ໜ່ວຍຮາກຖານຊາວໜຸ່ມພະແນກຍຸຕິທຳແຂວງ ວຽງຈັນຈັດຕັ້ງພິທີຮັບຮອງເປັນໜ່ວຍ 4 ບຸກ

Primary tabs

          ໃນຕອນເຊົ້າຂອງວັນທີ 12 ກຸມພາ 2021 ທີ່ຜ່ານມານີ້ ຄະນະໜ່ວຍຮາກຖານຊາວໜຸ່ມພະແນກຍຸຕິທຳແຂວງ ວຽງຈັນ ໄດ້ຈັດຕັ້ງພິທີປະກາດຮັບຮອງເປັນໜ່ວຍຊາວໜຸ່ມ 4 ບຸກ ຮອບ II ຢ່າງເປັນທາງການ ຢູ່ທີ່ຫ້ອງປະຊຸມຂອງພະແນກຍຸຕິທໍາໂດຍການເປັນປະທານຮ່ວມ ສະຫາຍ ຄຳພັນ ຊະນະໄພ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງ ວຽງຈັນ, ມີສະຫາຍ ດາວສະຫວັນ ລາດຊະວົງ ຮອງເລຂາຄະນະບໍລິຫານງານຊາວໜຸ່ມແຂວງ ວຽງຈັນ, ສະຫາຍ ນາງ ເຄືອຄຳ ຫຼວງລາດ ເລຂາໜ່ວຍຮາກຖານຊາວໜຸ່ມພະແນກຍຸຕິທໍາ ມີບັນດາສະຫາຍຊາວໜຸ່ມ, ຕາງໜ້າຈາກໄອຍະການປະຊົນແຂວງ, ສານປະຊາຊົນແຂວງ , ສະພາປະຊາຊົນແຂວງ ແລະ ສະມາຊິກຊາວໜຸ່ມພະແນກຍຸຕິທຳແຂວງເຂົ້າຮ່ວມທັງໝົດ 33 ສະຫາຍ, ຍິງ 8 ສະຫາຍ.
อาจเป็นรูปภาพของ 4 คน และผู้คนกำลังยืน
          ໃນພິທີ ສະຫາຍ ນາງ ເຄືອຄຳ ຫຼວງລາດ ເລຂາໜ່ວຍຮາກຖານຊາວໜຸ່ມ ພະແນກຍຸຕິທໍາ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງໜ່ວຍຊາວໜຸ່ມພະແນກຍຸຕິທຳແຂວງ ວຽງຈັນ ສົກປີ 2020 ໃນໄລຍະ 1 ປີຜ່ານມາ ຊຶ່ງຄະນະໜ່ວຍຮາກຖານຊາວໜຸ່ມເຮົາໄດ້ຖືເອົາວຽກງານສຶກສາອົບຮົມການເມືອງ - ແນວຄິດໃຫ້ແກ່ສະມາຊິກຊາວໜຸ່ມໂດຍການນຳເອົາແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກຳນົດ, ກົດລະບຽບ ແລະ ຂໍ້ແຂ່ງຂັນຂອງຊາວໜຸ່ມມາເຜີຍແຜ່ເຊື່ອມຊຶມໃຫ້ແກ່ສະມາຊິກຊາວໜຸ່ມພາຍໃນໜ່ວຍ ເຮັດໃຫ້ເຂົາເຈົ້າມີທັດສະນະຫຼັກໝັ້ນການເມືອງໜັກແໜ້ນ, ມີຄວາມຈົ່ງຮັກພັກດີຕໍ່ພັກ-ລັດ, ຕໍ່ອຸດົມການຂອງຕົນໂດຍຜ່ານການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມ ເຫັນວ່າບັນລຸໄດ້ຕາມທິດທາງແຜນການ ແລະ ຄາດໝາຍສູ້ຊົນ, ເນື້ອໃນຂໍ້ແຂ່ງຂັນ 4 ບຸກໃນແຕ່ລະດ້ານສາມາດປະເມີນໄດ້ 90% ຂຶ້ນໄປ, ສະມາຊິກຊາວໜຸ່ມພາຍໃນໜ່ວຍໄດ້ຮັບການຢັ້ງຢືນ 100%. ໃນພິທີຍັງໄດ້ມອບ-ຮັບໃບຢັ້ງຢືນ 4 ບຸກ ໃຫ້ແກ່ຄະນະຊາວໜຸ່ມ, ສະມາຊິກຊາວໜຸ່ມຜູ້ທີ່ມີຜົນງານດີເດັ່ນໃນ 1 ປີຜ່ານມາ ແລະ ພ້ອມກັນຈັບມື ແຂ່ງຂັນ.
          ໃນຕອນທ້າຍ ສະຫາຍ ຄຳພັນ ຊະນະໄພ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງ ວຽງຈັນ ໄດ້ໃຫ້ກຽດໂອ້ລົມຕໍ່ ຄະນະຊາວໜຸ່ມ ແລະ ສະມາຊິກຊາວໜຸ່ມວ່າ ຈົ່ງເປັນເຈົ້າການ ແລະ ເຜີຍແຜ່ ມະຕິ, ຄຳສັ່ງ, ຂໍ້ກຳນົດ, ກົດລະບຽບ, ກົດໝາຍ, ຂໍ້ແຂ່ງຂັນ 4 ບຸກ ແລະ ບັນດາເອກະສານຕ່າງໆ ທີ່ຕິດພັນກັບວຽກງານຊາວໜຸ່ມພວກເຮົາ. ສຶບຕໍ່ຈັດຕັ້ງປະຕິບັດ ຂໍ້ແຂ່ງຂັນ 4 ບຸກໃຫ້ເປັນປົກກະຕິ, ສຶບຕໍ່ສ້າງສະມະຊິກຊາວໜຸ່ມເຂົ້າເປັນສະມະຊິກພັກ ສຶກສາອົບຮົມສ້າງອາຊີບເສີມໃຫ້ແກ່ສະມາຊິກໃຫ້ກາຍເປັນຄອບຄົວຕົວແບບ ແລະ ຍາດໃຫ້ໄດ້ທຸງໄຊນາມມະຍົດໃນຕໍ່ໜ້າ
ຂຽນຂ່າງ-ຖ່າຍພາບ: ພະແນກຍຸຕິທຳແຂວງ ວຽງຈັນ
ປະເພດຂ່າວ: