ຂ່າວການເຄື່ອນໄຫວ ແລະ ບົດຄວາມອື່ນໆ

Leave blank for all. Otherwise, the first selected term will be the default instead of "Any".

ຫົວໜ້າພະແນກຍຸຕິທຳແຂວງອັດຕະປື ຕ້ອນຮັບຄະນະຜູ້ແທນຈາກ ພະແນກຍຸຕິທຳແຂວງແທ່ງຮ່ວາ ສສ ຫວຽດນາມ

     ໃນຕອນເຊົ້າຂອງວັນທີ 08 ພຶດສະພາ 2018 ເວລາ 08 ໂມງ 00 ນາທີ ທ່ານ ສີໄລ ສີສະແຫວງສຸກ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ທັງເປັນສະມາຊິກສະພາປະຊາຊົນຂັ້ນແຂວງ ປະຈຳເຂດເລືອກຕັ້ງເມືອງຊານໄຊ ພ້ອມດ້ວຍຄະນະພັກ ຄະນະນຳຂອງພະແນກຍຸຕິທຳ ໄດ້ຕ້ອນຮັບທ່ານ ເລ ວັນ ຮ່າ ກຳມະການພັກແຂວງ ຫົວໜ້າພະແນກຍຸຕິທຳແຂວງແທ່ງຮ່ວາ ພ້ອມດ້ວຍຄະນະມາຈາກ ສ ສ ຫວຽດນາມ  ທີ່ໄດ້ມາຢ້ຽມຢາມ ແລະ ແລກປ່ຽນຖອດຖອນບົດຮຽນຢູ່ ແຂວງອັດຕະປື.

ພະແນກຍຸຕິທຳແຂວງ ແລະ ສູນບໍລິການກົດໝາຍເພື່ອປະຊາຊົນ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ສຳເລັດການລົງໂຄສະນາເຜີຍແຜ່ກົດໝາຍ

       ການລົງໂຄສະນາເຜີຍແຜ່ກົດໝາຍຢູ່ພາຍໃນ 05 ຕົວເມືອງອອ້ມຂ້າງແຂວງອັດຕະປື ໄດ້ດຳເນີນມາແຕ່ວັນທີ 23-27 ເມສາ 2018 ແລະ ສຳເລັດລົງຢ່າງສະຫງ່າງາມ ໃນທ່າມກາງບັນຍາກາດທີ່ທົ່ວພັກ ທົ່ວປວງຊົນລາວພວມສຸມໃສ່ຈັດຕັ້ງປະຕິບັດມະຕິຕົກລົງຂອງກອງປະຊຸມໃຫ່ຍຄັ້ງທີ X ຂອງພັກ ເວົ້າລວມ, ເວົ້າສະເພາະ ແມ່ນການຈັດຕັ້ງປະຕິບັດຄຳແນະນຳຂອງລັດຖະມົນກະຊວງຍຸຕິທຳ ສະບັບເລກທີ 1387/ກຍ ລົງວັນທີ 5 ທັນວາ 2017 ກ່ຽວກັບການຈັດຕັ້ງປະຕິບັດວຽກງານຍຸຕິທຳຮາກຖານປະຈຳປີ 2018, ແຜນພັດທະນາວຽກງານຍຸຕິທຳຄັ້ງທີ IV ຂອງກະຊວງຍຸຕິທຳ ແລະ ແຜນຍຸດທະສາດວຽກງານຍຸຕິທຳຂອງແຂວງອັດຕະປື.

ພະແນກຍຸຕິທຳແຂວງອັດຕະປື ສົມທົບກັບ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດເພື່ອລົງເຄື່ອນໄຫວວຽກງານໂຄສະນາເຜີຍແຜ່ກົດໝາຍ

     ໃນຕອນເຊົ້າຂອງວັນທີ 23 ເມສາ 2018 ເວລາ 8 ໂມງ 00 ນາທີ ທ່ານ ພູວົງ ວິໄລແສງ ຮອງຄະນະບໍດີຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ເປັນຫົວໜ້າທິມງານສູນກົດໝາຍເພື່ອປະຊາຊົນ ໄດ້ເຂົ້າພົບທ່ານ ບຸນຮຽນ ແກ້ວບົດພາດ ຄະນະປະຈຳພັກແຂວງ, ປະທານກວດກາພັກ, ຫົວໜ້າພະແນກກວດກາລັດ, ຫົວໜ້າອົງການຕ້ານການສໍ້ລາດບັງຫຼວງ ທັງເປັນຜູ້ຊີ້ນຳວຽກງານຂົງເຂດຕຸລາການ ແລະ ທ່ານ ສີໄລ ສີສະແຫວງສຸກ ສະມາຊິກສະພາປະຊາຊົນແຂວງ, ເລຂາໜ່ວຍພັກ, ຫົວໜ້າພະແນກຍຸຕິທຳແຂວງອັດຕະປື.

ພະແນກຍຸຕິທຳແຂວງອັດຕະປື ຈັດຕັ້ງພິທີເຊື່ອມຊືມ 03 ເອກະສານທີ່ສຳຄັນ

    ໃນຕອນບ່າຍຂອງວັນທີ 02 ເມສາ 2018 ຢູ່ທີ່ຫ້ອງປະຊຸມພະແນກຍຸຕິທຳແຂວງອັດຕະປື ໄດ້ຈັດພິທີເຊື່ອມຊືມວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 63 ປີ, ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 63 ປີ ແລະ ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 6 ສະໄໝທີ X ໂດຍພາຍໃຕ້ການເປັນປະທານຂອງ ສະຫາຍ ສີໄລ ສີສະແຫວງສຸກ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ພ້ອມດ້ວຍຄະນະພະແນກ, ຫົວໜ້າຂະແໜງ,​ ຮອງຫົວໜ້າຂະແໜງການ ຕະຫຼອດຮອດສະມາຊິກພັກ, ພະນັກງານ-ລັດຖະກອນຂອງພະແນກຍຸຕິທຳ ເຂົ້າຮ່ວມຢ່າງເປັນຂະບວນການອັນຟົດຟື້ນ.

ພິທີປິດຊຸດຝຶກອົບຮົມກົດໝາຍ ລະຍະສັ້ນ 45 ວັນ ຊຸດທີ V ໃຫ້ແກ່ພະນັກງານຫຼັກແຫຼ່ງຂັ້ນແຂວງ ແລະ ຂັ້ນເມືອງຂອງແຂວງອັດຕະປື

    ພິທີປິດການຝຶກອົບຮົມກົດໝາຍ ລະຍະສັ້ນ 45 ວັນ ໄດ້ຈັດຂຶ້ນຢູ່ທີ່ຫ້ອງປະຊຸມສະພາປະຊາຊົນແຂວງອັດຕະປື  ໂດຍການເປັນປະທານຂອງ ທ່ານ ໄຊສີ ສັນຕິວົງ ກຳມະການສູນກາງພັກ, ລັດຖະມົນຕີກະຊວງຍຸຕິທຳ, ເປັນ ກຽດເຂົ້າຮ່ວມໃນພິທີຂອງ ທ່ານ ເລັດ ໄຊຍະພອນ ຮອງເລຂາພັກແຂວງ, ປະທານສະພາປະຊາຊົນແຂວງ, ມີທ່ານຫົວໜ້າຫ້ອງການ, ຫົວໜ້າສະຖາບັນຍຸຕິທຳແຫ່ງຊາດ, ຄະນະພະແນກຍຸຕິທຳແຂວງ, ຄູ, ອາຈານ, ສຳມະນາ ກອນ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.