ຫ້ອງການຍຸຕິທຳເມືອງ ບຸນເໜືອ ແຂວງ ຜົ້ງສາລີ ເອົາໃຈໃສ່ຍົກລະດັບຄວາມຮູ້ທາງດ້ານກົດໝາຍໃຫ້ພະນັກງານຮາກຖານ

Primary tabs

          ເພື່ອເຮັດໃຫ້ພະນັກງານຮາກຖານບ້ານ, ກຸ່ມບ້ານ ແລະ ປະຊາຊົນບັນດາເຜົ່າ ມີຄວາມຮູ້ພື້ນຖານກ່ຽວກັບລັດຖະທໍາມະນູນ ແລະ ກົດໝາຍໃຫ້ນັບມື້ນັບສູງຂຶ້ນ, ເພື່ອແນໃສ່ສ້າງເງື່ອນໄຂໃຫ້ແກ່ການຄຸ້ມຄອງລັດ - ຄຸ້ມຄອງສັງຄົມດ້ວຍກົດໝາຍ ແລະ ປະກອບສ່ວນການສ້າງ ລັດ ສປປ ລາວ ເປັນລັດທີ່ປົກຄອງດ້ວຍກົດໝາຍຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນເທື່ອລະກ້າວ.
          ຕອນເຊົ້າຂອງວັນທີ 3 ສິງຫາ 2021 ທີ່ຜ່ານມານີ້ ຫ້ອງການຍຸຕິທຳເມືອງ ບຸນເໜືອ ແຂວງ ຜົ້ງສາລີ ໄດ້ຈັດພິທີເປີດຊຸດຝຶກອົບຮົມກົດໝາຍ 45 ວັນ ຊຸດທີ II ໃຫ້ແກ່ພະນັກງານຮາກຖານບ້ານ, ກຸ່ມບ້ານ ແລະ ປະຊາຊົນບັນດາເຜົ່າ ທີ່ຂຶ້ນກັບກຸ່ມບ້ານ ພຽງໄຊ ຢ່າງເປັນທາງການ ທີ່ ໂຮງຮຽນ ມໍຕົ້ນ ພຽງໄຊ ໂດຍການເປັນປະທານຂອງ ທ່ານ ໄຊນຸພາບ ສຸຈັນ ຮອງເລຂາພັກເມືອງ, ປະທານກວດກາພັກ-ລັດເມືອງ ຜູ້ຊີ້ນຳອົງການປົກປ້ອງກົດໝາຍ, ສະມາຊິກສະພາປະຊາຊົນຂັ້ນແຂວງເຂດເລືອກຕັ້ງທີ 2 ເຂົ້າຮ່ວມມີທ່ານ ນາງ ອຳໄພພອນ ຕ່ອມມະນີ ຮອງຫົວໜ້າພະແນກຍຸຕິທໍແຂວງ ຜົ້ງສາລີ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, ຄະນະຮັບຜິດຊອບຊີ້ນໍາການຝຶກອົບຮົມ, ຄູຝຶກ ແລະ ຜູ້ເຂົ້າຮ່ວມຝຶກອົບຮົມ, ພະນັກງານ-ລັດຖະກອນ ຫ້ອງການຍຸຕິທຳເມືອງ ແລະ ແຂກຖືກເຊີນເຂົ້າຮ່ວມທັງໝົດ 55 ທ່ານ, ຍິງ 11 ທ່ານ.
อาจเป็นรูปภาพของ หนึ่งคนขึ้นไป
          ໃນພິທີຄະນະຮັບຜິດຊອບເປີດຊຸດຝຶກອົບຮົມ ກໍ່ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າເມືອງ ບຸນເໜືອ ສະບັບເລກທີ 211/ຈມ.ບໜ, ລົງວັນທີ 26 ກໍລະກົດ 2021 ວ່າດ້ວຍການອະນຸມັດເປີດຊຸດຝຶກອົບຮົມກົດໝາຍ 45 ວັນ ຊຸດທີ II, ຂໍ້ຕົກລົງຂອງທ່ານເຈົ້າເມືອງ ສະບັບເລກທີ 212/ຈມ.ບໜ, ລົງວັນທີ 26 ກໍລະກົດ 2021 ວ່າດ້ວຍການແຕ່ງຕັ້ງຄະນະຮັບຜິດຊອບຝຶກອົບຮົມກົດໝາຍ 45 ວັນ, ຂໍ້ຕົກລົງຂອງທ່ານເຈົ້າເມືອງ ສະບັບເລກທີ 214/ຈມ.ບໜ, ລົງວັນທີ 28 ກໍລະກົດ 2021 ວ່າດ້ວຍການແຕ່ງຕັ້ງອາຈານສອນກົດໝາຍ 45 ວັນ ແລະ ຂໍ້ຕົກລົງຂອງທ່ານເຈົ້າເມືອງ ສະບັບເລກທີ 217/ຈມ.ບໜ, ລົງວັນທີ 30 ກໍລະກົດ 2021 ວ່າດ້ວຍການແຕ່ງຕັ້ງນັກສໍາມະນາເຂົ້າຝຶກອົບຮົມກົດໝາຍ 45 ວັນ ຊຸດທີ II.
          ທ່ານ ຄຳຈັນ ສີສຸເພັດ ຫົວໜ້າຫ້ອງການຍຸຕິທຳເມືອງ ບຸນເໜືອ ກໍ່ໄດ້ລາຍງານສະພາບການກະກຽມເປີດຊຸດຝຶກອົບຮົມກົດໝາຍ 45 ວັນ ຊຸດທີ II ໃນຄັ້ງນີ້ ຈຸດປະສົງຫຼັກແມ່ນ ເພື່ອໃຫ້ພະນັກງານຮາກຖານບ້ານ, ກຸ່ມບ້ານ ແລະ ປະຊາຊົນບັນດາເຜົ່າ ທີ່ຂຶ້ນກັບກຸ່ມບ້ານ ພຽງໄຊ ໄດ້ຍົກລະດັບຄວາມຮູ້ທາງດ້ານກົດໝາຍປະຕິບັດໜ້າທີ່ວຽກງານໃຫ້ມີຄວາມສອດຄ່ອງຕາມລັດຖະທຳມະນູນ ແລະ ກົດໝາຍ ພ້ອມກັນນັ້ນຍັງເປັນການຍົກສູງຄວາມສາມາດໃນການຊີ້ນຳ-ນຳພາຂອງຄະນະພັກທຸກຂັ້ນໃຫ້ສູງຂຶ້ນເທື່ອລະກ້າວ. ໃນການຝຶກອົບຮົມຄັ້ງນີ້ມີພະນັກງານຮາກຖານບ້ານ, ກຸ່ມບ້ານ ແລະ ປະຊາຊົນບັນດາເຜົ່າທີ່ມາຈາກ 11 ບ້ານ ທີ່ຂຶ້ນກັບ ກຸ່ມບ້ານ ພຽງໄຊ ລວມທັງໝົດ 46 ທ່ານ, ຍິງ 9 ທ່ານ, ລວມມີວິຊາຮຽນທັງໝົດ 34 ວິຊາ, ມີ 22,5 ໜ່ວຍກິດ, 360 ຊົ່ວໂມງຈະໃຊ້ເວລາໃນການຝຶກອົບຮົມແມ່ນ 45 ວັນເຕັມ ຈຶ່ງຈະສຳເລັດ.
ພາບ-ຂ່າວ: ທອງວັນ ສີສະຫວັນ
ປະເພດຂ່າວ: