ຫົວໜ້າພະແນກຍຸຕິທໍາແຂວງ ບໍລິຄຳໄຊ ລົງຕິດຕາມໂຄງການກໍ່ສ້າງຫ້ອງການຫັຼງໃໝ່

Primary tabs

          ໃນຕອນເຊົ້າຂອງວັນທີ 25 ສິງຫາ 2021 ຜ່ານມານີ້ ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ບໍລິຄຳໄຊ ພ້ອມດ້ວຍພະນັກງານວິຊາການ ໄດ້ລົງຕິດຕາມການເຄື່ອນໄຫວການຮັບເໜົາກໍ່ສ້າງອາຄານ ແລະ ສາງເກັບເຄື່ອງຂອງພະແນກຍຸຕິທໍາແຂວງຫຼັງໄໝ່. ການລົງເຄື່ອນໄຫວໃນຄັ້ງນີ້ເພື່ອຕິດຕາມກວດກາການຈັດຕັ້ງປະຕິບັດວຽກງານຂອງຜູ້ຮັບເໝົາກໍ່ສ້າງອາຄານພະແນກຍຸຕິທໍາແຂວງ ຫຼັງໄໝ່ ເຊີ່ງແມ່ນເປັນອາຄານສອງຊັ້ນ ມີຂະໜາດ 45 x 16 ແມັດ ໃນນັ້ນຍັງປະກອບມີສາງເກັບມ້ຽນຂອງກາງຄະດີ ມີຂະໜາດ 6 x 12 ແມັດ ຊັ້ນດຽວ ໂດຍແມ່ນບໍລິສັດສີຄຳຈະເລີນ ຈຳກັດຜູ້ດຽວເປັນຜູ້ຮັບເໜົາກໍ່ສ້າງ, ໂອກາດນີ້ ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ບໍລິຄຳໄຊ ໄດ້ສະແດງຄວາມຍ້ອງຍໍຊົມເຊີຍຕໍ່ການສືບຕໍ່ດຳເນີນກໍ່ສ້າງອາຄານພະແນກຍຸຕິທໍາແຂວງຂອງບໍລິສັດ ເພື່ອເຮັັດໃຫ້ວຽກງານ ແລະ ຂັ້ນຕອນຕ່າງໆໃນການດຳເນີນກໍ່ສ້າງອາຄານດັ່ງກ່າວມີປະສິດທິພາບ ປະຕິບັດຕາມລະບຽບການ, ກົດໝາຍ ໂດຍອີງໃສ່ສັນຍາຮັບເໝົາກໍ່ສ້າງ ແລະ ຮັບປະກັນບັນຫາຄວາມຫຍຸ້ງຍາກຕ່າງໆອີກດ້ວຍ.
อาจเป็นรูปภาพของ กลางแจ้ง
ຂ່າວໂດຍ: ບຸນເລີດ ລັດທະພອນ