ສະຖາບັນຍຸຕິທໍາແຫ່ງຊາດສາຂາແຂວງ ຫຼວງພະບາງ ເປີດກອງປະຊຸມສ້າງແຜນກໍານົດພະນັກງານນໍາພາ-ຄຸ້ມຄອງ

Primary tabs

          ໃນຕອນເຊົ້າຂອງວັນພຸດ ວັນທີ 28 ກໍລະກົດ 2021 ສະຖາບັນຍຸຕິທໍາແຫ່ງຊາດ ສາຂາແຂວງ ຫຼວງພະບາງ ໄດ້ຈັດກອງປະຊຸມກ່ຽວກັບການສ້າງແຜນກໍານົດພະນັກງານນໍາພາ-ຄຸ້ມຄອງຂຶ້ນ ໂດຍການເປັນປະທານຂອງ ທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ, ມີ ທ່ານ ຄຳເສີດ ວິລະພັນ ຫົວໜ້າກົມຈັດຕັ້ງ ແລະ ພະນັກງານກະຊວງຍຸຕິທໍາ, ມີ ທ່ານ ບຸນຕາ ສໍ.ຜາບມີໄຊ ຫົວໜ້າສະຖາບັນຍຸຕິທຳແຫ່ງຊາດ ມີຕາງໜ້າຈາກຄະນະຈັດຕັ້ງແຂວງ, ພະແນກພາຍໃນ, ອົງການກວດກາພັກ-ລັດ, ມີຄະນະສະຖາບັນ ພ້ອມດ້ວຍພະນັກງານ, ຄູ-ອາຈານສະຖາບັນຍຸຕິທຳແຫ່ງຊາດສາຂາແຂວງ ຫຼວງພະບາງ ເຂົ້້າຮ່ວມຢ່າງພ້ອມພຽງ.
อาจเป็นรูปภาพของ 3 คน, ผู้คนกำลังนั่ง และสถานที่ในร่ม
          ໃນກອງປະຊຸມ ທ່ານ ແສງອາລຸນ ພັນນະລັດ ຫົວໜ້າສະຖາບັນຍຸຕິທຳແຫ່ງຊາດສາຂາແຂວງ ຫຼວງພະບາງ ໄດ້ຂຶ້ນຜ່ານບົດລາຍງານການຈັດຕັ້ງຜັນຂະຫຍາຍແຜນກໍານົດພະນັກງານນໍາພາ-ຄຸ້ມຄອງຂອງສະຖາບັນຍຸຕິທໍາແຫ່ງຊາດ ສາຂາແຂວງຫຼວງພະບາງໃນໄລຍະ 5 ປີທີ່ຜ່ານມາ ນັບແຕ່ປີ 2016-2020 ທ່ານໄດ້ຍົກໃຫ້ເຫັນເຖິງສະພາບການກໍ່ສ້າງພະນັກງານໃນໄລຍະຜ່ານມາ ແມ່ນໄດ້ດຳເນີນໄປຢ່າງຖືກຕ້ອງຕາມລະບຽບການ, ຖືກຕ້ອງຕາມເປົ້າໝາຍ ແລະ ແຜນການທີ່ກຳນົດໄວ້ ເປັນຕົ້ນແມ່ນການຊັບຊ້ອນແຕ່ງຕັ້ງພະນັກງານນໍາພາ ຊຶ່ງມີຕໍາແໜ່ງບໍລິຫານປະເພດ 3 ມີ 1 ທ່ານ, ຕໍາແໜ່ງບໍລິຫານປະເພດ 4 ມີ 4 ທ່ານ ຍິງ 1 ທ່ານ, ຕໍາແໜງບໍລິຫານປະເພດ 5 ມີ 9 ທ່ານ ຍິງ 2 ທ່ານ ແລະ ຕໍາແໜ່ງປະເພດ 6 ມີ 21 ທ່ານ, ຍິງ 5 ທ່ານ ນອກນີ້ຍັງໄດ້ສົ່ງພະນັກງານໄປຍົກລະດັບທິດສະດີການເມືອງ ແລະ ວິຊາສະເພາະຢູ່ທັງພາຍໃນ ແລະ ຕ່າງປະເທດຈຳນວນໜຶ່ງ.
อาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และสถานที่ในร่ม
          ໃນກອງປະຊຸມຍັງໄດ້ຮັບຟັງການເຜີຍແຜ່ເອກະສານມະຕິກົມການເມືອງສູນກາງພັກວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງຈາກຄະນະຈັດຕັ້ງແຂວງ ແລະ ກົມຈັດຕັ້ງກະຊວງຍຸຕິທຳ ເພື່ອເປັນບ່ອນອີງໃນການທາບທາມບຸກຄະລາກອນເຂົ້າຕໍາແໜ່ງງານຕ່າງໆ ຈາກນັ້ນ, ກອງປະຊຸມຍັງໄດ້ຮັບຟັງການໂອ້ລົມຂອງທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ ຊຶ່ງເພີ່ນໄດ້ຍົກໃຫ້ເຫັນເຖິງຄວາມສຳຄັນຂອງພະນັກງານນຳພາ-ຄຸ້ມຄອງ ແລະ ໄດ້ຮຽກຮ້ອງໃຫ້ພະນັກງານຈົ່ງເອົາໃຈໃສ່ຄັດເລືອກເອົາພະນັກງານນຳພາຄຸ້ມຄອງໃຫ້ໄດ້ຜູ້ທີ່ມີຄວາມຮູ້ຄວາມສາມາດ, ຖືກຕ້ອງຕາມມາດຖານເງື່ອນໄຂທີ່ກຳນົດໄວ້ ເພື່ອມາພັດທະນາສະຖາບັນໃຫ້ມີບົດບາດ ແລະ ມີຄວາມກ້າວໜ້າຂຶ້ນເລື້ອຍໆ. ຈາກນັ້ນ ຈຶ່ງດຳເນີນການທາບທາມ ໂດຍດຳເນີນເປັນສອງຮອບຄື: ຮອບທີ່ໜຶ່ງແມ່ນພະນັກງານທົ່ວໄປມີເປົ້າໝາຍເຂົ້້າຮ່ວມທາບທາມຈຳນວນ 68 ທ່ານ, ຍິງ 25 ທ່ານ, ຮອບທີ່ສອງແມ່ນບັນດາສະມາຊິກພັກສົມບູນ, ຫົວໜ້າຂະແໜງ ແລະ ຮອງຂະແໜງ ເຂົ້າຮ່ວມຈຳນວນ 39 ທ່ານ, ຍິງ 11 ທ່ານ.
อาจเป็นรูปภาพของ 3 คน, ผู้คนกำลังนั่ง และผู้คนกำลังยืน
          ກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງໃນຄັ້ງນີ້ໄດ້ດໍາເນີນເປັນເວລາ 2 ວັນ.;
ປະເພດຂ່າວ: