ກອງປະຊຸມຜ່ານເນື້ອໃນແຜນງານ, ໂຄງການ ແລະ ກິດຈະກຳ ຜັນຂະຫຍາຍ ຂອງຂະແໜງຍຸຕິທຳ ໄລຍະ 2021-2025

          ໃນວັນທີ 2 ກໍລະກົດ 2021 ຜ່ານມາ, ທີ່ ກະຊວງຍຸຕິທໍາ ໄດ້ຈັດກອງປະຊຸມຜ່ານເນື້ອໃນແຜນງານ, ໂຄງການ ແລະ ກິດຈະກຳ ຜັນຂະຫຍາຍ ຂອງຂະແໜງຍຸຕິທຳໄລຍະ 2021-2025 ໂດຍການເປັນປະທານຂອງທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທຳ. ມີຜູ້ເຂົ້າຮ່ວມຕາງໜ້າຈາກຫ້ອງການ, ບັນດາກົມ, ສູນແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຖາບັນຍຸຕິທຳແຫ່ງຊາດ, ສະພາທະນາຍຄວາມ ແລະ ຄະນະຮັບຜິດຊອບສ້າງຮ່າງແຜນງານ, ໂຄງການຜັນຂະຫຍາຍແຜນພັດທະນາຂະແໜງຍຸຕິທຳ ໄລຍະ 2021-2025.
อาจเป็นรูปภาพของ หนึ่งคนขึ้นไป และสถานที่ในร่ม
          ຈຸດປະສົງກອງປະຊຸມໃນຄັ້ງນີ້ ແມ່ນເພື່ອປະກອບຄຳເຫັນ ແລະ ຮັບປະກັນທາງດ້ານເນື້ອໃນ ຂອງຮ່າງແຜນງານ, ໂຄງການຜັນຂະຫຍາຍແຜນພັດທະນາຂອງຂະແໜງຍຸຕິທຳ ໄລຍະ 2021-2025 ໃຫ້ມີເນື້ອໃນຄົບຖ້ວນ, ສອດຄ່ອງກັບແນວທາງນະໂຍບາຍຂອງພັກລັດ ແລະ ສາມາດຜັນຂະຫຍາຍ ກ່ອນຈະນຳສະເໜີຮ່າງດັ່ງກ່າວໃຫ້ແກ່ຄະນະນຳກະຊວງຮັບຮອງ ແລະ ສາມາດຈັດຕັ້ງປະຕິບັດໃຫ້ມີຜົນສຳເລັດ ແລະ ບັນລຸຕົວຊີ້ວັດທີ່ໄດ້ກຳນົດໄວ້.
          ໃນກອງປະຊຸມໄດ້ມີການຜ່ານເນື້ອໃນແຜນງານ, ໂຄງການ ແລະ ກິດຈະກຳຂອງບັນດາກົມ ແລະ ມີການແລກປ່ຽນບົດຮຽນໃນການສ້າງແຜນງານ, ໂຄງການກັບຫົວໜ້າທີ່ປຶກສາທາງດ້ານວິຊາການຂອງໂຄງການລາວ/031 ເພື່ອເປັນບົດຮຽນໃນການສ້າງແຜນງານ, ໂຄງການ ຂອງຂະແໜງຍຸຕິທຳໃຫ້ມີເນື້ອໃນທີ່ຄົບຖ້ວນ ແລະ ສາມາດຈັດຕັ້ງປະຕິບັດໄດ້ໃນຕໍ່ໜ້າ.
          ໃນຕອນທ້າຍຂອງກອງປະຊຸມ ທ່ານ ເກດສະໜາ ພົມມະຈັນ, ຮອງລັດຖະມົນຕີກະຊວງຍຸຕິທຳ ໄດ້ເນັ້ນໜັກໃຫ້ ຄະນະຮັບຜິດຊອບສ້າງແຜນງານ, ໂຄງການຜັນຂະຫຍາຍແຜນພັດທະນາຂະແໜງຍຸຕິທຳນີ້ ສືບຕໍ່ຮ່າງແຜນງານ, ໂຄງການ ແລະ ກິດຈະກຳແຜນພັດທະນາ 05 ປີ ຂະແໜງຍຸຕິທໍາ ໃຫ້ສຳເລັດຕາມກຳນົດເວລາ ເພື່ອໃຫ້ການຈັດຕັ້ງປະຕິບັດເກີດເປັນຮູບປະທຳຢ່າງແທ້ຈິງ ແລະ ສອດຄ່ອງຕາມລະບຽບການກົດໝາຍ ເພື່ອສະເໜີຄະນະນຳເພື່ອຮັບຮອງໃນຕໍ່ໜ້າ.
          ກອງປະຊຸມໃນຄັ້ງນີ້ໄດ້ຮັບການສະໜັບສະໜູນໂດຍໂຄງການສະໜັບສະໜູນການສິດສອນ ແລະ ຝຶກອົບຮົມທາງດ້ານກົດໝາຍ ເພື່ອສົ່ງເສີມການສ້າງລັດທີ່ປົກຄອງດ້ວຍກົດໝາຍ (ລາວ/031).
ປະເພດຂ່າວ: