄຳສິງ ເພັດໄຊຍະພອນ ກຳມະການໜ່ວຍພັກຮາກຖານພະແນກ, ຮອງຫົວໜ້າພະແນກຍຸຕິທຳແຂວງ ມີບັນດາພະນັກງານ-ລັດຖະກອນຂອງພະແນກຍຸຕິທຳເຂົ້າຮ່ວມນຳລວມທັງໝົດ 35 ທ່ານ, ຍິງ 17 ທ່ານ.
อาจเป็นรูปภาพของ 6 คน, ผู้คนกำลังนั่ง และสถานที่ในร่ม
          ຈຸດປະສົງ ເພື່ອເຮັດໃຫ້ສະມາຊິກພັກ, ບັນດາພະນັກງານ - ລັດຖະກອນພາຍໃນພະແນກໄດ້ຮັບຮູ້ ແລະ ເຂົ້າໃຈຢ່າງເລີກເຊີ່ງ ກຳແໜ້ນຕໍ່ແນວທາງນະໂຍບາຍຂອງພັກ ກົດໝາຍ ແລະ ລະບຽບການຂອງລັດ ທີ່ວາງອອກໃນແຕ່ລະໄລຍະ, ໂດຍສະເພາະແມ່ນເນື້ອໃນສຳຄັນຕົ້ນຕໍ 4 ເນື້ອໃນ 4 ຄາດໝາຍຂອງພັກ, ສຸມໃສ່ວຽກງານຈຸດສຸມທີ່ຕິດພັນກັບພາລະບົດບາດ, ສິດ ແລະ ໜ້າທີ່ຄວາມຮັບຜິດຊອບຂອງຂະແໜງການຍຸຕິທຳ, ສ້າງການຫັນປ່ຽນດ້ານແນວຄິດຈິນຕະນາການ, ສ້າງຄວາມເຂັ້ມແຂງໃຫ້ຕົນເອງ, ເພິ່ງຕົນເອງ, ກຸ້ມຕົນເອງ, ເພີ່ມທະວີນໍ້າໃຈເສຍສະລະຂອງສະມາຊິກພັກ-ພະນັກງານໃນການຮັບໃຊ້ປະເທດຊາດ ແລະ ຮັບໃຊ້ປະຊາຊົນດ້ວຍຄວາມບໍລິສຸດໃຈ.
ປະເພດຂ່າວ: