ຄະນະນໍາແຂວງ ຈໍາປາສັກ ໄດ້ເຄື່ອນໄຫວໂຄສະນາເຜີຍແຜ່ກົດໝາຍ ໃຫ້ແຮງງານທີ່ ກັບມາແຕ່ອອກແຮງງານ ຢູ່ຕ່າງປະເທດ

Primary tabs

          ເພື່ອໃຫ້ພໍ່ແມ່ປະຊາຊົນຜູ້ທີ່ໄປອອກແຮງງານຢູ່ຕ່າງປະເທດ ໄດ້ຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ ລະບຽບກົດໝາຍຂອງລັດ ໃນວັນທີ 3-4 ສິງຫາ 2021 ຄະນະນໍາພະແນກຍຸຕິທໍາແຂວງ ຈໍາປາສັກ, ພະແນກຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວແຂວງ ຈໍາປາສັກ, ຄະນະໂຄສະນາອົບຮົມແຂວງ ຈຳປາສັກ, ອົງການໄອຍະການປະຊາຊົນແຂວງ ຈໍາປາສັກ, ສານປະຊາຊົນ ແຂວງ ຈໍາປາສັກ ໄດ້ລົງເຄື່ອນໄຫວໂຄສະນາເຜີຍແຜ່ ແນວທາງນະໂຍບາຍຂອງພັກ - ລັດ, ບາງມາດຕະການຂອງປະມວນກົດໝາຍອາຍາ, ກົດໝາຍວ່າດ້ວຍການເຂົ້າ - ອອກເມືອງ, ກົດໝາຍວ່າດ້ວຍການຕ້ານ ແລະ ສະກັດກັ້ນການຄ້າມະນຸດ, ການແຜ່ລະບາດຂອງພະຍາດ ແລະ ສື່ສັງຄົມອອນລາຍ ຄະນະດັ່ງກ່າວ ແມ່ນໄດ້ລົງເຜີຍແຜ່ກົດໝາຍຢູ່ສູນກັກບໍລິເວນ ຫຼັກ 21 ທັງສອງຈຸດ, ສູນກັກບໍລິເວນ ມສ ບັງລຽງ ເມືອງ ປະທຸມພອນ, ສູນກັກບໍລິເວນ ມສ ເກົ່າເກີ່ງ, ມສ ດົງຍາງ, ບ້ານອ່າງສິລາ ເມືອງ ໂພນທອງ ແລະ ມສ ເຊລະບໍາ ເມືອງ ຊະນະສົມບູນ.
          ຈຸດປະສົງໃນການລົງເຄື່ອນໄຫວໃນຄັ້ງນີ້ແມ່ນເພື່ອໃຫ້ແຮງງານລາວທີ່ກັບມາແຕ່ການອອກແຮງງານຢູ່ຕ່ງປະເທດໄດ້ຮັບຮູ້ ແລະ ເຂົ້າໃຈກ່ຽວກັບ ແນວທາງນະໂຍບາຍຂອງພັກ - ລັດ, ກົດໝາຍ ແລະ ລະບຽບການຂອງລັດ.
ຖ່າຍພາບ, ຂຽນຂ່າວໂດຍ: ນາງ ບັງອອນ ມາກມູນ