ຂ່າວການເຄື່ອນໄຫວ ແລະ ບົດຄວາມອື່ນໆ

ແຂວງ ຫົວພັນ ຝຶກອົບຮົມການເຊື່ອມເອົາບົດບາດຍິງ-ຊາຍເຂົ້າໃນວຽກງານການແກ້ໄຂຂໍ້ຂັດແຍ່ງຂັ້ນບ້ານ

Submitted by xaiyphimphone on

          ໃນວັນທີ 16 - 19 ພະຈິກ 2021 ນີ້, ທີມງານຄະນະຮັບຜິດຊອບໂຄງການສ້າງຄວາມເຂັ້ມແຂງໃຫ້ກັບວຽກງານແກ້ໄຂຂໍ້ຂັດແຍ່ງຂັ້ນບ້ານຢູ່ແຂວງ ຫົວພັນ ເຂົ້້າຮ່ວມຝຶກອົບຮົມການເຊື່ອມເອົາບົດບາດຍິງ-ຊາຍເຂົ້າໃນວຽກງານການແກ້ໄຂຂໍ້ຂັດແຍ່ງຂັ້ນບ້ານຂື້ນ ຢູ່ທີ່ຫ້ອງປະຊຸມພະແນກຍຸຕິທຳແຂວງ (ໂດຍຜ່ານລະບົບປະຊຸມອອນລາຍທາງໄກ) ຈັດໂດຍ ອົງການມິດຕະພາບເມັນໂນນາຍ ຕາງໜ້າຄູຝຶກຈາກສະມະຄົມແມ່ຍິງ ແລະ ສຶກສາດ້ານກົດໝາຍ ຊື່ງໄດ້ຮັບທຶນຈາກກອງທຶນລັດຖະບານການາດາ.

ກອງປະຊຸມລາຍງານຄວາມຄືບໜ້າການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ

Submitted by xaiyphimphone on

          ໃນວັນທີ 9 ກໍລະກົດ 2021 ຜ່ານມານີ້. ພະແນກຍຸຕິທໍາແຂວງ ຫົວພັນ ໄດ້ຈັດກອງປະຊຸມລາຍງານຄວາມຄືບໜ້າຂອງການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ ປີທີ 1 ແລະ ທິດທາງແຜນການປະຈຳປີທີ 2 ໄລຍະທີ 2 ຢູ່ທີ່ຫ້ອງປະຊຸມຂອງພະແນກຍຸຕິທຳແຂວງ ໂດຍພາຍໃຕ້ການເປັນປະທານຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳ ມີບັນດາທ່ານຕາງໜ້າຈາກຫ້ອງວ່າການປົກຄອງແຂວງ, ພະແນກການຕ່າງປະເທດ, ສະຫະພັນແມ່ຍິງແຂວງ, ແນວລາວສ້າງຊາດ, ຜູ້ຕາງໜ້າຈາກໂຄງການ ແລະ ຄະນະຮັບຜິດຊອບປະສານງານໂຄງການຂອງພະແນກຍຸຕິທຳເຂົ້າຮ່ວມ.

ໜ່ວຍຊາວໜຸ່ມພະແນກຍຸຕິທຳແຂວງ ຫົວພັນ ສຳເລັດກອງປະຊຸມປະເມີນຜົນ ຂໍ້ແຂ່ງຂັນ 4 ບຸກ ປະຈຳປີ 2020

Submitted by buakhao on

ກອງປະຊຸມປະເມີນຜົນເນື້ອໃນຂໍ້ແຂ່ງຂັນ 4 ບຸກ ປະຈຳປີ 2020 ຂອງໜ່ວຍຊາວໜຸ່ມພະແນກຍຸຕິທໍາແຂວງ ຫົວພັນ ໄດ້ຈັດຂຶ້ນ ວັນທີ 26 ພະຈິກ 2020 ໂດຍການເປັນປະທານຂອງ ສະຫາຍ ຄອນທອງ ຫອມຄອນໄຊ ເລຂາໜ່ວຍຊາວໜຸ່ມພະແນກຍຸຕິທໍາແຂວງ ຫົວພັນ ເປັນກຽດເຂົ້າຮ່ວມຂອງສະຫາຍ ວຽງທອງ ແພງມະນີ ຮອງເລຂາໜ່ວຍພັກ, ຫົວໜ້າຂະແໜງແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຫາຍ ຄຳສະຫວັນ ວັນທານຸພົນ ຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງ ຫົວພັນ ມີຜູ້ຕາງໜ້າຈາກຄະນະບໍລິຫານງານຊາວໜຸ່ມແຂວງ ແລະ ສະມາຊິກຊາວໜຸ່ມພາຍໃນພະແນກຕິທຳແຂວງເຂົ້າຮ່ວມ 23 ສະຫາຍ, ຍິງ 9 ສະຫາຍ.

ພິທີເຊັນສັນຍາຊື້ - ຂາຍໂຄງການພັດທະນາໂຮງແຮມໃນເມືອງ ຊຳເໜືອ

Submitted by buakhao on

ໃນວັນທີ 24 ພະຈິກ 2020 ທີ່ຜ່ານມາ ຢູ່ທີ່ພະແນກຍຸຕິທຳແຂວງ ຫົວພັນ ໄດ້ຈັດພິທີເຊັນສັນຍາຊື້ - ຂາຍໂຄງການພັດທະນາໂຮງແຮມໃນເມືອງ ຊຳເໜືອ ລະຫວ່າງ ທ່ານ ສົມຫວັງ ວົງວິໄລ ຜູ້ອຳນວຍການໃຫຍ່ບໍລິສັດ ຈິດຈະເລີນກໍ່ສ້າງ ຈຳກັດ ແລະ ທ່ານ ສີວິໄລ ພົມມະຈັກ ຜູ້ອຳນວຍການໃຫຍ່ກຸ່ມບໍລິສັດ ພົງສະຫວັນ ຈຳກັດ ໂດຍເປັນກຽດເຂົ້າຮ່ວມເປັນສັກຂີພະຍານ ຂອງທ່ານ ຄຳຜິວ ວົງສະຫວັນ ປະທານແນວລາວສ້າງຊາດແຂວງ ຫົວພັນ, ທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳແຂວງ ຫົວພັນ ມີຜູ້ຕາງໜ້າຈາກພະແນກແຜນການ ແລະ ການລົງທຶນແຂວງ, ບັນດາຮອງຫົວໜ້າ, ວິຊາການ ແລະ ພະນັກງານຂອງສອງບໍລິສັດເຂົ້າຮ່ວມ.

ໜ່ວຍສະຫະພັນແມ່ຍິງພະແນກຍຸຕິທຳແຂວງ ຫົວພັນ ປະເມີນຜົນຂໍ້ແຂ່ງຂັນ 3 ດີ

Submitted by buakhao on

ໃນວັນທີ 24 ພະຈິກ 2020 ທີ່ຜ່ານມາ ໜ່ວຍສະຫະພັນແມ່ຍິງພະແນກຍຸຕິທຳແຂວງ ຫົວພັນ ໄດ້ຈັດກອງປະຊຸມປະເມີນຜົນເນື້ອໃນຂໍ້ແຂ່ງຂັນ 3 ດີປະຈຳປີ 2020 ຂຶ້ນ. ໂດຍການເປັນປະທານຂອງ ສະຫາຍ ນາງ ຕາ ບຸດຊະວົງ ຫົວໜ້າໜ່ວຍສະຫະພັນແມ່ຍິງພະແນກຍຸຕິທຳແຂວງ ຫົວພັນ, ເປັນກຽດເຂົ້າຮ່ວມຂອງສະຫາຍ ວຽງທອງ ແພງມະນີ ຮອງເລຂາໜ່ວຍພັກ, ຫົວໜ້າຂະແໜງແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຫາຍ ນາງ ຈຳມາສອນ ຈໍາປາລາສີ ຕາງໜ້າສະຫະພັນແມ່ຍິງແຂວງ ຫົວພັນ, ມີຜູ້ຕາງຈາກອົງການ ກຳມະບານ, ຊາວໜຸ່ມ ແລະ ສະມາຊິກແມ່ຍິງຂອງພາຍໃນພະແນກເຂົ້າຮ່ວມ 16 ສະຫາຍ, ຍິງ 13 ສະຫາຍ.

ພິທີປິດຊຸດຝຶກອົບຮົມກົດໝາຍ 45 ວັນ ຊຸດທີ 1 ປະຈຳປີ 2020

Submitted by wickyboubphalyvanh on

ວັນທີ 22 ກໍລະກົດ 2020 ຫ້ອງການຍຸຕິທຳເມືອງ ຊຳເໜືອໄດ້ຈັດພິທີປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ເລຂາພັກບ້ານ ແລະ ອໍານາດການປົກຄອງບ້ານພາຍໃນເຂດຫົວຊຽງ ຊຸດທີ 1 ປະຈຳປີ 2020 ຂຶ້ນ ຢູ່ທີ່ຫ້ອງປະຊຸມ ຫ້ອງການຕຳຫຼວດກຸ່ມບ້ານຫົວຊຽງ ໂດຍການເປັນປະທານຂອງ ທ່ານ ທອນສຸກ ເພັດວິຍານ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ຊຳເໜືອ, ເປັນກຽດເຂົ້າຮ່ວມຂອງ ທ່ານ ນາງ ພູເຮືອງ ພົມມະວັນ ຮອງຫົວໜ້າພະແນກຍຸຕິທຳແຂວງ ຫົວພັນ. ມີຄະນະຮັບຜິດຊອບຊຸດຝຶກອົບຮົມ, ຄູອາຈານ, ຫົວໜ້າຫ້ອງການ, ຮອງຫົວໜ້າຫ້ອງການອ້ອມຂ້າງເມືອງ, ເລຂາພັກບ້ານ, ນາຍບ້ານ, ຮອງນາຍບ້ານ ແລະ ນັກຝຶກອົບຮົມເຂົ້າຮ່ວມຢ່າງພ້ອມພຽງ.

ປ້າຍ Tags ຕິດຕາມ: 
ພິທີປິດຊຸດຝຶກອົບຮົມກົດໝາຍ 45 ວັນ ຊຸດທີ 1 ປະຈຳປີ 2020

ພະແນກຍຸຕິທໍາສົມທົບກັບອົງການປົກຄອງເມືອງ ຊຳເໜືອ ແລະ ເມືອງ ວຽງໄຊ ລົງໂຄສະນາເຜີຍແຜ່ກົດໝາຍຢູ່ 2 ເມືອງ

Submitted by wickyboubphalyvanh on

ວັນທີ 15 ຫາ 16 ກໍລະກົດ 2020 ທີ່ຜ່ານມາ ພະແນກຍຸຕິທໍາແຂວງ ຫົວພັນໄດ້ສົມທົບກັບອົງການປົກຄອງເມືອງ ຊຳເໜືອ ແລະ ເມືອງ ວຽງໄຊ ແຂວງ ຫົວພັນ ຈັດພິທີໂຄສະນາເຜີຍແຜ່ກົດໝາຍຂຶ້ນ ຢູ່ທີ່ຫ້ອງວ່າການປົກຄອງເມືອງ ຊໍາເໜືອ ແລະ ເມືອງ ວຽງໄຊ ໂດຍພາຍໃຕ້ການເປັນປະທານຮ່ວມຂອງ ທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທໍາແຂວງ, ທ່ານ ພຸດພັນ ແກ້ວວົງໄຊ ກໍາມະການພັກແຂວງ ເລຂາພັກເມືອງ ເຈົ້າເມືອງ ຊໍາເໜືອ ແລະ ທ່ານ ພອນສຸກ ອິນທະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງ ວຽງໄຊ ມີຄະນະປະຈໍາພັກເມືອງ, ຫົວໜ້າ, ຮອງຫົວໜ້າຫ້ອງການ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ພະນັກງານ-ລັດຖະກອນອ້ອມຂ້າງເມືອງ, ອໍານວຍການໂຮງຮຽນມໍຕົ້ນ, ມໍປາຍ ແລະ ຄະນ

ປ້າຍ Tags ຕິດຕາມ: 
ພະແນກຍຸຕິທໍາສົມທົບກັບອົງການປົກຄອງເມືອງຊຳເໜືອ ແລະ ເມືອງ ວຽງໄຊ ລົງໂຄສະນາເຜີຍແຜ່ກົດໝາຍຢູ່ 2 ເມືອງ

ຫ້ອງການຍຸຕິທຳເມືອງຊຳເໜືອປິດຊຸດຝຶກອົບຮົມກົດໝາຍໄລຍະສັ້ນ 45 ວັນ

Submitted by wickyboubphalyvanh on

ໃນວັນທີ 24 ມັງກອນ 2020 ທີ່ຜ່ານມາ. ຫ້ອງການຍຸຕິທຳເມືອງ ຊຳເໜືອໄດ້ຈັດພິທີປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ຊຸດທີ 2, ປະຈຳປີ 2019 ຂຶ້ນ ຢູ່ທີ່ສະໂມສອນກອງບັນຊາການຕຳຫຼວດເມືອງຊຳເໜືອ ໂດຍການເປັນປະທານຂອງ ທ່ານ ທອນສຸກ ເພັດວິຍານ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ຊຳເໜືອ, ເປັນກຽດເຂົ້າຮ່ວມຂອງທ່ານ ນາງ ພູເຮືອງ ພົມມະວັນ ຮອງຫົວໜ້າພະແນກຍຸຕິທຳແຂວງ ຫົວພັນ. ມີບັນດາທ່ານຄະນະຮັບຜິດຊອບຊຸດຝຶກອົບຮົມ, ຄູອາຈານ, ບັນດາທ່ານຫົວໜ້າຫ້ອງການ, ຮອງຫົວໜ້າຫ້ອງການອ້ອມຂ້າງເມືອງ ແລະ ນັກຝຶກອົບຮົມກົດໝາຍເຂົ້າຮ່ວມຢ່າງພ້ອມພຽງ.

ປ້າຍ Tags ຕິດຕາມ: 
ຫ້ອງການຍຸຕິທຳເມືອງຊຳເໜືອປິດຊຸດຝຶກອົບຮົມກົດໝາຍໄລຍະສັ້ນ 45 ວັນ

ສອງພະແນກຍຸຕິທຳແຂວງ ຫົວພັນ ແລະ ແຂວງ ຊຽງຂວາງ ແລກປ່ຽນບົດຮຽນວຽກງານແກ້ໄຂຂໍ້ຂັດແຍ່ງຂັ້ນບ້ານ

Submitted by wickyboubphalyvanh on

ໃນວັນທີ 16-17 ມັງກອນ 2020 ທີ່ຜ່ານມາ, ພະແນກຍຸຕິທຳແຂວງ ຫົວພັນ ແລະ ພະແນກຍຸຕິທຳແຂວງ ຊຽງຂວາງໄດ້ຈັດກອງປະຊຸມແລກປ່ຽນບົດ ແລະ ທັດສະນະສຶກສາກ່ຽວກັບວຽກງານການແກ້ໄຂຂໍ້ຂັດແຍ່ງຂັ້ນບ້ານ ຂຶ້ນຢູທີ່ ສະໂມສອນບ້ານກາງ ເມືອງ ຊຳເໜືອ ແຂວງ ຫົວພັນ ໂດຍພາຍໃຕ້ການເປັນປະທານຮ່ວມ ຂອງທ່ານ ສົມພອນ ອິນຄະວິໄລ ຫົວໜ້າພະແນກຍຸຕິທຳແຂວງ ຫົວພັນ ແລະ ທ່ານ ທອງດີ ພົນອາສາ ຮອງຫົວໜ້າພະແນກຍຸຕິທຳແຂວງ ຊຽງຂວາງ, ມີບັນດາທ່ານຄະນະຮັບຜິດຊອບໂຄງການ MCC ທັງສອງແຂວງ, ຜູ້ຕາງໜ້າຈາກ 3 ເມືອງ ແລະ 6 ບ້ານເປົ້າໝາຍຂອງແຂວງ ຊຽງຂວາງ, ຜູ້ຕາງໜ້າຈາກບ້ານ ສະເຫຼີ້ຍ ແລະ ບ້ານ ກາງເຂົ້້າຮ່ວມ.

ປ້າຍ Tags ຕິດຕາມ: 
ສອງພະແນກຍຸຕິທຳຫົວພັນ ຊຽງຂວາງ ແລກປ່ຽນບົດຮຽນວຽກງານແກ້ໄຂຂໍ້ຂັດແຍ່ງຂັ້ນບ້ານ

ພະແນກຍຸຕິທຳແຂວງ ຫົວພັນ ລົງຕິດຕາມ ແລະ ປະເມີນຜົນວຽກງານແກ້ໄຂຂໍ້ຂັດແຍ່ງຢູ່ເມືອງ ແລະ ບ້ານ

Submitted by wickyboubphalyvanh on

ລະຫວ່າງວັນທີ 1 ຫາ 11 ກັນຍາ 2019 ທີ່ຜ່ານມາ, ທ່ານ ນາງ ຈ໋າວ ວື ຫົວໜ້າຂະແໜງໂຄສະນາເຜີຍແຜ່ກົດໝາຍ ພ້ອມດ້ວຍຄະນະ ສົມທົບກັບຫ້ອງການຍຸຕິທຳເມືອງ 6 ເມືອງ ລົງຕິດຕາມ ແລະ ປະເມີນຜົນກ່ຽວກັບການຈັດຕັ້ງປະຕິບັດວຽກງານການແກ້ໄຂຂໍ້ຂັດແຍ່ງຂັ້ນເມືອງ ແລະ ໜ່ວຍໄກເກ່ຍຂໍ້ຂັດແຍ່ງຂັ້ນບ້ານ ຊື່ງປະກອບມີ ເມືອງ ແອດ ມີ: ບ້ານ ນາຮ້າ, ບ້ານ ດ່ານ; ເມືອງ ຊຽງຄໍ້ ມີ: ບ້ານ ນາຄ້າງ, ບ້ານ ຊຽງຄໍ້; ເມືອງ ຮ້ຽມ ມີ: ບ້ານ ວຽງທອງ, ບ້ານ ທາດຮ້ຽມ; ເມືອງ ຊ່ອນ ມີ: ບ້ານ ຊ່ອນເໜືອ, ບ້ານ ຊ່ອນໃຕ້; ເມືອງກວັນ ມີ: ບ້ານ ໜອງແຫວນ, ບ້ານ ເມືອງນາ; ເມືອງ ວຽງໄຊມີ: ບ້ານ ປຸງນາຄາວ ແລະ ບ້ານ ຊຽງລວງ.

ປ້າຍ Tags ຕິດຕາມ: 
ພະແນກຍຸຕິທຳແຂວງຫົວພັນ ລົງຕິດຕາມ ແລະ ປະເມີນຜົນວຽກງານແກ້ໄຂຂໍ້ຂັດແຍ່ງຢູ່ເມືອງ ແລະ ບ້ານ

Pages