ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທໍາແຂວງ ເຊກອງ ປິດຊຸດຝຶກອົບຮົມ ກົດໝາຍໄລຍະສັ້ນລະບົບ 45 ວັນ

          ໃນວັນທີ 12 ກຸມພາ ປີ 2021 ພະແນກຍຸຕິທໍາແຂວງ ເຊກອງ ໄດ້ຈັດພິທີປິດຊຸດຝຶກອົບຮົມກົດໝາຍ ໄລຍະສັ້ນ ລະບົບ 45 ວັນ ຂຶ້ນຢູ່ທີ່ຫ້ອງປະຊຸມພະແນກຍຸຕິທໍາແຂວງ ໂດຍການເປັນປະທານ ຂອງທ່ານ ນາງ ຈັນຫອມ ມະຫາໄຊ ຮອງເຈົ້າແຂວງ ເຊກອງ ເຂົ້າຮ່ວມມີທ່ານ ບຸນຕຸ້ມ ແກ້ວກິ່ງກົມ ຫົວໜ້າພະແນກຍຸຕິທໍາແຂວງ, ມີຄະນະຮັບຜິດຊອບ ແລະ ພາກສ່ວນກ່ຽວຂ້ອງເຂົ້າຮ່ວມ.

ພະແນກຍຸຕິທໍາແຂວງ ເຊກອງ ປະຖະກະຖາ ເລົ່າມູນເຊື້ອວັນສ້າງຕັ້ງສະຫະພັນກຳມະບານລາວ ຄົບຮອບ 65 ປີ

          ວັນທີ 28 ມັງກອນ 2021 ທີ່ຜ່ານມາ ພະແນກຍຸຕິທໍາແຂວງ ເຊກອງ ໄດ້ຈັດພິທີປາຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 65 ປີ (1 ກຸມພາ 1965-1 ກຸມພາ 2021) ຂຶ້ນຢູ່ທີ່ຫ້ອງປະຊຸມພະແນກຍຸຕິທໍາແຂວງ ເຊກອງ ໂດຍການເປັນປະທານ ແລະ ໃຫ້ກຽດເລົ່າມູນເຊື້ອ ຂອງ ທ່ານ ຄໍາມິ່ງ ໄຊຍະຈັກ ຮອງຫົວໜ້າພະແນກຍຸຕິທໍາແຂວງ ເຊກອງ, ມີສະມາຊິກພັກ, ພະນັກງານ-ລັດຖະກອນພາຍໃນພະແນກ, ຜູ້ເຂົ້າຮ່ວມຝຶກອົບຮົມກົດໝາຍໄລຍະສັ້ນ 45 ວັນ ຮຸ່ນທີ IX ປະຈໍາປີ 2020 ແລະ ນັກສຶກສາຝຶກງານມາຈາກສະຖານບັນຍຸຕິທໍາພາກກາງ ເຂົ້າຮ່ວມທັງໝົດ 85 ທ່ານ, ຍິງ 30 ທ່ານ.

ຫົວໜ້າຫ້ອງການຍຸຕິທໍາເມືອງ ກະລືມ ແຂວງ ເຊກອງ ຂຶ້ນສອນກົດໝາຍໄລຍະສັ້ນ 45 ວັນ.

          ໃນວັນທີ 13 ຫາ 20 ມັງກອນ 2021 ທີ່ຜ່ານມາ ທ່ານ ງັດສະໄໝ ທອດເຊກອງ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ ກະລຶມ ແຂວງ ເຊກອງ ໄດ້ຂຶ້ນຫ້ອງສິດສອນກົດໝາຍໄລຍະສັ້ນ 45 ວັນໃຫ້ແກ່ນັກຝຶກອົບຮົມກົດໝາຍໄລຍະສັ້ນ 45 ວັນ ຮຸ່ນທີ II ປະຈໍາປີ 2020 ຢູ່ເມືອງ ກະລຶມ ແຂວງ ເຊກອງ ຊຶ່ງມີນັກຝຶກອົບຮົມ ທັງໝົດ 29 ທ່ານ, ຍິງ 7 ທ່ານ.

ພິທີເປີດຊຸດຝຶກອົບຮົມກົດໝາຍ ລະບົບບຳລຸງໄລຍະສັ້ນ 45 ວັນ ປີ 2020.

ໃນຕອນບ່າຍຂອງວັນທີ 24 ທັນວາ 2020 ທີ່ຜ່ານມາ  ຢູ່ທີ່ຫ້ອງປະຊຸມພະແນກຍຸຕິທຳແຂວງ ເຊກອງ ໄດ້ເປີດຊຸດຝຶກອົບຮົມກົດໝາຍ ລະບົບບຳລຸງ ໄລຍະສັ້ນ 45 ວັນ, ຮຸ່ນທີ IX ປະຈຳປີ 2020 ຂຶ້ນ ພາຍໃຕ້ການເປັນປະທານຂອງ ທ່ານ ນາງ ຈັນຫອມ ມະຫາໄຊ ຄະນະປະຈຳພັກແຂວງ, ມີຄະນະຮັບຜິດຊອບຂັ້ນແຂວງ, ຄູ-ອາຈານ ແລະ ນັກຝຶກອົບຮົມເຂົ້າຮ່ວມທັງໝົດ 56 ທ່ານ, ຍິງ 28 ທ່ານ.

ເມືອງກະລຶມເປີດຊຸດຝຶກອົບຮົມກົດໝາຍ 45 ວັນ ໃຫ້ພະນັກງານຫຼັກແຫຼ່ງ

ພິທີເປີດຊຸດຝຶກອົບຮົມ ກົດໝາຍ 45 ວັນໃຫ້ພະນັກງານຫຼັກແຫຼ່ງ, ພະນັກງານສືບທອດ ແລະ ບັນດາຮາກຖານບ້ານຂອງເທດສະບານເມືອງກະລຶມ ຮຸ່ນທີ II ປະຈໍາປີ 2020 ໄດ້ຈັດຂຶ້ນ ໃນວັນທີ 24 ທັນວາ 2020 ຢູ່ທີ່ສະໂມສອນໃຫຍ່ ເມືອງກະລຶມ ແຂວງ ເຊກອງ ໂດຍການເປັນປະທານຮ່ວມ ຂອງ ທ່ານ ອໍບົວລາ ອ່ອນມະໄລວົງ ເຈົ້າເມືອງກະລຶມ ແລະ ທ່ານ ໂພໄຊ ວົງສີຈັນ ຮອງຫົວໜ້າພະແນກຍຸຕິທໍາ ແຂວງເຊກອງ ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ແຂກຖືກເຊີນ, ຄູຝຶກ ແລະ ສໍາມະນາກອນເຂົ້າຮ່ວມທັງໝົດ 46 ທ່ານ, ຍິງ 9 ທ່ານ.

ທ່ານຮອງລັດຖະມົນຕີກະຊວງຍຸຕິທໍາ ລົງຊຸກຍູ້ວຽກງານໂຄສະນາເຜີຍແຜ່ກົດໝາຍ ຢູ່ແຂວງ ເຊກອງ.

ໃນຕອນເຊົ້າຂອງວັນທີ 14 ຕຸລາ 2020 ທ່ານ ປອ. ເສີມສຸກ ສິມພະວົງ ຮອງລັດຖະມົນຕີກະຊວງຍຸຕິທໍາ ໄດ້ລົງເຄື່ອນໄຫວຊຸກຍູ້ວຽກງານໂຄສະນາເຜີຍແຜ່ກົດໝາຍ ຢູ່ພະແນກຍຸຕິທໍາແຂວງ ເຊກອງ ໂດຍຄະນະພັກ-ຄະນະພະແນກ, ຫົວໜ້າຂະແໜງ, ຮອງຂະແໜງ, ພະນັກງານ-ລັດຖະກອນ ແລະ ພະນັກງານຫ້ອງການຍຸຕິທໍາເມືອງ ລະມາມ ເຂົ້າຮ່ວມທັງໝົດ 40 ທ່ານ, ຍິງ18 ທ່ານ.
ທ່ານ ບຸນຕຸ້ມ ແກ້ວກິ່ງກົມ ຫົວໜ້າພະແນກຍຸຕິທໍາແຂວງ ເຊກອງ ໄດ້ຂື້ນຜ່ານບົດລາຍງານການເຄື່ອນໄຫວໃນໄລຍະ 9 ເດືອນຜ່ານມາ ໂດຍຍົກໃຫ້ເຫັນຜົນງານທີ່ສາມາດຍາດມາໄດ້ທີ່ພົ້ນເດັ່ນ, ພ້ອມທັງຈຸດດີ, ຈຸດອ່ອນ ແລະ ຂໍ້ຄົງຄ້າງ, ວິທີແກ້ໄຂລວມທັງທິດທາງການເຄື່ອນໄຫວໃນຕໍ່ໜ້າ.

ພິທີມອບ-ຮັບ ໜ້າທີ່ ລະຫວ່າງ ຫົວໜ້າພະແນກຍຸຕິທຳແຂວງ ເຊກອງຜູ້ເກົ່າ ແລະ ຜູ້ໃໝ່

ພິທີມອບ-ຮັບໜ້າທີ່ລະຫວ່າງ ທ່ານຄຳບາງ ພະສະແຫວງ ກຳມະການພັກແຂວງ ຫົວໜ້າພະແນກຍຸຕິທຳແຂວງ (ຜູ້ເກົ່າ) ແລະ ທ່ານ ບູນຕຸ້ມ ແກ້ວກິ່ງກົມ (ຜູ້ໃໝ່) ໄດ້ຈັດຂຶ້ນໃນຕອນບ່າຍຂອງວັນທີ 9 ຕຸລາ 2020, ໂດຍການເຂົ້າຮ່ວມເປັນປະທານຂອງ ທ່ານ ດົງເພັດ ພະຍົນ ຮອງເລຂາພັກແຂວງ, ມີແຂກຖືກເຊີນຈາກພະແນກການອ້ອມຂ້າງແຂວງ ແລະ ພະນັກງານວິຊາການເຂົ້າຮ່ວມທັງໝົດ 31 ທ່ານ, ຍິງ 15 ທ່ານ.

ຫົວໜ້າພະແນກຍຸຕິທຳແຂວງ ເຊກອງ ລົງຊຸກຍູ້ວຽກງານ ຢູ່ 3 ເມືອງ

ໃນວັນທີ 28-30 ກັນຍາ 2020 ທີ່ຜ່ານມາ ທ່ານ ຄຳບາງ ພະສະແຫວງ ກຳມະການພັກແຂວງ ຫົວໜ້າພະແນກຍຸຕິທຳແຂວງ ເຊກອງ, ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານຮອບດ້ານຢູ່ ເມືອງ ດາກຈຶງ, ເມືອງ ກະລຶມ ແລະ ເມືອງ ທ່າແຕງ ແຂວງ ເຊກອງ.

ຫົວໜ້າພະແນກຍຸຕິທຳແຂວງ ເຊກອງລົງຊຸກຍູ້ວຽກງານຢູ່ເມືອງ ລະມາມ

ທ່ານ ຄໍາບາງ ພະສະແຫວງ ກຳມະການພັກແຂວງ ຫົວໜ້າພະແນກຍຸຕິທໍາແຂວງ ເຊກອງ ພ້ອມດ້ວຍຄະນະ ໄດ້ລົງຊຸກຍູ້ວຽກງານຢູ່ເມືອງ ລະມາມ ໃນວັນທີ 25 ກັນຍາ 2020 ທີ່ຜ່ານມາ ໂດຍການຕ້ອນຮັບຂອງ ທ່ານ ແບສະວົງ ເຮືອງບາຊາຍ ກຳມະການພັກເມືອງ ຫົວໜ້າຫ້ອງການຍຸຕິທຳເມືອງ ລະມາມ ພ້ອມດ້ວຍຄະນະ ແລະ ພະນັກງານ-ລັດຖະກອນພາຍໃນຫ້ອງການຍຸຕິທໍາເມືອງເຂົ້າຮ່ວມ.

ເຜີຍແຜ່ມະຕິ ແລະ ກົດລະບຽບກອງທຶນກຳມະບານແຂວງ ເຊກອງ

ໂດຍປະຕິບັດຕາມແຈ້ງການຂອງສະຫະພັນກຳມະບານແຂວງ ສະບັບເລກທີ 218/ສກຂ, ລົງວັນທີ 10/6/2020 ວ່າດ້ວຍການນຳໃຊ້ກົດລະບຽບກອງທຶນ (ກຊກ) ສະບັບປັບປຸງໃໝ່ ຂອງສະຫະພັນກຳມະບານແຂວງ ເຊກອງ; ພະແນກຍຸຕິທຳແຂວງ ເຊກອງ ຈຶ່ງໄດ້ເປີດກອງປະຊຸມເຜີຍແຜ່ຂຶ້ນໃນວັນທີ 1 ກັນຍາ 2020 ໂດຍການເປັນປະທານຂອງທ່ານ ວົງຄຳ ພອນວັນຍາດ ປະທານກຳມະບານຮາກຖານ, ຫົວໜ້າຂະແໜງໂຄສະນາເຜີຍແຜ່ກົດໝາຍ, ພະແນກຍຸຕິທຳແຂວງ ເຊກອງ; ມີສະມາຊິກກຳມະບານຂອງພະແນກຍຸຕິທຳເຂົ້າຮ່ວມ ທັງໝົດ 30 ທ່ານ, ຍິງ 11 ທ່ານ ເອກກະສານທີ່ນໍາມາເຜີຍແຜ່ ແລະ ເຊື່ອມຊຶມໃນຄັ້ງນີ້ ປະກອບມີກົດລະບຽບ ສະບັບເລກທີ 216/ກບຂ, ລົງວັນທີ 9/6/2020, ວ່າດ້ວຍການປັບປຸງກົດລະບຽບກອງທຶນ ສະໄໝກອງປະຊຸມ ຄັ້ງທີ VI ຂອງສະຫ

Pages