ຂ່າວການເຄື່ອນໄຫວ ແລະ ບົດຄວາມອື່ນໆ

ພະແນກຍຸຕິທຳແຂວງ ສະຫວັນນະເຂດ ລົງຊຸກຍູ້ວຽກງານຍຸຕິທຳຮາກຖານ

          ໃນລະຫວ່າງວັນທີ 2-6 ສິງຫາ 2021, ພະແນກຍຸຕິທຳແຂວງ ສະຫວັນນະເຂດ ນຳໂດຍ ທ່ານ ມະນິວັນ ແກ້ວພິກຸນ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ວຽກງານການຈັດຕັ້ງ, ວຽກງານຍຸຕິທຳຮາກຖານໃຫ້ບັນດາຫ້ອງການຍຸຕິທຳເມືອງ ຄື : ມ. ອາດສະພອນ ມ. ອາດສະພັງທອງ , ມ. ອຸທຸມພອນ ແລະ ມ. ໄຊບູລີ, ສໍາລັບ ມ. ທ່າປາງທອງ ແມ່ນນຳໂດຍ ທ່ານ ສີສຸກ ເທບທານີ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະ

ພະແນກຍຸຕິທຳແຂວງ ສະຫວັນນະເຂດ ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ

          ໃນວັນທີ 6 ສິງຫາ 2021 ທີ່ຫ້ອງປະຊຸມພະແນກຍຸຕິທຳແຂວງ ໄດ້ຈັດພິທີເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວຂຶ້ນ, ໃຫ້ກຽດເປັນປະທານເຜີຍແຜ່ ໂດຍ ທ່ານ ຄຳສິງ ເພັດໄຊຍະພອນ ກຳມະການໜ່ວຍພັກຮາກຖານພະແນກ, ຮອງຫົວໜ້າພະແນກຍຸຕິທຳແຂວງ ມີບັນດາພະນັກງານ-ລັດຖະກອນຂອງພະແນກຍຸຕິທຳເຂົ້າຮ່ວມນຳລວມທັງໝົດ 35 ທ່ານ, ຍິງ 17 ທ່ານ.

ໂຄສະນາເຜີຍແຜ່ກົດໝາຍ ແລະ ໃຫ້ຄຳປຶກສາທາງດ້ານກົດໝາຍໃຫ້ປະຊາຊົນຢູ່ ສາມ ບ້ານຂອງເມືອງ ອຸທຸມພອນ

          ໃນລະຫວ່າງວັນທີ 03-06/08/2021 ທ່ານ ສູນທອນ ພົມມະຈັກ ຫົວໜ້າຫ້ອງການຍຸຕິທຳເມືອງ ອຸທຸມພອນ ແຂວງ ສະຫວັນນະເຂດ ພ້ອມດ້ວຍຄະນະ ໄດ້ລົງເຄື່ອນໄຫວໂຄສະນາ ແລະ ໃຫ້ຄຳປຶກສາທາງດ້ານກົດໝາຍແບບເຄື່ອນທີ່ຢູ່ບ້ານ ນາຂີ້ເຫຼັກ, ບ້ານ ໂພນຕຸມ ແລະ ບ້ານ ນາຄູ ເມືອງ ອຸທຸມພອນ ມີຄະນະພັກບ້ານ, ນາຍບ້ານ, ປກສ ກຸ່ມບ້ານ, ແລະ ພໍ່ແມ່ປະຊາຊົນ ເຂົ້າຮ່ວມຮັບຟັງຈຳນວນ 225 ຄົນ, ຍິງ 83 ຄົນ.

ພະແນກຍຸຕິທຳແຂວງ ສະຫວັນນະເຂດ ປາຖະກະຖາ ສີ່ ວັນສຳຄັນຂອງຊາດໃຫ້ພະນັກງານສະມາຊິກພັກ

          ໃນວັນທີ 30 ກໍລະກົດ 2021 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ໄດ້ຈັດພິທີປາຖະກະຖາເຫຼົ່າມູນເຊື້ອວັນສຳຄັນຂອງຊາດຂື້ນ ໃຫ້ກຽດເປັນປະທານປາຖະກະຖາໂດຍທ່ານ ມະນີວັນ ແກ້ວພິກຸນ ຮອງເລຂາໜ່ວຍພັກ, ຮອງຫົວໜ້າພະແນກຍຸຕິທຳ ແລະ ທ່ານ ຄຳສິງ ເພັດໄຊຍະພອນ ກຳມະການໜ່ວຍພັກ, ຮອງຫົວໜ້າພະແນກຍຸຕິທຳແຂວງ, ມີບັນດາພະນັກງານ-ລັດຖະກອນຂອງພະແນກຍຸຕິທຳເຂົ້າຮ່ວມນຳລວມທັງໝົດ 35 ທ່ານ, ຍິງ 18 ທ່ານ.

ພະແນກຍຸຕິທຳແຂວງ ສະຫວັນນະເຂດ ເອົາໃຈໃສ່ຊຸກຍູ້ວຽກງານການຈັດຕັ້ງ ແລະ ວຽກງານຍຸຕິທຳຮາກຖານໃຫ້ບັນດາຫ້ອງການຍຸຕິທຳເມືອງ 14 ເມືອງ ແລະ 01 ນະຄອນ

          ໃນລະຫວ່າງວັນທີ 27-30 ກໍລະກົດ 2021 ທ່ານ ສີສຸກ ເທບທານີ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ວຽກງານການຈັດຕັ້ງ ແລະ ວຽກງານຍຸຕິທຳຮາກຖານໃຫ້ຫ້ອງການຍຸຕິທຳນະຄອນ ໄກສອນພົມວິຫານ, ຫ້ອງຍຸຕິທຳເມືອງ ສອງຄອນ ແລະ ຫ້ອງການຍຸຕິທຳເມືອງ ໄຊພູທອງ.

ພະແນກຍຸຕິທຳແຂວງ ສະຫວັນນະເຂດ ສຳເລັດການລົງຊຸກຍູ້ວຽກງານການຈັດຕັ້ງ ແລະ ວຽກງານຍຸຕິທຳຮາກຖານໃຫ້ຫ້ອງການຍຸຕິທຳເມືອງໄດ້ 5 ເມືອງ

          ໃນລະຫວ່າງວັນທີ 19-23 ກໍລະກົດ 2021, ທ່ານ ຄໍາສິງ ເພັດໄຊຍະພອນ ຮອງຫົວໜ້າພະແນກຍຸຕິທຳແຂວງ ພ້ອມດ້ວຍຄະນະໄດ້ລົງເຄື່ອນໄຫວປັບປຸງວຽກງານການຈັດຕັ້ງ, ພ້ອມທັງຕິດຕາມ ແລະ ຊຸກຍູ້ວຽກງານຍຸຕິທຳຮາກຖານໃຫ້ບັນດາຫ້ອງການຍຸຕິທຳເມືອງ 5 ເມືອງ ຄື : ເມືອງ ນອງ, ມ ເຊໂປນ, ມ ວິລະ, ມ ພິີນ ແລະ ມ ພະລານໄຊ.

ພະແນກຍຸຕິທຳແຂວງສະຫວັນນະເຂດ ເຊື່ອມຊຶມ ແລະ ຜັນຂະຫຍາຍເອກະສານສຳຂອງພັກໃຫ້ພະນັກງານລັດຖະກອນ

          ໃນຄັ້ງວັນທີ 8 ກໍລະກົດ 2021 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ໄດ້ຈັດພິທີເຊື່ອມຊຶມຜັນຂະຫຍາຍເອກະສານສຳຄັນຂອງພັກຂຶ້ນ ໂດຍການເປັນປະທານຮ່ວມຂອງທ່ານ ມະນີວັນ ແກ້ວພິກຸນ ຮອງເລຂາໜ່ວຍພັກ-ຮອງຫົວໜ້າພະແນກຍຸຕິທຳແຂວງ, ມີ ທ່ານ ຄຳສິງ ເພັດໄຊຍະພອນ ກຳມະການພັກ ຮອງຫົວໜ້າພະແນກຍຸຕິທຳແຂວງ, ພ້ອມດ້ວຍສະມາຊິກພັກ, ພະນັກງານ-ລັດຖະກອນເຂົ້າຮ່ວມຮັບຟັງຈຳນວນ 34 ທ່ານ, ຍິງ 16 ທ່ານ.

ພະແນກຍຸຕິທຳແຂວງ ສະຫວັນນະເຂດ ຈັດພິທີປາຖະກະຖາ ສອງວັນສຳຄັນຂອງຊາດ.

          ໃນຕອນເຊົ້າຂອງວັນທີ 1 ເມສາ 2021 ຢູ່ທີ່ຫ້ອງປະຊຸມພະແນກຍຸຕິທຳແຂວງ ສະຫວັນນະເຂດ ໄດ້ຈັດພິທີປາຖະກະຖາວັນສ້າງຕັ້ງພັກປະຊາຊົນ ປະຕິວັດລາວ ແລະ ວັນຄຽດແຄ້ນຂອງປະຊາຊົນລາວ ໃຫ້ພະນັກງານ-ລັດຖະກອນພາຍໃນພະແນກຍຸຕິທຳແຂວງ ໂດຍການເປັນປະທານຂື້ນປາຖະກະຖາຂອງ ທ່ານ ຄຳສິງເພັດ ໄຊຍະພອນ ຮອງຫົວໜ້າພະແນກຍຸຕິທຳແຂວງ, ມີບັນດາພະນັກງານ-ລັດຖະກອນຂອງພະແນກຍຸຕິທຳ ແລະ ນັກສຶກສາຝຶກງານຈາກສະຖາບັນຍຸຕິທຳແຫ່ງຊາດ ສາຂາແຂວງ ສະຫວັນນະເຂດເຂົ້າຮ່ວມນຳລວມທັງໝົດ 39 ທ່ານ, ຍິງ 18 ທ່ານ.

ເປີດຊຸດຝຶກອົບຮົມ ວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານແກ້ໄຂຂໍ້ຂັດແຍ່ງຂັ້ນບ້ານ ທີ່ແຂວງ ສະຫວັນນະເຂດ

      ຢູ່ທີ່ພະແນກຍຸຕິທຳແຂວງ ສະຫວັນນະເຂດ ໃນວັນທີ 22 ມີນາ 2021 ກົມສົ່ງເສີມລະບົບຍຸຕິທຳ ກະຊວງຍຸຕິທຳ ຮ່ວມກັບພະແນກຍຸຕິທຳແຂວງ ສະຫວັນນເຂດ ໄດ້ເປີດຊຸດຝຶກອົບຮົມ ວຽກງານຊ່ວຍເຫຼືອທາງດ້ານກົດໝາຍ ແລະ ວຽກງານແກ້ໄຂຂໍ້ຂັດແຍ່ງຂັ້ນບ້ານຂຶ້ນ ພາຍໃຕ້ການເປັນປະທານຮ່ວມຂອງ ທ່ານ ສີສຸກ ເທບທານີ ຮອງຫົວໜ້າພະແນກຍຸຕິທຳແຂວງ ແລະ ທ່ານ ສີສຸພັນ ທອງສາຍທາລາ ຮອງຫົວໜ້າກົມ ສົ່ງເສີມລະບົບຍຸຕິທຳ.

ພະແນກຍຸຕິທຳແຂວງ ສະຫວັນນະເຂດ ສະຫຼຸບປິດ ແລະ ມອບ-ຮັບໃບຢັ້ງຢືນບໍາລຸງກົດໝາຍຂັ້ນພື້ນຖານ 45 ວັນຊຸດທີ VIII ປີ 2020

ໃນຕອນເຊົ້າຂອງວັນທີ 15 ທັນວາ 2020 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທຳແຂວງ ໄດ້ມີພິທີປິດການຮຽນ-ການສອນ ແລະ ມອບໃບຢັ້ງຢືນ ໃຫ້ນັກຝຶກອົບຮົມຈົບຫຼັກສູດກົດໝາຍ ຂັ້ນພື້ນຖານ ລະບົບບຳລຸງ 45 ວັນ ຊຸດທີ VIII ໃຫ້ພະນັກງານຫຼັກແຫຼ່ງຂັ້ນເມືອງ, ນະຄອນ ແລະ ແຂວງ ສົກປີ 2020, ໃຫ້ກຽດເຂົ້າຮ່ວມເປັນປະທານ ແລະ ມອບໃບຢັ້ງຢືນຂອງ ທ່ານ ກົງແກ້ວ ມີວໍລະຈັກ ຮອງເລຂາພັກແຂວງ, ໃນພິທີມີບັນດາແຂກ-ຄູອາຈານ ອ້ອມຂ້າງແຂວງ ແລະ ຝຶກອົບຮົມ ເຂົ້າຮ່ວມທັງໝົດ 70 ທ່ານ, ຍິງ 11 ທ່ານ.

Pages