ສະຫະພັນແມ່ຍິງ 4 ພາກສ່ວນ ໄດ້ສ້າງຂະບວນການອອກແຮງງານລວມ

Primary tabs

          ໃນຕອນເຊົ້າຂອງວັນທີ 16 ກໍລະກົດ 2021 ສະຫະພັນແມ່ຍິງ 4 ພາກສ່ວນຄື ສະຫະພັນແມ່ຍິງພະແນກຍຸຕິທໍາແຂວງ ບໍ່ແກ້ວ, ສະຫະພັນແມ່ຍິງສານປະຊາຊົນແຂວງ, ສະຫະພັນແມ່ຍິງອົງການໄອຍະການປະຊາຊົນແຂວງ, ສະຫະພັນແມ່ຍິງພະແນກສຶກສາທິການ ແລະ ກິລາແຂວງ ໄດ້ສ້າງຂະບວນການອອກແຮງງານລວມ ເພື່ອຂໍ່ານັບຮັບຕ້ອນວັນສ້າງຕັ້ງສະຫະພັນແມ່ຍິງລາວ ຄົບຮອບ 66 ປີ ( 20 ກໍລະກົດ 1955 - 20 ກໍລະກົດ 2021 ) ມີບັນດາສະຫາຍເອື້ອຍນ້ອງແມ່ຍິງ 4 ພາກສ່ວນເຂົ້າຮ່ວມຢ່າງພ້ອມພຽງ.
          ຈຸດປະສົງໃນການສ້າງຂະບວນການຄັ້ງນີ້ ເພື່ອເປັນການອະນາໄມທຳຄວາມສະອາດເທດສະບານແຂວງໃຫ້ມີຄວາມສວຍງາມ, ນອກຈາກນັ້ນ, ກໍເພື່ອເປັນການສ້າງຄວາມຮັກ, ຄວາມສາມັກຄີຂອງເອື້ອຍນ້ອງແມ່ຍິງ ຊຶ່ງຍາມໃດເອື້ອຍນ້ອງແມ່ຍິງກໍມີມູນເຊື້ອດຸໝັ່ນ, ອົງອາດກ້າຫານ ຄຽງບ່າຄຽງໄຫຼ່ກັບອ້າຍນ້ອງເພດຊາຍ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ແລະ ຍັງເປັນການສ້າງຈິດສຳນຶກໃຫ້ເຍົາວະຊົນຮຸ່ນຫຼັງໃຫ້ຮູ້ເຖິງການອອກແຮງງານ ເພື່ອສ່ວນລວມ. ການອອກແຮງງານແມ່ນໄດ້ອະນາໄມຮ່ອງລະບາຍນ້ຳ, ຖາງຫຍ້າ, ເກັບຂີ້ເຫຍື້ອ ຕາມເສັ້ນທາງຕ່າງໆ ການອອກແຮງງານໃນຄັ້ງນີ້ ແມ່ນເຕັມໄປດ້ວຍຄວາມເບີກບານມ່ວນຊື່ນ.
ຂຽນຂ່າວ-ຖ່າຍພາບ: ພຸດທະຈັກ ວິໄລພອນ