ພະແນກຍຸຕິທຳແຂວງສະຫວັນນະເຂດ ເຊື່ອມຊຶມ ແລະ ຜັນຂະຫຍາຍເອກະສານສຳຂອງພັກໃຫ້ພະນັກງານລັດຖະກອນ

Primary tabs

          ໃນຄັ້ງວັນທີ 8 ກໍລະກົດ 2021 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ໄດ້ຈັດພິທີເຊື່ອມຊຶມຜັນຂະຫຍາຍເອກະສານສຳຄັນຂອງພັກຂຶ້ນ ໂດຍການເປັນປະທານຮ່ວມຂອງທ່ານ ມະນີວັນ ແກ້ວພິກຸນ ຮອງເລຂາໜ່ວຍພັກ-ຮອງຫົວໜ້າພະແນກຍຸຕິທຳແຂວງ, ມີ ທ່ານ ຄຳສິງ ເພັດໄຊຍະພອນ ກຳມະການພັກ ຮອງຫົວໜ້າພະແນກຍຸຕິທຳແຂວງ, ພ້ອມດ້ວຍສະມາຊິກພັກ, ພະນັກງານ-ລັດຖະກອນເຂົ້າຮ່ວມຮັບຟັງຈຳນວນ 34 ທ່ານ, ຍິງ 16 ທ່ານ.
อาจเป็นรูปภาพของ 14 คน, ผู้คนกำลังยืน, ผู้คนกำลังนั่ง และสถานที่ในร่ม
          ເອກະສານທີ່ນຳມາເຜີຍແຜ່ໃນຄັ້ງນີ້ປະກອບມີ 5 ເອກະສານຄື: 1 ເອກະສານເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ 9 ຂອງອົງຄະນະພັກແຂວງ ສະຫວັນນະເຂດ, ບົດລາຍງານສະພາບການຈັດຕັ້ງປະຕິບັດງົບປະມານ 6 ເດືອນຕົ້ນປີ ແລະ ຄາດຄະເນໝົດປີ 2021 ຕໍ່ກອງປະຊຸມຄົບຄະນະບໍລະຫານງານພັກແຂວງ, ມະຕິຂອງຄະນະບໍລິຫານງານສູນກາງພັກປະຊາຊົນປະຕິວັດລາວ ວ່າດ້ວຍການຍົກສູງປະສິດທິພາບຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ, ຄຳແນະຄຳກ່ຽວກັບການຈັດຕັ້ງເຊື່ອມຊຶມມະຕິວ່າດ້ວຍການເພີ່ມທະວີການນຳພາຂອງພັກຕໍ່ວຽກງານວັດທະນະທຳໃນໄລຍະໃໝ່.
          ຈຸດປະສົງ ກໍເພື່ອໃຫ້ສະມາຊິກພັກພະນັກງານ-ລັດຖະກອນພາຍໃນພະແນກຮັບຮູ້ ແລະ ເຂົ້າໃຈຢ່າງເລິກເຊິ່ງ, ກຳແໜ້ນແນວທາງນະໂຍບາຍຂອງພັກ ກົດໝາຍ ແລະ ລະບຽບການຂອງລັດວາງອອກໃນແຕ່ລະໄລຍະ ໂດຍສະເພາະແມ່ນເນື້ອໃນສຳຄັນຕົ້ນຕໍ ແລະ ວຽກງານຕິດພັນກັບພາລະບົດບາດ ສິດ ແລະ ໜ້າທີ່ຮັບຜິດຊອບຂອງແຕ່ລະຂະແໜງການຂອງຕົນໃຫ້ຫັນປ່ຽນດ້ານແນວຄິດ ແລະ ຈິນຕະນາການ ປັບປຸງຍົກສູງຫຼັກໝັ້ນການເມືອງ ນໍ້າໃຈເສຍສະລະຂອງພະນັກງານ ແລະ ສ້າງຄວາມເປັນເອກະພາບ ພາຍໃນການຈັດຕັ້ງປະຕິບັດໜ້າທີ່ວຽກງານເຮັດໃຫ້ການພັດທະນາວຽກງານຍຸຕິທຳມີຜົນສຳເລັດດີຂຶ້ນກວ່າເກົ່າ.
ຂ່າວ-ພາບ : ລຳເງິນ ໄຊຍະວົງສາ.
ປະເພດຂ່າວ: