ຫ້ອງການຍຸຕິທໍາ ເມືອງ ບໍລິຄັນ ລົງຊຸກຍູ້ວຽກງານຍຸຕິທໍາຮາກຖານ

Primary tabs

          ໃນວັນທີ 11 ສິງຫາ 2021 ຜ່ານມາ ຫ້ອງການຍຸຕິທຳເມືອງ ບໍລິຄັນ ແຂວງ ບໍລິຄຳໄຊ ໄດ້ເຄື່ອນໄຫວຈັດຕັ້ງປະຕິບັດວຽກງານຍຸຕິທຳຮາກຖານຢູ່ບ້ານ ຜາເມືອງ ເມືອງ ບໍລິຄັນ ແຂວງ ບໍລິຄຳໄຊ ໃຫ້ກຽດເຂົ້າຮ່ວມຂອງທ່ານ ຄຳຜັນ ສິດໄຊຍະສານ ຮອງຫົວໜ້າພະແນກຍຸຕິທຳແຂວງ ບໍລິຄຳໄຊ, ມີທ່ານ ນາງ ວາລີ ສຸດທະວົງ ຄະນະປະຈຳພັກເມືອງ ຜູ້ຊີ້ນຳວຽກງານຍຸຕິທຳຮາກຖານພ້ອມດ້ວຍ ທ່ານ ນາງ ຈັນທະຈອນ ອິນທິສານ ກຳມະການພັກເມືອງ ນາຍບ້ານ,ບ້ານ ຜາເມືອງ ມີພະນັກງານ ວິຊາການຈາກແຂວງ ແລະ ເມືອງພ້ອມປະຊາຊົນພາຍໃນບ້ານເຂົ້າຮ່ວມທັງໝົດ 95 ຄົນ, ຍິງ 38 ຄົນ. ທ່ານ ຄໍາຜັນ ສິດໄຊຍະສານ ຮອງຫົວໜ້າພະແນກ ກໍ່ໄດ້ໃຫ້ທິດຊີ້ນໍາຫ້ອງການຍຸຕິທຳເມືອງ ເຊິ່ງທ່ານໄດ້ເນັ້ນໃຫ້ຜູ້ຮັບຜິດຊອບຂັ້ນເມືອງ ແລະ ບ້ານໂດຍສະເພາະຜູ້ທີ່ເຮັດວຽກຕົວຈິງຈົ່ງພ້ອມກັນເອົາໃຈໃສ່ສຶບຕໍ່ຜັນຂະຫຍາຍດ້ານດີ, ປັບປຸງດ້ານອ່ອນ ແລະ ເອົາໃຈໃສ່ແກ້ໄຂຂໍ້ຄົງຄ້າງໃນການຈັດຕັ້ງປະຕິບັດເຊັ່ນ: ວຽກງານໂຄສະນາເຜີຍແຜ່ກົດໝາຍ, ວຽກງານສ້າງຄອບຄົວ ແລະ ບ້ານແບບຢ່າງປະຕິບັດກົດໝາຍ, ວຽກງານແກ້ໄຂຂໍ້ຂັດແຍ່ງຂັ້ນບ້ານ, ວຽກງານຍຸຕິທຳເດັກ ໃຫ້ປະສານສົມທົບກັບພາກສ່ວນທີ່ກ່ຽວຂ້ອງເຊັນ: ປະສານສົມທົບກັບອຳນາດການປົກຄອງບ້ານ ແລະ ກົມກອງຕ່າງໆ ເພື່ອປັບປຸງດ້ານແບບແຜນວິທີເຮັດວຽກໃຫ້ມີຄວາມໜັກແໜ້ນ ແລະ ຮັບປະກັນຄວາມສະເໝີພາບຕໍ່ໜ້າກົດໝາຍຂອງປະຊາຊົນ, ສືບຕໍ່ປັບປຸງວີທີການຈັດຕັ້ງປະຕິບັດວຽກງານກວດກາຄອບຄົວແບບຢ່າງ ແລະ ບ້ານແບບຢ່າງປະຕິບັດກົດໝາຍ ເພື່ອເຮັດໃຫ້ວຽກງານຍຸຕິທໍາຮາກຖານພາຍໃນເມືອງມີຜົນສຳເລັດ ແລະ ຖ່ວງທັນກັບເວລາທີ່ໄດ້ວາງໃວ້.
ພາບ:ຂ່າວ ບຸນຄ້ຳ ເພັດມະນີ