ຂ່າວການເຄື່ອນໄຫວຂອງພະແນກຍຸຕິທຳ

ເມືອງ ວຽງພູຄາ ແຂວງ ຫຼວງນຳ້ທາ ເປີດຫ້ອງການຊ່ວຍເຫຼືອທາງດ້ານກົດໝາຍ

ໃນວັນທີ 29 ຕຸລາ 2020 ຫ້ອງການຍຸຕິທໍາເມືອງ ວຽງພູຄາ ແຂວງ ຫຼວງນໍ້າທາ ໄດ້ຈັດພິທີເປີດຫ້ອງການຊ່ວຍເຫຼືອທາງດ້ານກົດໝາຍຂຶ້ນ ຢູ່ທີ່ສະໂມສອນຂອງເມືອງ ໂດຍເປັນການເປັນປະທານ ຂອງທ່ານ ນາງ ຈັນຄໍາ ທອງມີໄຊ ຮອງເລຂາພັກເມືອງ ປະທານແນວລາວສ້າງຊາດເມືອງ, ໃຫ້ກຽດເຂົ້າຮ່ວມໂດຍ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທໍາ, ທ່ານ ເພັດສະຫວັນ ສີພົມມາຈັນ ຮອງພະແນກຍຸຕິທໍາ ແຂວງ ຫຼວງນໍ້ທາ, ຫົວໜ້າຫ້ອງການຍຸຕິທໍາເມືອງ ວຽງພູຄາ, ແລະ ພະນັກງານອ້ອມຂ້າງເມືອງ ເຂົ້າຮ່ວມທັງໝົດ 81 ທ່ານ, ຍິງ 11 ຍິງ.

ເມືອງ ນາແລ ແຂວງ ຫຼວງນຳ້ທາ ເປີດຫ້ອງການຊ່ວຍເຫຼືອທາງດ້ານກົດໝາຍ.

ໃນວັນທີ 28 ຕຸລາ 2020 ຫ້ອງການຍຸຕິທໍາເມືອງ ນາແລ ແຂວງ ຫຼວງນໍ້າທາ ໄດ້ຈັດພິທີເປີດ ຫ້ອງການຊ່ວຍເຫຼືອທາງດ້ານກົດໝາຍ ຂຶ້ນ ຢູ່ທີ່ສະໂມສອນຂອງເມືອງ ໂດຍການເປັນທານຂອງ ທ່ານ ບຸນປີ ໄລປະເສີດ ກໍາມະການພັກແຂວງ ເຈົ້າເມືອງ ນາແລ, ໃຫ້ກຽດເຂົ້າຮ່ວມໂດຍ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທໍາ ກະຊວງຍຸຕິທໍາ, ທ່ານ ເພັດສະຫວັນ ສີພົມມາຈັນ ຮອງຫົວໜ້າພະແນກຍຸຕິທໍາແຂວງ ຫຼວງນໍ້າທາ, ຫົວໜ້າຫ້ອງການຍຸຕິທໍາເມືອງ ນາແລ ແລະ ພະນັກງານອ້ອມຂ້າງເມືອງ ເຂົ້າຮ່ວມທັງໝົດ 117 ທ່ານ, ຍິງ 32 ທ່ານ.

ກອງປະຊຸມທາບທາມວ່າການຫົວໜ້າພະແນກຍຸຕິທໍາແຂວງ ບໍລິຄຳໄຊ

ໃນວັນທີ 27 ຕຸລາ 2020 ທີ່ຜ່ານມາ ພະແນກຍຸຕິທໍາແຂວງ ບໍລິຄໍາໄຊ ໄດ້ເປີດກອງປະຊຸມທາບທາມ ວ່າການຫົວໜ້າພະແນກຍຸຕິທໍາແຂວງ ຂຶ້ນ ໂດຍການເປັນປະທານຂອງ ທ່ານ ບຸນຄຳ ໄຊເຍຍລໍວື ຄະນະປະຈໍາພັກແຂວງ ປະທານກວດກາພັກ-ລັດແຂວງ ບໍລິຄໍາໄຊ, ມີຄະນະຮັບຜິດຊອບຂັ້ນແຂວງ, ຄະນະພະແນກຍຸຕິທໍາແຂວງ ພ້ອມດ້ວຍພະນັກງານ-ລັດຖະກອນເຂົ້າຮ່ວມທັງໜົດ 39 ທ່ານ, ຍິງ 14ທ່ານ.

ຮອງຫົວໜ້າພະແນກຍຸຕິທຳ ຂຶ້ນຫ້ອງສອນກົດໝາຍໄລຍະສັ້ນ 45 ວັນ ຢູ່ເມືອງ ຫ້ວຍຊາຍ ແຂວງ ບໍ່ແກ້ວ

ໃນວັນທີ 21-22 ຕຸລາ 2020 ທ່ານ ວິພົງ ບົວອາໄພ ຮອງຫົວໜ້າພະແນກຍຸຕິທຳແຂວງ ບໍ່ແກ້ວ ໄດ້ຂຶ້ນຫ້ອງສິດສອນກົດໝາຍໄລຍະສັ້ນ 45 ວັນ ຢູ່ເມືອງ ຫ້ວຍຊາຍ ແຂວງ ບໍ່ແກ້ວ, ໃຫ້ແກ່ນັກຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ I ຂອງເມືອງ ຊຶ່ງເປັນຊຸດທີ X ຂອງແຂວງ ມີນັກຝຶກອົບຮົມເຂົ້າຮ່ວມທັງໝົດ 51 ທ່ານ, ຍິງ 9 ທ່ານ;

Subscribe to RSS - ຂ່າວການເຄື່ອນໄຫວຂອງພະແນກຍຸຕິທຳ