ພິທີເປີດຊຸດຝຶກອົບຮົມກົດໝາຍ 45 ວັນ ຢູ່ເມືອງ ໜອງແຮດ ແຂວງ ຊຽງຂວາງ

Primary tabs

          ໃນວັນທີ 12 ສິງຫາ 2021 ຢູ່ທີ່ສະໂມສອນຫ້ອງວ່າການປົກຄອງເມືອງ ໜອງແຮດ ແຂວງ ຊຽງຂວາງ ໄດ້ຈັດພິທີເປີດຊຸດຝຶກອົບຮົມກົດໝາຍຂົັ້ນພື້ນຖານລະບົບບຳລຸງ 45 ວັນໃຫ້ພະນັກງານອ້ອມຂ້າງເມືອງ, ກຸ່ມບ້ານ ແລະ ອົງການຈັດຕັ້ງບ້ານ ພາຍໃຕ້ການເປັນປະທານຮ່ວມໂດຍ ທ່ານ ໜໍເຢັ່ງຢ່າງ ຕົ່ງເຢີເຍ່ຍເກົ້າ ຄະນະປະຈຳພັກເມືອງ ປະທານກວດກາພັກ-ລັດເມືອງຜູ້ຊີ້ນຳວຽກງານກົດໝາຍ, ທ່ານ ມົນຕີ ສີອຸດົມ ຫົວໜ້າພະແນກຍຸຕິທຳແຂວງ, ມີບັນດາທ່ານກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ສອງກຳລັງປະກອບອາວຸດ ແລະ ນັກຝຶກອົບຮົມ ເຂົ້າຮ່ວມທັງໝົດ 92 ທ່ານ, ຍິງ 19 ທ່ານ.
อาจเป็นรูปภาพของ 1 คน และกำลังยืน
          ໃນພິທີທ່ານ ເກົ້າລໍ່ ເຈ່ຍກົວ ກຳມະການພັກເມືອງ ຮອງຫົວໜ້າຫ້ອງການຍຸຕິທຳເມືອງ ໄດ້ຜ່ານຂໍ້ຕົກລົງຂອງທ່ານເຈົ້າເມືອງສະບັບເລກທີ 113, ລົງວັນທີ 5 ເມສາ 2021 ວ່າດ້ວຍການອານຸຍາດເປີດຊຸດເຝິກອົບຮົມກົດໝາຍ ແລະ ຜ່ານແຜນການຮຽນ-ການສອນໃນຄັ້ງນີ້ ຊຶ່ງຈະເລີ່ມຕົ້ນເປີດຮຽນແຕ່ວັນທີ 12 ສິງຫາ 2021 ເຖິງ ວັນທີ 22 ຕຸລາ 2021 ຈຸດປະສົງເພື່ອເຮັດໃຫ້ພະນັກງານອ້ອມຂ້າງເມືອງ, ກຸ່ມບ້ານ ແລະ ອົງການຈັດຕັ້ງບ້ານ ໄດ້ຍົກລະດັບຄວາມຮູ້ທາງດ້ານກົດໝາຍໃຫ້ເປັນລະບົບ, ສ້າງເງື່ອນໄຂໃຫ້ແກ່ການຄຸ້ມຄອງລັດ - ຄຸ້ມຄອງເສດຖະກິດສັງຄົມດ້ວຍລະບຽບກົດໝາຍໃຫ້ມີປະສິດທິພາບ ແລະ ປະສິດທິຜົນສູງຂຶ້ນ, ມີຄວາມສອດຄ່ອງ ແລະ ກົມກຽວ ເປັນໄປຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ພ້ອມກັນນັ້ນຍັງເປັນການເຊີດຊູບົດບາດຄວາມສາມາດໃນການຊີ້ນຳໆພາຂອງຄະນະພັກທຸກຂັ້ນ ໃນການຊີ້ນຳໆພາການຮຽນ - ການສອນໃນຄັ້ງນີ້ ເປົ້າໝາຍຜູ້ເຂົ້າຮຽນແມ່ນມາຈາກຫ້ອງການອ້ອມຂ້າງເມືອງເຊັ່ນ ທະຫານ, ຕຳຫຼວດ ແລະ ອົງການຈັດຕັ້ງບ້ານ, ຫຼັກສູດທີ່ນຳມາສິດສອນໃນຄັ້ງນີ້ມີ 34 ວິຊາ, 22,5 ໜ່ວຍກິດ ແລະ 360 ຊົ່ວໂມງ ໃຊ້ເວລາ 45 ວັນ ຈິ່ງສຳເລັດ.
          ໃນຕອນທ້າຍປະທານກອງປະຊຸມ ໄດ້ຜັດປຽ່ນກັນມີຄຳເຫັນໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຄະນະນຳ, ຄະນະຮັບຜິດຊອບຂອງເມືອງ, ຄູອາຈານທີ່ອຳນວຍຄວາມສະດວກໃນການຊີ້ນຳໆພາກະກຽມຄວາມພ້ອມໃນການເປີດຊຸດຝຶກອົບຮົມການຮຽນ-ການສອນຄັ້ງນີ້ ພ້ອມນັ້ນຍັງໄດ້ເນັ້ນໜັກໃຫ້ນັກຝຶກອົບຮົມຈົ່ງມີຄວາມຮັບຜິດຊອບສູງ, ຕັ້ງໜ້າຝຶກຝົນຫຼໍ່ຫຼອມຕົນເອງ, ຍາດແຍ່ງເອົາຄວາມຮູ້ຄວາມສາມາດຈາກຄູ-ອາຈານ, ມີສະຕິເຄົາລົບ ແລະ ປະຕິບັດລະບຽບທີ່ວາງອອກຢ່າງເຂັ້ມງວດ ຮັບປະກັນຄວາມຍຸຕິທຳໃນສັງຄົມ, ເຮັດໃຫ້ພົນລະເມືອງລາວທຸກຄົນມີຄວາມສະເໝີພາບຕໍ່ໜ້າກົດໝາຍ ແລະ ເພື່ອເຮັດໃຫ້ບັ້ນຝຶກອົບຮົມກົດໝາຍ 45 ວັນນີ້ບັນລຸໄປຕາມຈຸດປະສົງທີ່ວາງໄວ້.
ຂຽນຂ່າວ-ຖ່າຍພາບ: ກິ່ງແກ້ວ ພົມມະຈັກ
ປະເພດຂ່າວ: