ພະແນກຍຸຕິທໍາແຂວງ ບໍລິຄໍາໄຊ ສ່ອງແສງວຽກງານປະຈໍາເດືອນ

Primary tabs

          ກອງປະຊຸມສ່ອງແສງ ປະຈໍາເດືອນ ກັນຍາ ຂອງພະແນກຍຸຕິທໍາແຂວງ ບໍລິຄໍາໄຊ ໄດ້ຈັດຂຶ້ນຕອນເຊົ້າຂອງວັນທີ 14 ກັນຍາ 2021 ຢູ່ທີ່ຫ້ອງປະຊຸມຂອງພະແນກ ໂດຍການເປັນປະທານຂອງ ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ບໍລິຄໍາໄຊ, ມີຫົວໜ້າຂະແໜງ, ຮອງຂະແໜງເຂົ້າຮ່ວມ 15 ທ່ານ, ຍິງ 7 ທ່ານ.
อาจเป็นรูปภาพของ 5 คน, ผู้คนกำลังนั่ง, ผู้คนกำลังยืน และสถานที่ในร่ม
          ເພື່ອສ່ອງແສງ, ລາຍງານການຈັດຕັ້ງປະຕິບັດວຽກງານໃນໜຶ່ງເດືອນຜ່ານມາ ແລະ ຄົ້ນຄວ້າ, ປຶກສາຫາລື ວຽກງານຂອງແຕ່ລະຂະແໜງ ເພື່ອກໍານົດທິດທາງແຜນການໃນເດືອນຕໍ່ໄປ. ໜຶ່ງເດືອນຜ່ານມາ ແຕ່ລະຂະແໜງໄດ້ເອົາໃຈໃສ່ປະຕິບັດໜ້າທີ່ຂອງຕົນ ຕາມພາລະບົດບາດ, ສິດ ແລະ ໜ້າທີ່ ທີ່ໄດ້ຮັບການມອບໝາຍ ເປັນຕົ້ນ ວຽກງານຍຸຕິທໍາຮາກຖານ, ວຽກງານຈັດຕັ້ງປະຕິບັດຄໍາຕັດສີນຂອງສານ, ວຽກງານໂຄສະນາເຜີຍແຜ່ກົດໝາຍ ແລະ ວຽກງານອື່ນໆ ລ້ວນແຕ່ໄດ້ຮັບຜົນສໍາເລັດຕາມລະດັບຄາດໝາຍ.
          ເພື່ອເຮັດໃຫ້ວຽກງານແຕ່ລະຂະແໜງ ໄດ້ຮັບການຈັດຕັ້ງປະຕິບັດຕາມແຜນນັ້ນ ທ່ານ ຫົວໜ້າພະແນກ ກໍໄດ້ເນັ້ນໜັກໃຫ້ຫົວໜ້າຂະແໜງ ຕ້ອງເພີ່ມທະວີຄວາມເອົາໃຈໃສ່ໃນການຊີ້ນໍາ-ນໍາພາ ພະນັກງານ-ລັດຖະກອນ ພາຍໃນຂະແໜງຂອງຕົນ ໃຫ້ມີຄວາມຫ້າວຫັນ, ບຸກບືນ, ສູ້ຊົນ ໃນການປະຕິບັດໜ້າທີ່ວຽກງານ ຕາມການມອບໝາຍຂອງຄະນະພະແນກ ກໍຄືຫົວໜ້າຂະແໜງ, ປະສານສົນທົບກັບພາກສ່ວນທີ່ກ່ຽວຂ້ອງ ເພື່ອເຮັດໃຫ້ວຽກງານພາຍໃນພະແນກ ກໍຄືແຕ່ລະຂະແໜງໄດ້ຮັບການຈັດຕັ້ງປະຕິບັດດ້ວຍຄວາມວ່ອງໄວ, ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ.
ຂ່າວ-ພາບ: ນາງ ສຸກສາຄອນ ທະວິສຸກ
ປະເພດຂ່າວ: