ຂ່າວການເຄື່ອນໄຫວຂອງພະແນກຍຸຕິທຳ

ພະແນກຍຸຕິທຳແຂວງ ວຽງຈັນໄດ້ຈັດພິທີປູກຕົ້ນໄມ້

ໃນຕອນເຊົ້າຂອງວັນທີ 3 ມິຖຸນາ 2020 ທີ່ຜ່ານມາ ພະແນກຍຸຕິທຳແຂວງ ວຽງຈັນໄດ້ຈັດພິທີປູກຕົ້ນໄມ້ຂຶ້ນ ໂດຍໃຫ້ກຽດເຂົ້າຮ່ວມນຳພາໃນຄັ້ງນີ້ໂດຍ ທ່ານ ສີສະຫວາດ ແສງພະຈັນ ຮັກສາ​ການເລຂາຫນ່ວຍພັກ ວ່າການຫົວຫນ້າພະແນກຍຸຕິທຳແຂວງ ວຽງຈັນ, ມີຮອງຫົວຫນ້າພະແນກ,ຫົວຫນ້າຂະແຫນງ, ຮອງຂະແຫນງ,ພ້ອມດ້ວຍພະນັກງານ-ລັດຖະກອນຂອງພະແນກຍຸຕິທຳແຂວງ ວຽງຈັນເຂົ້າຮ່ວມຢ່າງພ້ອມພຽງ.

3 ເມືອງ ຂອງແຂວງ ບໍ່ແກ້ວເປີດຫ້ອງການຊ່ວຍເຫຼືອທາງດ້ານກົດໝາຍ

ໃນລະຫວ່າງວັນທີ 26-29 ພຶດສະພາ 2020 ທີ່ຜ່ານມາ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທຳ ກະຊວງຍຸຕິທຳ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ ແລະ ຊຸກຍູ້ ການກະກຽມຄວາມພ້ອມໃຫ້ແກ່ການເປີດຫ້ອງການຊ່ວຍເຫຼືອທາງດ້ານກົດໝາຍ ປະຈຳຢູ່ຫ້ອງການຍຸຕິທໍາ 3 ເມືອງ ຂອງແຂວງ ບໍ່ແກ້ວຄື: ເມືອງ ຕົ້ນເຜິ້ງ, ເມືອງ ເມິງ ແລະ ເມືອງ ຜາອຸດົມ. ມີ ທ່ານ ວິພົງ ບົວອາໄພ ຮອງຫົວໜ້າພະແນກຍຸຕິທໍາແຂວງ ບໍ່ແກ້ວ, ຫົວໜ້າ, ຮອງຫົວຫ້ອງການ ພ້ອມດ້ວຍພະນັກງານວິຊາການຂອງຫ້ອງການຍຸຕິທໍາທັງ 3 ເມືອງ ແລະ ຕາງໜ້າໂຄງການ lao/031 ຂອງປະເທດລຸກຊໍາບ໋ວກເຂົ້າຮ່ວມ.

ຫ້ອງວ່າການເມືອງ ບໍລິຄັນ ແຂວງ ບໍລິຄໍາໄຊ ໄດ້ຈັດຝຶກອົບຮົມພາລະບົດບາດຍິງ - ຊາຍ

ໃນວັນທີ 3 ມີຖຸນາ 2020 ຜ່ານມານີ້ ຢູ່ທີ່ຫ້ອງປະຊຸມຊັ້ນ III ຫ້ອງວ່າການເມືອງ ບໍລິຄັນ ແຂວງ ບໍລິຄໍາໄຊ ໄດ້ຈັດຝຶກອົບຮົມພາລະບົດບາດຍິງ - ຊາຍ ແລະ ວຽກງານໄກ່ເກ່ຍຂໍ້ຂັດແຍ່ງໃຫ້ແກ່ຜູ້ປະສານງານຂັ້ນບ້ານຂຶ້ນ ໂດຍການເປັນປະທານຂອງ ທ່ານ ໄມທອງ ແກ້ວວຽງຄຳ ກຳມະການພັກເມືອງ ຮອງເຈົ້າເມືອງ ບໍລິຄັນ ມີບັນດາຂະແໜງການທີ່ກ່ຽວຂ້ອງເຊັ່ນ ສະຫະພັນແມ່ຍິງແຂວງ, ພະແນກຍຸຕິທຳແຂວງ ແລະ ສະມາຄົມເພື່ອພັດທະນາແມ່ຍິງ ແລະ ການສຶກສາກົດໝາຍ, ພ້ອມດ້ວຍຄະນະໄກ່ເກ່ຍຂໍ້ຂັດແຍ່ງຂັ້ນບ້ານເຂົ້່າຮ່ວມທັງໜົດ 38 ທ່ານ, ຍິງ 12 ທ່ານ.

ພິທີສອບເສັງຄັດເລືອກເອົາພະນັກງານ-ລັດຖະກອນໃໝ່ ປະຈຳປີ 2020

ວັນທີ 2 ມິຖຸນາ 2020 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ໄດ້ຈັດພິທີສອບເສັງຄັດເລືອກເອົາພະນັກງານ-ລັດຖະກອນໃໝ່ ປະຈຳປີ 2020 ຂຶ້ນ ໂດຍພາຍໃຕ້ການເປັນປະທານຂອງ ທ່ານ ຄຳຫຼ້າ ອຸດທະຍອດ ກໍາມະການພັກແຂວງ, ຫົວໜ້າພະແນກຍຸຕິທຳແຂວງ ບໍ່ແກ້ວ, ມີບັນດາຄະນະຮັບຜິດຊອບ, ອະນຸກໍາມະການສອບເສັງ, ຕະຫຼອດຮອດນັກສອບເສັງເຂົ້າຮ່ວມ.

Subscribe to RSS - ຂ່າວການເຄື່ອນໄຫວຂອງພະແນກຍຸຕິທຳ