ເມືອງ ໝື່ນ ສຳເລັດການຝຶກອົບຮົມກົດໝາຍ 45 ວັນ ຊຸດທີ II ແລະ ປະກາດຮັບຮອງບ້ານແບບຢ່າງປະຕິບັດກົດໝາຍ ປະຈຳປີ 2021

Primary tabs

          ພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ II ແລະ ປະກາດຮັບຮອງບ້ານແບບຢ່າງປະຕິບັດກົດໝາຍ ປະຈຳປີ 2021 ໄດ້ຈັດຂຶ້ນວັນທີ 23 ມີຖຸນາ 2021 ຜ່ານມາ ຢູ່ທີ່ສະໂມສອນໃຫຍ່ຫ້ອງວ່າການເມືອງ ໝື່ນ ແຂວງ ວຽງຈັນ ໃຫ້ກຽດເຂົ້າເປັນປະທານ ຂອງ ທ່ານ ພອນເທີດ ສຸຫວັດດີ ເຈົ້າເມືອງ ໝື່ນ, ມີທ່ານ ນາງ ຈັນສອນ ກົງດາລາ ຮອງຫົວໜ້າພະແນກຍຸຕິທຳແຂວງ ວຽງຈັນ, ມີຄະນະປະຈໍາ, ກໍາມະການພັກເມືອງ, ຄະນະຮັບຜິດຊອບການຝຶກອົບຮົມ, ຫ້ອງການຍຸຕິທໍາເມືອງ, ເເຂກຖືກເຊີນ, ນັກຝຶກອົບຮົມ ແລະ ພາກສ່ວນກ່ຽວຂ້ອງເຂົ້າຮ່ວມ.
          ທ່ານ ວຽງຢ່າງ ນາວປາວ ຫົວໜ້າຫ້ອງການຍຸຕິທຳເມືອງ ໝື່ນ ໄດ້ຂຶ້ນຜ່ານບົດສະຫຼຸບຂອງການຝຶກອົບຮົມ ຊຶ່ງທ່ານ ໄດ້ກ່າວວ່າ: ການຝຶກອົບຮົມຄັ້ງນີ້ ແມ່ນປະຕິບັດຕາມຄຳເເນະນຳຂອງທ່ານລັດຖະມົນຕີ ກະຊວງຍຸຕິທຳ ສະບັບເລກທີ 1039/, ລົງວັນທີ 4 ພະຈິກ 2015 ວ່າດ້ວຍ ການຈັດຕັ້ງປະຕິບັດວຽກງານ 3 ສ້າງ ຕາມພາລະບົດບາດຂອງຂະແໜງຍຸຕິທຳ ໂດຍມີຜູ້ເຂົ້າຮ່ວມຝຶກອົບຮົມ ທັງໝົດ 41 ທ່ານ, ຍິງ 3 ທ່ານ ມາຈາກບ້ານທັງໝົດ, ຄູສອນທັງໝົດມີ 27 ທ່ານ, ຍິງ 5 ທ່ານ, ມາຈາກຫ້ອງການກ່ຽວຂ້ອງຂັ້ນເມືອງ 21 ທ່ານ, ຍິງ 3 ທ່ານ, ມີທັງໝົດ 32 ວິຊາຮຽນ, 22,5 ໜ່ວຍກິດ, 360 ຊົ່ວໂມງ, ໃຊ້ເວລາ 45 ວັນ ໂດຍເລີ່ມແຕ່ວັນທີ 15 ກຸມພາ 2021 ຈົນເຖິງ ວັນທີ 2 ເມສາ 2021 ຈຶ່ງສໍາເລັດ.
อาจเป็นรูปภาพของ 4 คน, ผู้คนกำลังยืน และสถานที่ในร่ม
          ໃນພິທີ ທ່ານ ພອນເທີດ ສຸຫວັດດີ ເຈົ້າເມືອງ ໝື່ນ ກໍໄດ້ໃຫ້ກຽດມອບໃບຢັ້ງຢືນ ແລະ ໃບຍ້ອງຍໍໃຫ້ນັກຝຶກອົບຮົມ ທີ່ສໍາເລັດການຝຶກອົບຮົມໃນຊຸດນີ້. ພ້ອມນັ້ນ, ກໍໄດ້ຜ່ານຂໍ້ຕົກລົງຂອງທ່ານ ເຈົ້າເມືອງ ໝື່ນ ວ່າດ້ວຍການຮັບຮອງເອົາບ້ານແບບຢ່າງປະຕິບັດກົດໝາຍ ປະຈຳປີ 2021 ຈໍານວນ 12 ບ້ານ ປະກອບມີ: ບ້ານ ໂພນສີວິໄລ, ບ້ານ ໂນນຕ້ອງ, ບ້ານ ນາຍາວ, ບ້ານ ນາບົວ, ບ້ານ ນໍ້າເລົ້າ, ບ້ານ ນໍ້າເເພດ, ບ້ານ ເມືອງໝື່ນ, ບ້ານ ນາປ່າໄຜ່, ບ້ານ ນໍ້າເພີນ, ບ້ານ ນໍ້າຮອນ, ບ້ານ ນໍ້າຮີ້, ບ້ານ ວັງ ແລະ ໄດ້ມອບໃບຢັ້ງຢືນ ບ້ານແບບຢ່າງປະຕິບັດກົດໝາຍ ໃຫ້ຈໍານວນ 12 ບ້ານ; ໃຫ້ກຽດມອບໂດຍ ທ່ານ ເຈົ້າເມືອງ ໝື່ນ ແລະ ໃນຕອນທ້າຍ ທ່ານ ເຈົ້າເມືອງ ກໍໃຫ້ກຽດໂອ້ລົມ ແລະ ໃຫ້ທິດຊີ້ນໍາຫຼາຍດ້ານ ເພື່ອເປັນເຂັມຊີ້ທິດເຍືອງທາງໃນການແກ້ໄຂວຽກງານໃນຕໍ່ໜ້າຕື່ມອີກ.
ຂ່າວ ແລະ ພາບ: ຈາກຫ້ອງການຍຸຕິທໍາເມືອງ ໝື່ນ
ປະເພດຂ່າວ: