ຂ່າວການເຄື່ອນໄຫວຂອງພະແນກຍຸຕິທຳ

ຮອງລັດຖະມົນຕີກະຊວງຍຸຕິທຳ ລົງເຄື່ອນໄຫວ ແລະ ຊີ້ນໍາວຽກງານຢູ່ພະແນກຍຸຕິທຳແຂວງ ອຸດົມໄຊ

ໃນຕອນບ່າຍ ຂອງວັນທີ 24 ມັງກອນ 2020 ທີ່ຜ່ານມາ ຢູ່ທີຫ້ອງປະຊຸມພະແນກຍຸຕິທຳແຂວງ ອຸດົມໄຊ ທ່ານ ປອ. ເສີມສຸກ ສິມພະວົງ ຮອງລັດຖະມົນຕີກະຊວງຍຸຕິທໍາ ໄດ້ລົງເຄື່ອນໄຫວຊີ້ນໍາວຽກງານ ແລະ ໂອ້ລົມຕໍ່ພະນັກງານ-ລັດຖະກອນ ຢູ່ພະແນກຍຸຕິທຳແຂວງ ອຸດົມໄຊ ໂດຍມີ ທ່ານ ສອນສຸວັນ ປັນຍາວົງ ຫົວໜ້າພະແນກຍຸຕິທຳແຂວງ ອຸດົມໄຊ ພ້ອມດ້ວຍຄະນະ ແລະ ພະນັກງານ-ລັດຖະກອນພາຍໃນພະແນກຍຸຕິທຳແຂວງ ອຸດົມໄຊ ໃຫ້ກຽດຕ້ອນຮັບຢ່າງອົບອຸ່ນ.

ຫ້ອງການຍຸຕິທຳເມືອງຊຳເໜືອປິດຊຸດຝຶກອົບຮົມກົດໝາຍໄລຍະສັ້ນ 45 ວັນ

ໃນວັນທີ 24 ມັງກອນ 2020 ທີ່ຜ່ານມາ. ຫ້ອງການຍຸຕິທຳເມືອງ ຊຳເໜືອໄດ້ຈັດພິທີປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ 2, ປະຈຳປີ 2019 ຂຶ້ນ ຢູ່ທີ່ສະໂມສອນກອງບັນຊາການຕຳຫຼວດເມືອງຊຳເໜືອ ໂດຍການເປັນປະທານຂອງ ທ່ານ ທອນສຸກ ເພັດວິຍານ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ຊຳເໜືອ, ເປັນກຽດເຂົ້າຮ່ວມຂອງທ່ານ ນາງ ພູເຮືອງ ພົມມະວັນ ຮອງຫົວໜ້າພະແນກຍຸຕິທຳແຂວງ ຫົວພັນ. ມີບັນດາທ່ານຄະນະຮັບຜິດຊອບຊຸດຝຶກອົບຮົມ, ຄູອາຈານ, ບັນດາທ່ານຫົວໜ້າຫ້ອງການ, ຮອງຫົວໜ້າຫ້ອງການອ້ອມຂ້າງເມືອງ ແລະ ນັກຝຶກອົບຮົມກົດໝາຍເຂົ້າຮ່ວມຢ່າງພ້ອມພຽງ.

ສອງພະແນກຍຸຕິທຳແຂວງ ຫົວພັນ ແລະ ແຂວງ ຊຽງຂວາງ ແລກປ່ຽນບົດຮຽນວຽກງານແກ້ໄຂຂໍ້ຂັດແຍ່ງຂັ້ນບ້ານ

ໃນວັນທີ 16-17 ມັງກອນ 2020 ທີ່ຜ່ານມາ, ພະແນກຍຸຕິທຳແຂວງ ຫົວພັນ ແລະ ພະແນກຍຸຕິທຳແຂວງ ຊຽງຂວາງໄດ້ຈັດກອງປະຊຸມແລກປ່ຽນບົດ ແລະ ທັດສະນະສຶກສາກ່ຽວກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ ຂຶ້ນຢູທີ່ ສະໂມສອນບ້ານກາງ ເມືອງ ຊຳເໜືອ ແຂວງ ຫົວພັນ ໂດຍພາຍໃຕ້ການເປັນປະທານຮ່ວມ ຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳແຂວງ ຫົວພັນ ແລະ ທ່ານ ທອງດີ ພົນອາສາ ຮອງຫົວໜ້າພະແນກຍຸຕິທຳແຂວງ ຊຽງຂວາງ, ມີບັນດາທ່ານຄະນະຮັບຜິດຊອບໂຄງການ MCC ທັງສອງແຂວງ, ຜູ້ຕາງໜ້າຈາກ 3 ເມືອງ ແລະ 6 ບ້ານເປົ້າໝາຍຂອງແຂວງ ຊຽງຂວາງ, ຜູ້ຕາງໜ້າຈາກບ້ານ ສະເຫຼີ້ຍ ແລະ ບ້ານ ກາງເຂົ້້າຮ່ວມ.

ເຈົ້າແຂວງ ບໍ່ແກ້ວ ໄດ້ລົງເຄື່ອນໄຫວຢ້ຽມຢາມ ແລະ ໂອ້ລົມ ພະນັກງານຫຼັກແຫຼ່ງ ໃນຂົງເຂດຍຸຕິທຳ

ໃນຕອນບ່າຍຂອງວັນທີ 15 ມັງກອນ 2020 ທີ່ຜ່ານມາ ທ່ານ ປອ ບົວຄົງ ນາມມະວົງ ກໍາມະການສໍາຮອງສູນກາງພັກ, ເລຂາພັກແຂວງ, ເຈົ້າແຂວງ ບໍ່ແກ້ວ ໄດ້ລົງພົບປະໂອ້ລົມພະນັກງານຫຼັກແຫຼ່ງພະແນກຍຸຕິທຳ, ອົງການໄອຍະການປະຊາຊົນ ແລະ ສານປະຊາຊົນແຂວງ ຢູ່ທີ່ຫ້ອງປະຊຸມພະແນກຍຸຕິທຳແຂວງ ບໍ່ແກ້ວ ມີບັນດາຫົວໜ້າ, ຮອງຫົວໜ້າພະແນກຍຸຕິທຳ, ຫົວໜ້າ, ຮອງຫົວໜ້າອົງການໄອຍະການປະຊາຊົນ, ປະທານ, ຮອງປະທານສານປະຊາຊົນແຂວງ, ຜູ້ພິພາກສາ, ຈ່າສານ, ຫົວໜ້າຂະແໜງ, ຮອງຫົວໜ້າຂະແໜງ ແລະ ພະນັກງານຫຼັກແຫຼ່ງເຂົ້າຮວ່ມທັງໝົດ 54 ທ່ານ ຍິງ 19 ທ່ານ.

Subscribe to RSS - ຂ່າວການເຄື່ອນໄຫວຂອງພະແນກຍຸຕິທຳ