ກອງປະຊຸມເຊືອມຊຶມມະຕິຂອງກົມການເມືອງສູນກາງພັກ

          ໃນຕອນເຊົ້າວັນທີ 8 ກໍລະກົດ 2021 ກະຊວງຍຸຕິທຳ ຈັດກອງປະຊຸມເຊື່ອມຊຶມມະຕິກົມການເມືອງສູນກາງພັກ ຂຶ້ນໂດຍການເປັນປະທານຂອງ ສະຫາຍ ບຸນທາ ຊົງເຢີທ່າວ ຮອງເລຂາຄະນະບໍລິຫານງານພັກກະຊວງ, ມີຄະນະປະຈຳພັກ, ຄະນະພັກ, ຄະນະໜ່ວຍພັກ, ຄະນະກົມ ທີ່ຂຶ້ນກັບອົງຄະນະພັກກະຊວງເຂົ້າຮ່ວມ.
อาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และสถานที่ในร่ม
          ໃນກອງປະຊຸມ ສະຫາຍ ບຸນທາ ຊົງເຢີທ່າວ ໄດ້ເຜີຍແຜ່ມະຕິ ສະບັບເລກທີ 206/ກມພສ ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດ ໃນໄລຍະໃໝ່. ພັກເຮົາຖືວ່າວຽກງານການເມືອງ-ແນວຄິດ ແມ່ນວຽກກົກໃນການກໍ່ສ້າງປັບປຸງພັກເປັນປັດໄຈສຳຄັນ ໃນການຮັບປະກັນສະຖຽນລະພາບທາງດ້ານການເມືອງ, ຮັບປະກັນຄວາມໝັ້ນຄົງຂອງຊາດ ແລະ ຄວາມສະຫງົບສຸກຂອງສັງຄົມ, ສ້າງກຳລັງແຮງແຫ່ງຄວາມເປັນເອກະພາບ ດ້ານການເມືອງ ແລະ ກຳລັງແຮງໃນການຈັດຕັ້ງປະຕິບັດໜ້າທີ່ຕົວຈິງຂອງພັກເຮົາ. ນອກນັ້ນ, ວຽກງານການເມືອງ-ແນວຄິດ ແມ່ນວຽກງານຕົ້ນຕໍ ແມ່ນໜ້າທີ່ ແລະ ຄວາມຮັບຜິດຊອບໂດຍກົງຂອງຄະນະພັກ, ສະນັ້ນ, ຄະນະພັກແຕ່ລະຂັ້ນ ຜູ້ນຳພາແຕ່ລະບ່ອນ ຕ້ອງຍົກສູງຄວາມສາມາດ ແລະ ຄວາມຮັບຜິດຊອບຂອງຕົນ ຕໍ່ການກຳນົດທິດທາງ ແລະ ໜ້າທີ່ຈຸດສຸມຂອງການເຄື່ອນໄຫວໃນຂົງເຂດວຽກງານການເມືອງ-ແນວຄິດ, ຕອບສະໜອງການແກ້ໄຂບັນຫາທີ່ເກີດຂຶ້ນແຕ່ລະໄລຍະ, ພ້ອມທັງເປັນເຈົ້າການນຳພາ-ຊີ້ນຳ ກ່ຽວກັບການກໍ່ສ້າງ, ບຳລຸງ, ການບັນຈຸ ສັບຊ້ອນຖັນແຖວພະນັກງານທີ່ເຮັດວຽກການເມືອງ-ແນວຄິດ ໃຫ້ຮັບປະກັນທັງສອງດ້ານ: ດ້ານປະລິມານ ແລະ ຄຸນນະພາບ, ຕອບສະໜອງຄວາມຮຽກຮ້ອງຕ້ອງການໃນການສ້າງ, ປັບປຸງ ແລະ ຍົກສູງຄຸນນະພາບການນຳພາຂອງພັກ. ສະຫາຍ ເກດສະໜາ ພົມມະຈັນ ຄະນະປະຈຳພັກກະຊວງ ໄດ້ເຜີຍແຜ່ມະຕິ ສະບັບເລກທີ 25/ກມສພ, ລົງວັນທີ 17 ພຶດສະພາ 2021 ວ່າດ້ວຍການເພີ່ມທະວີການນຳພາຂອງພັກຕໍ່ວຽກງານວັດທະນະທຳໃນໄລຍະໃໝ່. ຈາກນັ້ນ, ສະຫາຍ ບຸນທາ ຊົງເຢີທ່າວ ຮອງເລຂາຄະນະບໍລິຫານງານພັກກະຊວງ ກໍໄດ້ປາຖະກະຖາວັນສ້າງຕັ້ງພັກກອມມູນິດອິນດູຈີນ ຄົບຮອບ 100 ປີ (1/7/1921-1/7/2021). ໂດຍໄດ້ຍົກໃຫ້ເຫັນ ພັກນຳພາການຕໍ່ສູ້ປົດປ່ອຍຊາດ, ນຳພາສ້າງສາພັດທະນາປະເທດຈີນ ແລະ ສາຍພົວພັນສອງພັກ, ສອງລັດຖະບານລາວ-ຈີນ ໃນດ້ານຕ່າງໆ.
          ໃນຕອນທ້າຍຂອງກອງປະຊຸມສະຫາຍປະທານກອງປະຊຸມຍັງໄດ້ເນັ້ນໜັກໃຫ້ເລຂາຄະນະໜ່ວຍພັກແຕ່ລະໜ່ວຍຕ້ອງໄດ້ນຳເອົາມະຕິສະບັບເລກທີ 206/ກມພສ ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດ ໃນໄລຍະໃໝ່ ແລະ ມະຕິ ສະບັບເລກທີ 25/ກມສພ, ລົງວັນທີ 17 ພຶດສະພາ 2021 ວ່າດ້ວຍການເພີ່ມທະວີການນຳພາຂອງພັກຕໍ່ວຽກງານວັດທະນະທຳໃນໄລຍະໃໝ່ ໄປເຜີຍແຜ່ໃຫ້ສະມາຊິກພັກໃນໜ່ວຍພັກຂອງຕົນໃຫ້ຮັບຮູ້ ແລະ ເຂົ້າໃຈ ພ້ອມກັນຈັດຕັ້ງຜັນຂະຫຍາຍເຂົ້າໃນໜ້າທີ່ວຽກງານຮັບຜິດຊອບຂອງຕົນໃຫ້ມີປະສິດຕິຜົນສູງຂຶ້ນ.
ຂາວ-ພາບ: ບຸນຖອມ ພະສະແຫວງ
ປະເພດຂ່າວ: