ເມືອງ ຫີນບູນ ສຳເລັດການຝຶກອົບຮົມກົດໝາຍ 45 ວັນ ຊຸດທີ 2

Primary tabs

          ພິທີປິດການເຝິກອົບຮົມກົດໝາຍ 45 ວັນ ຊຸດທີ 2 ຂອງເມືອງ ຫີນບູນ ໄດ້ຈັດຂຶ້ນວັນທີ 19 ສິງຫາ 2021 ຢູ່ທີ່ສະໂມສອນປ້ອງກັນຄວາມສະຫງົບ ເມືອງ ຫີນບູນ ໂດຍການເປັນກຽດເຂົ້າຮ່ວມຂອງທ່ານ ວຽງວິໄລ ພົມມະວົງ ຮອງຫົວໜ້າພະແນກຍຸຕິທໍາ ແຂວງ ຄໍາມ່ວນ, ທ່ານ ຄໍາສິງ ອໍລະວັນ ເຈົ້າເມືອງ ຫີນບູນ, ມີຫົວໜ້າ, ຮອງຫົວໜ້າຫ້ອງການອ້ມຂ້າງ, ພ້ອມດ້ວຍນັກຝຶກອົບຮົມເຂົ້າຮ່ວມ.
อาจเป็นรูปภาพของ 2 คน และผู้คนกำลังยืน
          ໃນພິທີທ່ານ ນິຄົມ ສຸຂະມົນຕີ ຫົວໜ້າຫ້ອງການຍຸຕິທໍາ ເມືອງ ຫີນບູນ ຂຶ້ນລາຍງານຜົນສໍາເລັດການຝຶກອົບຮົມກົດໝາຍ 45 ວັນ ສົກປີ 2021 ໃຫ້ແກ່ພະນັກງານ-ລັດຖະກອນ ແລະ ການຈັດຕັ້ງບ້ານ ເຂດຫີນບູນ: ໂດຍປະຕິບັດຕາມຄໍາແນະນໍາຂອງລັດຖະມົນຕີກະຊວງຍຸຕິທໍາ ກ່ຽວກັບການຈັດຕັ້ງປະຕິບັດວຽກງານຍຸຕິທໍາຮາກຖານ ຕິດພັນກັບວຽກງານ 3 ສ້າງ ແລະ ເພື່ອເປັນການເຄື່ອນໄຫວວຽກງານຝຶກອົບຮົມກົດໝາຍ 45 ວັນ ຂອງເມືອງ ໄດ້ຮັບການຈັດຕັ້ງປະຕິບັດ, ບັນລຸຕາມຄາດໝາຍສູ້ຊົນ 5 ປີ ທີ່ໄດ້ກໍານົດໄວ້ໃນແຜນພັດທະນາເສດຖະກິດ-ສັງຄົມ ຂອງເມືອງ.
ຊຸດເຝິກອົບຮົມກົດໝາຍ 45 ວັນ ໄດ້ເລີ່ມເປີດການຮຽນແຕ່ວັນທີ 6 ເມສາ 2021 ຫາ ວັນທີ 29 ກໍລະກົດ 2021 ແມ່ນສໍາເລັດ ແລະ ເປົ້າໝາຍແມ່ນການຈັດຕັ້ງບ້ານໃນ 12 ບ້ານເຂດຫີນບູນ ແລະ ພະນັກງານຫ້ອງການພາຍໃນເມືອງ ມີຜູ້ເຂົ້າຮຽນທັງໝົດ 79 ທ່ານ, ຍິງ 19 ທ່ານ, ໃນນີ້ມີການຕັ້ງບ້ານ 49 ທ່ານ, ຍິງ 10 ທ່ານ, ພະນັກງານອ້ອມຂ້າງເມືອງ ມີ: 30 ທ່ານ, ຍິງ 9 ທ່ານ, ໄດ້ກໍານົດເອົານິຕິກໍາທາງກົດໝາຍ ຈໍານວນ 36 ບົດ, ມີ 23 ໜ່ວຍກິດ. ຈາກການຕີລາຄາການຝຶກອົບຮົມໃນຄັ້ງນີ້ສາມາດສ້າງບຸກຄະລາກອນກົດໝາຍ ໃນນັ້ນມີການຈັດຕັ້ງບ້ານ 11 ບ້ານ ແລະ ພະນັກງານຫ້ອງການອ້ອມຂ້າງ ຈໍານວນ 65 ທ່ານ, ຍິງ 21 ທ່ານ, ຂັ້ນຮາກຖານບ້ານ 44 ທ່ານ, ຍິງ 13 ທ່ານ. ຈາກນັ້ນ ກໍໄດ້ມອບໃບຢັ້ງຢືນໃຫ້ແກ່ນັກຝຶກອົບຮົມທີ່ສຳເລັດການຝຶກອົບຮົມ ຈຳນວນ 65 ທ່ານ, ເປັນກຽດຂຶ້ນມອບໂດຍທ່ານ ຄໍາສິງ ອໍລະວັນ ເຈົ້າເມືອງ ຫີນບູນ, ພ້ອມທັງຮັບຟັງການໂອ້ລົມຂອງຄະນະປະທານ ເພື່ອເປັນທິດທາງໃຫ້ແກ່ການຈັດຕັ້ງປະຕິບັດວຽກງານໃນຕໍ່ໜ້າ.
ຂ່າວ-ພາບ: ຫ້ອງການຍຸຕິທຳເມືອງຫີນບູນ
ປະເພດຂ່າວ: