ພິທີປິດຊຸດຝຶກອົບຮົມກົດໝາຍໄລຍະສັ້ນ 45 ວັນ ຂອງເມືອງ ຫີນເຫີບ

Primary tabs

          ໃນວັນທີ 23 ມີຖຸນາ 2021 ຜ່ານມາ ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງ ຫີນເຫີບ ແຂວງ ວຽງຈັນ ໄດ້ຈັດພິທີປິດຊຸດຝຶກອົບຮົມ ກົດໝາຍໄລຍະສັ້ນ 45 ວັນ ຂຶ້ນ ໃຫ້ກຽດເປັນປະທານຮ່ວມ ຂອງ ທ່ານ ວອນ ວໍລະສານ ເຈົ້າເມືອງ ຫີນເຫີບ, ທ່ານ ຄໍາພັນ ຊະນະໄພ ຫົວໜ້າພະແນກຍຸຕິທຳແຂວງ ວຽງຈັນ ມີຫົວໜ້າ, ຮອງຫົວໜ້າຫ້ອງການຍຸຕິທໍາ, ພະນັກງານ-ລັດຖະກອນ, ຄູ-ອາຈານ ແລະ ນັກຝຶກອົບຮົມເຂົ້າຮ່ວມ.
อาจเป็นรูปภาพของ 1 คน, กำลังยืน และสถานที่ในร่ม
          ທ່ານ ພົງສະຫວັນ ອິນສົມພູ ຫົວໜ້າຫ້ອງການຍຸຕິທຳເມືອງ, ໄດ້ຂຶ້ນຜ່ານບົດສະຫຼຸບ ຜົນສຳເລັດຂອງວຽກງານຍຸຕິທຳຮາກຖານ ໂດຍສະເພາະ ແມ່ນການເປີດຊຸດຝຶກອົບຮົມ ກົດໝາຍ 45 ວັນ ໃນໄລຍະຜ່ານມາ. ຊຸດຝຶກອົບຮົມຊຸດນີ້ ເປັນຊຸດທີ II ຊຶ່ງໄດ້ເລີ່ມເປີດແຕ່ວັນທີ 25 ມັງກອນ 2021 ເປັນຕົ້ນມາ. ຫຼັກສູດການຝຶກອົບຮົມປະກອບມີ 4 ພາກ, 34 ວິຊາ, ມີ 22,5 ໜ່ວຍກິດ, ມີ 360 ຊົ່ວໂມງ; ຊຶ່ງໄດ້ແບ່ງອອກເປັນ ວິຊາທິດສະດີ ມີ 3 ວິຊາ, ວິຊາກົດໝາຍ ມີ 29 ວິຊາ, ວິຊາວຽກງານຍຸຕິທໍາຮາກຖານ ມີ 1 ວິຊາ, ວິຊາເຕັກນິກການແຕ່ງເອກະສານ ມີ1 ວິຊາ, ມີຜູ້ເຂົ້າຮ່ວມຝຶກອົບຮົມທັງໝົດ 45 ທ່ານ, ຍິງ 8 ທ່ານ ແລະ ມີຄູ-ອາຈານທັງໝົດ 20 ທ່ານ, ຍິງ 1 ທ່ານ. ຈາກນັ້ນ, ກໍໄດ້ມອບໃບຢັ້ງຢືນ ແລະ ໃບຍ້ອງຍໍ ໃຫ້ນັກຝຶກອົບຮົມທີ່ສຳເລັດການຝຶກອົບຮົມ ໃຫ້ກຽດມອບໂດຍ ທ່ານ ຄຳພັນ ຊະນະໄພ ຫົວໜ້າພະແນກຍຸຕິທຳແຂວງ ວຽງຈັນ.
          ໃນຕອນທ້າຍ ທ່ານ ເຈົ້າເມືອງ ກໍໄດ້ໃຫ້ກຽດໂອ້ລົມ ຊຶ່ງທ່ານໄດ້ກ່າວຍ້ອງຍໍຊົມເຊີຍ ຄະນະຮັບຜິດຊອບ, ຄູ - ອາຈານ ແລະ ນັກຝຶກອົບຮົມ ທີ່ໄດ້ເອົາໃຈໃສ່ໃນການສິດສອນ ແລະ ຄົ້ນຄວ້າຮໍ່າຮຽນຈົນສຳເລັດ ແລະ ໄດ້ເນັ້ນໜັກໃຫ້ນັກຝຶກອົບຮົມ ຈົ່ງນຳເອົາຄວາມຮູ້, ຄວາມສາມາດທີ່ໄດ້ຮຽນມາໄປຜັນຂະຫຍາຍເຂົ້າໃນໜ້າທີ່ວຽກງານໃນຂອບເຂດທີ່ຕົນເອງຮັບຜິດຊອບໃຫ້ເກີດຜົນປະໂຫຍດສູງສຸດ.
ຂ່າວ ແລະ ພາບ: ຈາກຫ້ອງການຍຸຕິທໍາເມືອງຫີນເຫີບ
ປະເພດຂ່າວ: