ພະແນກຍຸຕິທຳແຂວງ ຈຳປາສັກປະຖະກະຖາວັນສຳຄັນຂອງຊາດໃຫ້ພະນັກງານ-ລັດຖະກອນ

Primary tabs

          ໃນຕອນເຊົ້້າຂອງວັນທີ 4 ສິງຫາ 2021 ຜ່ານມານີ້ ພະແນກຍຸຕິທຳແຂວງ ຈຳປາສັກ ໄດ້ຈັດພິທີປະຖະກະຖາ ວັນສຳຄັນຂອງຊາດ ຂື້ນຢູ່ທີ່ຫ້ອງປະຊຸມໃຫ່ຍຂອງຕົນ ໂດຍການເປັນປະທານຂອງທ່ານ ສີປະເສີດ ແສນສະຫວັດ ອະດີດຄະນະປະຈຳພັກແຂວງ, ອະດີດຮອງຄະນະໂຄສະນາອົບຮົມສູນກາງ, ເຂົ້າຮ່ວມໂດຍທ່ານ ບຸນຄົງ ພັນວົງສາ ກຳມະການພັກແຂວງ ຫົວໜ້າພະແນກຍຸຕິທຳແຂວງ, ມີບັນດາທ່ານຄະນະພະແນກ, ຫົວໜ້າຂະແໜງ, ຮອງຫົວໜ້າຂະແໜງ, ພ້ອມດ້ວຍພະນັກງານ - ລັດຖະກອນ ພາຍໃນພະແນກຍຸຕິທຳແຂວງເຂົ້າຮ່ວມທັງໝົດ 42 ທ່ານ, ຍິງ 17 ທ່ານ.
อาจเป็นรูปภาพของ 1 คน และสถานที่ในร่ม
          ໃນພິທີທ່ານ ທ່ານ ສີປະເສີດ ແສນສະຫວັດ ອະດີດຄະນະປະຈຳພັກແຂວງ, ອະດີດຮອງຄະນະໂຄສະນາອົບຮົມສູນກາງ ໃຫ້ກຽດບັນຍາຍເອກະສານ, ເຊີ່ງ ເອກະສານທີ່ນຳມາເຜີຍເເຜ່ເຊື່ອມຊືມໃນຄັ້ງນີ້ປະກອບມີເອກະສານ ວັນຄ້າຍວັນເກີດປະທານ ສຸພານຸວົງ ຄົບຮອບ 112 ປີ ( 13 ກໍລະກົດ 1909 - 13 ກໍລະກົດ 2021 ), ວັນສ້າງຕັ້ງພັກຄອມມູນິດຈີນ ຄົບຮອບ 100 ປີ ( 1 ກໍລະກົດ 1921 - 1 ກໍລະກົດ 2021 ), ວັນສ້າງຕັ້ງສາຍພົວພັນການທູດ ລາວ - ຫວຽດນາມ ຄົບຮອບ 59 ປີ ແລະ ວັນເຊັນສັນຍາມິດຕະພາບ - ການຮ່ວມມື ຄົບຮອບ 44 ປີ ( 5 ກັນຍາ 1962 - ກັນຍາ 2021 ແລະ 18 ກໍລະກົດ 1977 – 18 ກໍລະກົດ 2021 ) . ທັງນີ້ກໍເພື່ອແນ່ໃສ່ເຮັດໃຫ້ພະນັກງານສະມາຊິກພັກ, ພະນັກງານ - ລັດຖະກອນພາຍໃນພະແນກຮັບຮູ້ ແລະ ເຂົ້າໃຈຕໍ່ກັບເນື້ອໃນຈິດໃຈຂອງວັນສຳຄັນ ຂອງພັກ - ຂອງຊາດ ແລະ ຂອງທ່ານຜູ້ນໍາທີ່ມີມູນເຊື້ອຕໍ່ສູ້ອັນພິລະອາດຫານ, ຜົນງານ ແລະ ໄຊຊະນະອັນໃຫ່ຍຫຼວງ ໂດຍພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ ແລະ ປຸກລະດົມຂົນຂວາຍໃຫ້ມະຫາຊົນປະກອບສ່ວນຢ່ງຕັ້ງໜ້າເຂົ້າໃນການສຶກສາອົບຮົມໃຫ້ນັບມື້ນັບມີຄວາມເຕີບໃຫ່ຍເຂັ້ມແຂງເປັນບ່ອນອີງໃຫ້ແກ່ການປະຕິບັດ 2 ໜ້າທີ່ຍຸດທະສາດຂອງພັກກໍ່ຄືປົກປັກຮັກສາ ແລະ ສ້າງສາພັດທະນາປະເທດຊາດ.
ປະເພດຂ່າວ: