ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍູຕິທໍາແຂວງລົງເຄື່ອນໄຫວໂຄສະນາເຜີຍແຜ່ກົດໝາຍຢູ່ບ້ານ ຂອງ ເມືອງໄຊຍະບູລີ

Submitted by xaiyphimphone on

          ໃນວັນທີ 10-12 ມັງກອນ 2023 ພະແນກຍຸຕິທໍາແຂວງໄຊຍະບູລີ ໄດ້ສົມທົບກັບຫ້ອງການຍູຕິທໍາເມືອງໄຊຍະບູລີ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍໃຫ້ປະຊາຊົນ 3 ບ້ານ ຂອງເມືອງໄຊຍະບູລີ. ເຊີ່ງນໍາພາໂດຍ ທ່ານ ບຸນລ້ຽງ ດວງສົມພອນ ຮອງຫົວໜ້າພະແນກຍຸຕິທໍາແຂວງ ພ້ອມດ້ວຍພະນັກງານຂອງພະແນກຍຸຕິທໍາແຂວງ ແລະ ຫ້ອງການຍຸຕິທໍາເມືອງໄຊຍະບູລີ, ມີ ນາຍບ້ານ 3 ບ້ານຄື: ບ້ານ ຄອນປຽດ ບ້ານ ໂພນແກ້ວ ບ້ານ ປາກທັງ ເມືອງໄຊຍະບູລີ ມີຜູ້ເຂົ້າຮ່ວມທັງໝົດ 165 ຄົນ; ຍິງ 122 ຄົນ

ຫ້ອງການຍຸຕິທຳເມືອງຊຽງຮ່ອນ ລົງຊຸກຍູ້ວຽກງານຍຸຕິທຳຮາກຖານ ແລະ ສ້າງສະຕິເຄົາລົບກົດໝາຍໃຫ້ປະຊາຊົນ

Submitted by xaiyphimphone on

          ວັນທີ 11 ມັງກອນ 2023 ທ່ານ ສີວັນ ພົມມະກຸນ ຫົວໜ້າໜ່ວຍງານປະຕິບັດຄຳຕັດສິນຂອງສານຂອງຫ້ອງການຍຸຕິທໍາເມືອງຊຽງຮ່ອນ ແຂວງໄຊຍະບູລີ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາເຜີຍແຜ່ກົດໝາຍ ແລະ ຕັ້ງໂຕະໃຫ້ຄຳປຶກສາທາງດ້ານກົດໝາຍ ໃຫ້ປະຊາຊົນຢູ່ບ້ານດອນມູນ. ມີນາຍບ້ານ, ຄະນະບ້ານ, ປະຊາຊົນເຂົ້າຮ່ວມ ຈໍານວນ 145 ຄົນ, ຍິງ 69 ຄົນ.

ເມືອງ ຊຽງຮ່ອນ ແຂວງ ໄຊຍະບູລີ ປີດຊຸດຝຶກອົບຮົມກົດໝາຍ 45 ວັນ

Submitted by xaiyphimphone on

          ໃນວັນທີ 25 ພຶດສະພາ 2022 ຫ້ອງການຍຸຕິທຳເມືອງ ຊຽງຮ່ອນ ແຂວງ ໄຊຍະບູລີ ໄດ້ຈັດພິທີປີດຊຸດຝຶກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ຊຸດທີ V ປະຈຳປີ 2022 ໃຫ້ແກ່ອົງການປົກຄອງບ້ານເຂດ ມົກສະຕຸ ຢູ່ສະໂມສອນ ບ້ານ ມົກສະຕຸ ເມືອງ ຊຽງຮ່ອນ. ໃຫ້ກຽດເຂົ້າຮ່ວມເປັນປະທານຂອງ ທ່ານ ຖາວອນ ເລື່ອນແກ້ວ ຮອງເລຂາພັກເມືອງ ສະມາຊິກສະພາປະຊາຊົນແຂວງ, ປະທານກວດກາພັກເມືອງ, ມີກຳມະການພັກເມືອງ, ຫົວໜ້າຫ້ອງການ, ຄະນະຊີ້ນຳຊຸດຝຶກອົບຮົມ, ຄູ-ອາຈານ, ນາຍບ້ານ ແລະ ນັກຝຶກອົບຮົມ ເຂົ້າຮ່ວມ ຈຳນວນ 61 ທ່ານ, ຍິງ 18 ທ່ານ.

ຫ້ອງການຍຸຕິທໍາເມືອງ ພຽງ ແຂວງ ໄຊຍະບູລີ ລົງເຜີຍແຜ່ດໍາລັດ ການໄກ່ເກ່ຍແກ້ໄຂຂໍ້ຂັດແຍ່ງຂັ້ນບ້ານ

Submitted by xaiyphimphone on

          ໃນຕອນເຊົ້າຂອງວັນທີ 19 ພຶດສະພາ 2022 ຢູ່ທີ່ຫ້ອງປະຊຸມຂອງຫ້ອງການຍຸຕິທໍາເມືອງ ພຽງ ແຂວງ ໄຊຍະບູລີ ໄດ້ຈັດພິທີເຜີຍແຜ່ດໍາລັດ ສະບັບເລກທີ 626/ລບ, ລົງວັນທີ 22 ຕຸລາ 2021 ວ່າດ້ວຍການໄກ່ເກ່ຍຂໍ້ຂັດແຍ່ງຂັ້ນບ້ານ ແລະ ປັບປຸງ ຄະນະແກ້ໄຂຂໍ້ຂັດແຍ່ງຂັ້ນບ້ານມາເປັນ ໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານ, ໃຫ້ແກ່ໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານ ນໍາໂດຍ ທ່ານ ສອນເພັດ ສີຫານົນ ຫົວໜ້າຫ້ອງການຍຸຕິທໍາເມືອງ ພຽງ ພ້ອມດ້ວຍຄະນະ, ມີບັນດາຄະນະໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານ ເທດສະບານ ຈໍານວນ 9 ບ້ານ ມີຜູ້ເຂົ້າຮ່ວມທັງໝົດ 45 ທ່ານ, ຍິງ 2 ທ່ານ.

ຮອງຫົວໜ້າພະແນກຍຸຕິທໍາແຂວງ ໄຊຍະບູລີ ລົງຕິດຕາມຊຸກຍູ້ຊຸດຝຶກອົບຮົມກົດໝາຍ 45 ວັນ

Submitted by xaiyphimphone on

          ໃນວັນທີ 27 ເມສາ 2022 ຜ່ານມາ ທ່ານ ສົມລິດ ອ່ອນຕາ ຮອງຫົວໜ້າພະແນກຍຸຕິທໍາແຂວງ ໄຊຍະບູລີ ໄດ້ລົງຕິດຕາມຊຸດຝຶກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ທີ່ສະໂມສອນຫ້ອງການບ້ານ ທ່ານາ ເມືອງ ໄຊຍະບູລີ, ມີຄະນະຮັບຜິດຊອບຊຸດຝຶກອົບຮົມ ແລະ ນັກຝຶກອົບຮົມ ໃຫ້ກຽດຕ້ອນຮັບ.

ກອງປະຊຸມເຜີຍແຜ່ເອກະສານກ່ຽວກັບການສ້າງນິຕິກໍາ ຂັ້ນເມືອງ ທີ່ ເມືອງ ຄອບ ແຂວງ ໄຊຍະບູລີ.

Submitted by xaiyphimphone on

          ໃນວັນທີ 26 ເມສາ 2022 ທີ່ຫ້ອງປະຊຸມຫ້ອງວ່າການປົກຄອງເມືອງ ຄອບ ແຂວງ ໄຊຍະບູລີ ໄດ້ຈັດກອງປະຊຸມເຜີຍແຜ່ ກ່ຽວກັບວຽກງານການສ້າງນິຕິກໍາ ຂັ້ນເມືອງ. ໂດຍການເປັນປະທານ ຮ່ວມ ລະຫວ່າງ ທ່ານ ກາວີ ເກດດົມລິ ຫົວໜ້າພະແນກຍຸຕິທໍາແຂວງ ແລະ ທ່ານ ສົມນືກ ສິງຄໍາ ຮອງເລຂາພັກເມືອງ, ມີ ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ກົມກອງ, ນັກທຸລະກິດ, ນາຍບ້ານ 4 ບ້ານເທດສະບານ ພ້ອມດ້ວຍພະນັກງານຫ້ອງການຍຸຕິທໍາເມືອງເຂົ້າຮ່ວມທັງໝົດ 70 ທ່ານ, ຍິງ 15 ທ່ານ.

ພະແນກຍຸຕິທໍາແຂວງ ໄຊຍະບູລີ ຕີລາຄາຄືນວຽກງານກໍາມະບານຮາກຖານ

Submitted by xaiyphimphone on

          ໃນຕອນເຊົ້າຂອງ ວັນທີ 20 ເມສາ 2022 ຢູ່ຫ້ອງປະຊຸມພະແນກຍຸຕິທໍາແຂວງ ໄຊຍະບູລີ ໄດ້ເປີດກອງປະຊຸມ ສະຫຼຸບຕີລາຄາຄືນ ການຈັດຕັ້ງປະຕິບັດວຽກງານກໍາມະບານຂອງຮາກຖານກໍາມະບານພະແນກຍຸຕິທໍາແຂວງ ແລະ ການຜ່ານຂໍ້ຕົກລົງ ວ່າດ້ວຍການນະໂຍບາຍຊ່ວຍເຫຼືອ ເຊິ່ງກັນ ແລະ ກັນ ພາຍໃນ ຮາກຖານກໍາມະບານພະແນກຍຸຕິທໍາ (ກອງທຶນ).ໂດຍການເປັນປະທານຂອງ ສະຫາຍ ສົມລິດ ອ່ອນຕາ ຄະນະພັກ, ຮອງຫົວໜ້າພະແນກ ຜູ້ຊີ້ນໍາວຽກງານອົງການຈັດຕັ້ງມະຫາຊົນ, ມີປະທານ, ຮອງປະທານ, ຄະນະ ແລະ ພ້ອມດ້ວຍສະມາຊິກກໍາມະບານ ເຂົ້້າຮ່ວມຢ່າງພ້ອມພຽງ.

ຫ້ອງການຍຸຕິທຳເມືອງ ຊຽງຮ່ອນ ແຂວງ ໄຊຍະບູລີ ເປີດຊຸດຝຶກອົບຮົມກົດໝາຍ 45 ວັນ

Submitted by xaiyphimphone on

          ໃນວັນທີ 22 ມີນາ 2022 ເມືອງ ຊຽງຮ່ອນ ແຂວງ ໄຊຍະບູລີ ໄດ້ເປີດຊຸດຝຶກອົບຮົມກົດໝາຍຂັ້ນພຶ້ນຖານ ລະບົບບຳລຸງ 45 ວັນ ຊຸດທີ V ປະຈຳປີ 2022 ໃຫ້ແກ່ອຳນາດການປົກຄອງບ້ານເຂດມົກສະຕຸ ຈຳນວນ 6 ບ້ານ ໃຫ້ກຽດເຂົ້າຮ່ວມເປັນປະທານໂດຍ ທ່ານ ຖາວອນ ເລື່ອນແກ້ວ ຮອງເລຂາພັກເມືອງ, ສະມາຊິກສະພາປະຊາຊົນແຂວງ, ປະທານກວດກາພັກເມືອງ, ມີພະນັກງານຊີ້ນຳບ້ານ, ຫ້ອງການຍຸຕິທຳເມືອງ, ອຳນາດການປົກຄອງບ້ານ ທັງ 6 ບ້ານ ເຂົ້າຮ່ວມທັງໝົດຈຳນວນ 48 ທ່ານ, ຍິງ 10 ທ່ານ; ໃນນັ້ນ ມີນັກຝຶກອົບຮົມເຂົ້າຮ່ວມ ຈຳນວນ 36 ທ່ານ, ຍິງ 10 ທ່ານ.

ພິທີເຊື່ອມຊືມ ວັນສ້າງຕັ້ງອົງການກວດກາພັກ-ລັດ ສປປ ລາວ ຄົບຮອບ 40 ປີ

Submitted by xaiyphimphone on

          ໃນວັນທີ 2 ມີນາ 2022 ຢູ່ທີ່ຫ້ອງປະຊຸມພະແນກຍຸຕິທໍາແຂວງໄຊຍະບູລີ ໄດ້ຈັດກອງປະຊຸມເຊື່ອມຊືມ ເອກະສານວັນສ້າງຕັ້ງອົງການກວດກາພັກ-ລັດ ສປປ ລາວ ຄົບຮອບ 40 ປີ (16/2/1982-16/2/2022) ພາຍໃຕ້ການເປັນປະທານ ຂອງທ່ານ ກາວີ ເກດດົມລິ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ, ມີຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານວິຊາການເຂົ້າຮ່ວມຢ່າງພ້ອມພຽງ.

Pages