ຂ່າວການເຄື່ອນໄຫວ ແລະ ບົດຄວາມອື່ນໆ

Leave blank for all. Otherwise, the first selected term will be the default instead of "Any".

ສະຖາບັນຍຸຕິທຳພາກເໜືອ ສປປ ລາວ ແລະ ໂຮງຮຽນກົດໝາຍສາກົນຮັ່ນດ໋ອງ ສ.ເກົາຫຼີ ພົບປະແລກປ່ຽນບົດຮຽນວິຊາການດ້ານກົດໝາຍຮ່ວມກັນ

ຕອນເຊົ້າວັນທີ 15 ກຸມພາ 2019 ສະຖາບັນຍຸຕິທໍາ ພາກເໜືອ ໄດ້ຕ້ອນຮັບການມາຢ້ຽມຢາມ ແລະ ແລກປ່ຽນບົດຮຽນທາງດ້ານກົດໝາຍ ຈາກຄະນະຄູ-ອາຈານຂອງໂຮງຮຽນກົດໝາຍສາກົນຮັ່ນດ໋ອງ ປະເທດ ສ. ເກົາຫຼີ ຊຶ່ງນໍາພາ ໂດຍທ່ານ ຈົງຊູ ພາກ ຮອງຄະນະບໍດີຝ່າຍວິຊາການໂຮງຮຽນກົດໝາຍສາກົນຮັ່ນດ໋ອງ; ພ້ອມດ້ວຍຄະນະຄູ-ອາຈານ ແລະ ນັກສຶກສາປະລິນຍາເອກ ສາຂາກົດໝາຍອາເມລິກາ ຈໍານວນ 6 ທ່ານ, ຍິງ 5 ທ່ານ.

ສະມາຊິກພັກພະນັກງານຫຼັກແຫຼ່ງ ຂອງພະແນກຍຸຕິທຳ ແຂວງບໍລິຄຳໄຊ ເຊື່ອມຊືມເອກສານສຶກສາອົບຮົມການເມືອງ - ແນວຄິດ

ເພື່ອເປັນການເຜີຍແຜ່ເຊື່ອມຊຶມບັນດາເອກະສານສຳຄັນຕ່າງໆຂອງພັກໃຫ້ສະມາຊິກພັກ ພະນັກງານຫຼັກແຫຼ່ງ ໃນວັນທີ 18 ກຸມພາ 2019 ຢູ່ຫ້ອງປະຊຸມສະພາປະຊາຊົນແຂວງບໍລິຄຳໄຊ ໄດ້ຈັດກອງປະຊຸມເຜີຍແຜ່ເອກະສານສຶກສາອົບຮົມການເມືອງ-ແນວຄິດເພື່ອກະກຽມດຳເນີນກອງປະຊຸມໃຫຍ່ຂອງພັກ3ຂັ້ນສຳລັບສະມາຊິກພັກ-ພະນັກງານຫຼັກແຫຼ່ງຂອງສະ ພາປະຊາຊົນແຂວງ, ສານປະຊາຊົນແຂວງ, ອົງການໄອຍະການປະຊາຊົນແຂວງ ແລະ ພະແນກຍຸຕິທຳແຂວງບໍລິຄຳໄຊ ຈຳນວນພະນັກງານເຂົ້າຮ່ວມຮັບຟັງທັງໝົດ 51 ສະຫາຍ, ຍິງ 23 ສະຫາຍ ຈຸດປະສົງເພື່ອເຮັດໃຫ້ພະນັກ ງານຫຼັກແຫຼ່ງໃນຂົງເຂດຕຸລາການ ແລະ ນິຕິບັນຍັດ ໄດ້ຮັບຮູ້ ເຂົ້າໃຈແຈ້ງກ່ຽວກັບການນຳພາຂອງພັກເຮົາເພື່ອມາໝູນໃຊ້ເຂົ້າໃນການປະຕິບັດກົດໝາຍ ເອກະສານ

ພະແນກຍຸຕິທໍາແຂວງບໍ່ແກ້ວ ເປີດຊຸດຝືກອົບຮົມກົດໝາຍ 45 ວັນ ຊຸດທີ I ປະຈໍາປີ 2019

ໃນຕອນເຊົ້າວັນທີ 15 ກຸມພາ 2019 ຢູ່ທີ່ຫໍປະຊຸມບ້ານ ຫ້ວຍເເມງ ກຸ່ມແກ້ງພາກ, ເມືອງປາກທາ, ເເຂວງ ບໍ່ເເກ້ວ ໄດ້ຈັດພິທິເປີດຊຸດຝຶກອົບຮົມກົດໝາຍ 45 ວັນ ໃຫ້ພະນັກງານຮາກຖານບ້ານ, ກຸ່ມບ້ານ ເເລະ ປະຊາຊົນບັນດາເຜົ່າ ຊຸດທີ I ປະຈໍາປີ 2019 ຂຶ້ນ, ໂດຍການເປັນປະທານຮ່ວມຂອງ ທ່ານ ທ່ານ ຄໍາຫຼ້າ ອຸດທະຍອດ ກໍາມະການພັກເເຂວງ ຫົວໜ້າພະເເນກຍຸຕິທໍາເເຂວງບໍ່ແກ້ວ ແລະ ທ່ານ ນາງ ຈັນສຸກ ວັນນະວົງ ຄະນະປະຈໍາພັກເມືອງ ປະທານສະຫະພັນເເມ່ຍິງເມືອງປາກທາ, ມີບັນດາກໍາມະການພັກເມືອງ, ຫົວໜ້າຫ້ອງການ-ຮອງຫ້ອງການ, ເເຂກຖືກເຊີນ ເເລະ ຄູ-ຈານຕະຫລອດຮອດນັກຝຶກອົບຮົມເຂົ້າຮ່ວມທັງໝົດ 39 ຄົນ, ຍິງ 6 ຄົນ .

ພິທີສະເຫຼີມສະຫຼອງ ຄົບຮອບ 20 ປີແຫ່ງການຮ່ວມມືມິດຕະພາບລາວ-ຍີ່ປຸ່ນ ແລະ ການຮັບຮອງ ປະມວນກົດໝາຍແພ່ງ ແຫ່ງ ສປປ ລາວ

ກະຊວງຍຸຕິທຳ ແຫ່ງ ສປປ ລາວ ຮ່ວມກັບ ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ, ອົງການຮ່ວມມືສາກົນຍີ່ປຸ່ນ (JICA) ປະຈຳລາວ ຈັດພິທີສະເຫຼີມສະຫຼອງ ຄົບຮອບ 20 ປີແຫ່ງການຮ່ວມມືມິດຕະພາບລາວ-ຍີ່ປຸ່ນ (1998-2018) ແລະ ການຮັບຮອງ ປະມວນກົດໝາຍແພ່ງ ແຫ່ງ ສປປ ລາວ ຂຶ້ນໃນຕອນບ່າຍຂອງວັນທີ 19 ກຸມພາ 2019 ທີ່ສູນການຮ່ວມມືສາກົນ ແລະ ຝຶກອົບຮົມ (ICTC) ໂດຍໄດ້ຮັບການສະໜັບສະໜູນຈາກ ສະຖານທູດຍີ່ປຸ່ນ ປະຈຳລາວ, ກະຊວງຍຸຕິທຳຍີ່ປຸ່ນ, ສະພາທະນາຍຄວາມຍີ່ປຸ່ນ (JFBA) ແລະ ມູນນິທິຊ່ວຍເຫຼືອວຽກງານຍຸຕິທຳ (ICCLC).

ລັດຖະມົນຕີກະຊວງຍຸຕິທຳ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂ່ຳນັບຂອງຫົວໜ້າສະຖາບັນຄົ້ນຄວ້າ ແລະ ຝຶກອົບຮົມຍຸຕິທຳ ກະຊວງຍຸຕິທຳ ຍີ່ປຸ່ນ

ໃນຕອນເຊົ້າຂອງວັນທີ 19 ກຸມພາ 2019 ຢູ່ທີ່ຫ້ອງຮັບແຂກກະຊວງຍຸຕິທຳ, ທ່ານ ໄຊສີ ສັນຕິວົງ, ລັດຖະມົນຕີກະຊວງຍຸຕິທຳ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ລຽວທາໂລ ໂອບະ (Mr. Ryotaro Ohba), ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມຍຸຕິທຳ, ກະຊວງຍຸຕິທຳຍີ່ປຸ່ນ ພ້ອມດ້ວຍຄະນະ ເນື່ອງໃນໂອກາດທີ່ທ່ານໄດ້ເດີນທາງມາຮ່ວມພິທີສະເຫຼີມສະຫຼອງ ຄົບຮອບ 20 ປີ ແຫ່ງການຮ່ວມມືມິດຕະພາບ ລາວ-ຍີປຸ່ນ ໃນຂະແໜງຍຸຕິທຳ ແລະ ການຮັບຮອງປະມວນກົດໝາຍແພ່ງ ໃນລະຫວ່າງວັນທີ 19-21 ກຸມພາ 2019 ທີ່ນະຄອນຫຼວງວຽງຈັນ ຢ່າງເປັນທາງການ.

ພະແນກຍຸຕິທຳແຂວງຄຳມ່ວນ  ໄດ້ເປີດກອງປະຊຸມວຽກງານຍຸຕິທຳ ທົ່ວແຂວງ ປະຈຳປີ 2018

ໃນວັນທີ່ 13 ກຸມພາ 2019 ພະແນກຍຸຕິທຳແຂວງຄຳມ່ວນ  ໄດ້ເປີດກອງປະຊຸມວຽກງານຍຸຕິທຳ ທົ່ວແຂວງ ປະຈຳປີ 2018 ຂື້ນ ທີ່ຫ້ອງປະຊຸມຂອງພະແນກຍຸຕິທຳແຂວງ  ກອງປະຊຸມໃນຄັ້ງນີ້ ແມ່ນໄດ້ຮັບກຽດເປັນປະທານຮ່ວມ ໂດຍທ່ານ ບຸນມາ ສຸດສະດາວອນ ຄະນະປະຈຳພັກແຂວງ ຫົວໜ້າອົງການໄອຍະການປະຊາຊົນແຂວງ, ທ່ານ ຄຳເພົ້າ ທອງເທພາຮັກ ເລຂາໜ່ວຍພັກ ຫົວໜ້າພະແນກຍຸຕິທຳແຂວງຄຳມ່ວນ, ຄະນະພະແນກ, ບັນດາທ່ານໃນ 7 ຫ້ອງການຂອງພະແນກ, ຫົວໜ້າ ແລະ ຮອງຫົວໜ້າຫ້ອງການຍຸຕິທຳ 10 ຕົວເມືອງ, ຕ່າງໜ້າພະແນກການອ້ອມຂ້າງແຂວງ ແລະ ເມືອງ ຕະຫຼອດຮອດຜູ້ຕາງໜ້າສາຂາທະນາຄານ ແລະ ພະນັກງານ ກໍ່ໄດ້ ໃຫ້ກຽດເຂົ້າຮ່ວມຢ່າງພ້ອມພຽງ.

ກົມໂຄສະນາເຜີຍແຜ່ກົດໝາຍ ລົງໂຄສະນາ ແອັບກົດໝາຍລາວ (version 3) ຢູ່ ຄະນະນິຕິສາດ ແລະ ລັດຖະສາດ

ກົມໂຄສະນາເຜີຍແຜ່ກົດໝາຍ, ກະຊວງຍຸຕິທຳ ລົງໂຄສະນາເຜີຍແຜ່ແອັບກົດໝາຍລາວ (LaoLaw) ແລະ ເວັບໄຊ໌ຈົດໝາຍເຫດທາງລັດຖະການ ທີ່ຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ; ໂດຍການໃຫ້ກຽດເປັນປະທານຮ່ວມຂອງ ທ່ານ ນາງ ຄອນສະຫວັນ ສາວະລີ ຮອງຫົວໜ້າກົມໂຄສະນາເຜີຍແຜ່ກົດໝາຍ, ທ່ານ ຮສ. ວຽງວິໄລ ທ່ຽງຈັນໄຊ ຄະນະບໍດີຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ, ມີຜູ້ຕາງໜ້າໂຄງການລູນາ 2 (LUNA-II) ພ້ອມດ້ວຍຄະນະ, ຄະນະຮັບຜິດຊອບວຽກງານເຜີຍແຜ່ແອັບກົດໝາຍລາວ (version 3), ບັນດາຄູ-ອາຈານ ແລະ ນັກສຶກສາ ຂອງຄະນະນິຕິສາດ ແລະ ລັດຖະສາດ ເຂົ້າຮ່ວມທັງໝົດ 110 ຄົນ, ຍິງ 77 ຄົນ.

ປ້າຍ Tags ຕິດຕາມ: 

ຫ້ອງການຍຸຕິທໍາເມືອງຈັນທະບູລີ ລົງໂຄສະນາເຜີຍແຜ່ກົດໝາຍ

    ໃນຕອນເຊົ້າຂອງວັນທີ 14 ກຸມພາ 2019 ຫ້ອງການຍຸຕິທໍາ ເມືອງຈັນທະບູລີ ໄດ້ລົງໂຄສະນາເຜີຍແຜ່ກົດໝາຍ ໂດຍການເປັນປະທານຮ່ວມຂອງ ທ່ານ ເພັດສະໝອນ ສົງຄໍາຈັນ ຫົວໜ້າຫ້ອງການຍຸຕິທໍາ ເມືອງຈັນທະບູລີ, ທ່ານ ນ. ອຸດົມ ສຸລະມະນີ ຮອງຫົວໜ້າຫ້ອງການ ແລະ ທ່ານ ອາຈານ ອານຸມະລາ ຮອງອໍານວຍການໂຮງຮຽນ ມສ ເຈົ້າອະນຸວົງ ພ້ອມດ້ວຍຄູອາຈານ ແລະ ນ້ອງນັກຮຽນເຂົ້າຮ່ວມທັງໝົດຈຳນວນ 445 ຄົນ, ຍິງ 229 ຄົນ. 

ກອງປະຊຸມ ສະຫຼຸບວຽກງານການລົງຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດຄໍາຕັດສີນຂອງສານ

ໃນຕອນເຊົ້າຂອງວັນທີ 12 ກຸມພາ 2019 ຢູ່ທີ່ຫ້ອງປະຊຸມຊັ້ນສອງຂອງກະຊວງຍຸຕິທໍາ ໄດ້ເປີດກອງປະຊຸມສະຫຼຸບການລົງຕິດຕາມ, ກວດກາ ແລະ ຊຸກຍູ້ວຽກງານຈັດຕັ້ງປະຕິບັດຄໍາຕັດສີນຂອງສານຢູ່ນະຄອນຫຼວງວຽງຈັນ ແລະ ທິດທາງແຜນການໃນຕໍ່ໜ້າຂຶ້ນ ໂດຍໃຫ້ກຽດເປັນປະທານຂອງ ທ່ານ ໄພວີ ສີບົວລິພາ ຮອງລັດຖະມົນຕີ ກະຊວງຍຸຕິທໍາ, ມີຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ, ວິຊາການ, ມີຫ້ອງການຍຸຕິທໍາເມືອງ 9 ຕົວເມືອງ ແລະ ແຂກທີ່ຖືກເຊີນເຂົ້າຮ່ວມທັງໝົດ ຈໍານວນ 53 ທ່ານ, ຍິງ 7 ທ່ານ.

ກອງປະຊຸມປຶກສາຫາລືຂຽນ ຮ່າງດຳລັດ

ທີ່ ໂຮງແຮມ ດອກຈຳປາ ແຂວງ ບໍລິຄຳໄຊ ເມືອງ ປາກຊັນ ກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ ຮ່ວມກັບຫຼາຍພາກສ່ວນ ໄດ້ຈັດກອງປະຊຸມປຶກສາຫາລືຂຽນເນື້ອໃນຮ່າງດຳລັດວ່າດ້ວຍ ການໂຄສະນາເຜີຍແຜ່ກົດໝາຍ ຂຶຶ້ນໃນລະຫວ່າງ ວັນທີ 11 ຫາ ວັນທີ 15 ກຸມພາ 2019 ໂດຍ ທ່ານ ພູທອນ ແກ້ວດວງມະນີ ຫົວໜ້າກົມໂຄສະນາເຜີຍແຜ່ກົດໝາຍ ແລະ ທ່ານ ສົມພູ ແກ້ວມູນມະນີ ທີ່ປຶກສາແຜນງານການມີສ່ວນຮ່ວມຂອງປະຊາຊົນໃນວຽກງານປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ ເປັນຄະນະປະທານ, ມີ ທ່ານຮອງຫົວໜ້າກົມ, ຫົວໜ້າພະແນກ, ຮອງພະແນກ ແລະ ວິຊາການຈາກພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 22 ຍິງ 8 ທ່ານ.

Pages