ເຊື່ອມຊຶມ ແລະ ຜັນຂະຫຍາຍມະຕິການນຳພາຂອງພັກຕໍ່ວຽກງານການເມືອງ-ແນວຄິດ, ວັດທະນະທຳໃນໄລຍະໃໝ່ ທີ່ ແຂວງ ຊຽງຂວາງ.

Primary tabs

          ໃນວັນທີ 13 ກັນຍາ 2021 ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ຈັດກອງປະຊຸມເຊື່ອມຊຶມ ແລະ ຜັນຂະຫຍາຍມະຕິ ການນຳພາຂອງພັກຕໍ່ວຽກງານການເມືອງ-ແນວຄິດ ແລະ ວັດທະນະທຳ ໃນໄລຍະໃໝ່ ໂດຍການເປັນປະທານຂອງ ທ່ານ ມົນຕີ ສີອຸດົມ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ, ມີຄະນະພັກ, ຄະນະພະແນກ, ຫົວໜ້າ, ຮອງຫົວໜ້າຂະແໜງ ແລະ ພະນັກງານ-ລັດຖະກອນເຂົ້າຮ່ວມ.
อาจเป็นรูปภาพของ 1 คน, ตาราง และสถานที่ในร่ม
          ໃນພິທີ ທ່ານ ນາງ ວອນໃຈ ໂສວາລີ ຮອງຫົວໜ້າຂະແໜງຈັດຕັ້ງ ໄດ້ຜ່ານຄຳແນະນຳສະບັບເລກທີ 08/ຄປພຂ.ຊຂ, ລົງວັນທີ 11 ມິຖຸນາ 2021 ກຽ່ວກັບການຈັດຕັ້ງເຊື່ອມຊືມມະຕິ ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດ ແລະ ມະຕິຕົກລົງວ່າດ້ວຍການເພີ່ມທະວີການນຳພາຂອງພັກຕໍ່ວຽກງານວັດທະນະທຳໃນໄລຍະໃໝ່; ຈາກນັ້ນ ທ່ານ ມົນຕີ ສີອຸດົມ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ແລະ ຄະນະຮັບຜິດຊອບ ໄດ້ໃຫ້ກຽດເຊື່ອມຊືມມະຕິສະບັບເລກທີ 206/ກມສພ, ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດໃນໄລຍະໃໝ່, ມະຕິກອງປະຊຸມລັດຖະບານ ສະໄໝສາມັນ ປະຈຳເດືອນ ສິງຫາ 2021 ເລກທີ 06/ລບ, ລົງວັນທີ 1 ກັນຍາ 2021, ມະຕິຕົກລົງວ່າດ້ວຍການເພີ່ມທະວີການນຳພາຂອງພັກ ຕໍ່ວຽກງານວັດທະນະທຳໃນໄລຍະໃໝ່ ສະບັບເລກທີ 25/ກມສພ, ລົງວັນທີ 17 ພຶດສະພາ 2021 ແລະ ດຳລັດວ່າດ້ວຍການຄ້າທາງເອເລັກໂຕນິກ ເລກທີ 296/ລບ, ລົງວັນທີ 12 ເມສາ 2021.
          ຈຸດປະສົງເພື່ອເຮັດໃຫ້ ສະມາຊິກພັກ, ພະນັກງານ-ລັດຖະກອນກຳແໜ້ນ, ຮັບຮູ້ຢ່າງຈະແຈ້ງ, ເຂົ້າໃຈຢ່າງເລິກເຊິ່ງຕໍ່ແນວທາງຂອງພັກປະຊາຊົນປະຕິວັດລາວ ຊຶ່ງຍາມໃດກໍຍຶດໝັ້ນ ແລະ ຖືເອົາວຽກງານການເມືອງ-ແນວຄິດເປັນໜ້າທີ່ສຳຄັນ, ເປັນວຽກກົກ, ເປັນວຽກທີ່ຕ້ອງເຮັດກ່ອນ, ເຮັດເປັນປະຈຳ ແລະ ສອດຫ້ອຍໄປທຸກຂົງເຂດວຽກງານຂອງພັກ-ລັດ, ຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ, ວຽກງານການເມືອງ-ແນວຄິດໄດ້ປະກອບສ່ວນສຳຄັນ ເຂົ້າໃນການເຮັດໃຫ້ປະເທດຊາດຂອງພວກເຮົາ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ເສດຖະກິດມີການຂະຫຍາຍຕົວ, ຊີວິດການເປັັນຢູ່ຂອງພໍ່ແມ່ປະຊາຊົນບັນດາເຜົ່າໄດ້ຮັບການປັບປຸງເທື່ອລະກ້າວ.
          ໃນຕອນທ້າຍຂອງກອງປະຊຸມ ທ່ານ ມົນຕີ ສີອຸດົມ ໄດ້ເນັ້ນໜັກໃຫ້ສະມາຊິກພັກ, ພະນັກງານ-ລັດຖະກອນ ຈົ່ງນຳເອົາບັນດາມະຕິຕ່າງໆໄປຄົ້ນຄວ້າ, ເຊື່ອມຊືມໃຫ້ເຂົ້າໃຈ, ເລິກເຊິ່ງແລ້ວນຳໄປຈັດຕັ້ງປະຕິບັດໃຫ້ສອດຄ່ອງກັບລະບຽບກົດໝາຍ.
ຖ່າຍພາຍ: ທອງລິດ
ຂຽນຂ່າວ: ນາງ ກິ່ງແກ້ວ
ປະເພດຂ່າວ: