ຂ່າວການເຄື່ອນໄຫວ ແລະ ບົດຄວາມອື່ນໆ

ນາຍ ແລະ ພົນທະຫານກອງບັນຊາການ ປກຊ ແຂວງ ບໍ່ແກ້ວໄດ້ຮັບຟັງການໂຄສະນາເຜີຍແຜ່ນິຕິກຳ

          ໃນວັນທີ 4 ກຸມພາ 2021 ຢູ່ທີ່ສະໂມສອນຂອງກອງບັນຊາການທະຫານແຂວງ ບໍ່ແກ້ວ ໄດ້ຈັດພິທີໂຄສະນາເຜີຍແຜ່ນິຕິກຳ ໃຫ້ກອງບັນຊາການທະຫານແຂວງ ບໍ່ແກ້ວ ໂດຍການເປັນປະທານຮ່ວມຂອງ ທ່ານ ວິພົງ ບົວອາໄພ ຮອງຫົວໜ້າພະແນກຍຸຕິທຳແຂວງ ແລະ ທ່ານ ພັ.ທ ເນັງສີດາ ເບຼຍລີມົວ ຫົວໜ້າຫ້ອງການບັນຊາ ກອງບັນຊາການທະຫານແຂວງ ມີ ຄະນະພັກ, ຄະນະບັນຊາ, ຫົວໜ້າພະແນກ, ຮອງພະແນກ, ນາຍ ແລະ ພົນທະຫານເຂົ້າຮ່ວມທັງໝົດຈຳນວນ 80 ທ່ານ, ຍິງ 10 ທ່ານ.

ສະມາຊິກກຳມະບານຂອງພະແນກຍຸຕິທຳແຂວງ ບໍ່ແກ້ວ ສ້າງຂະບວນການແຂ່ງຂັນກິລາເປຕັງ.

          ກຳມະບານຮາກຖານ ພະແນກຍຸຕິທຳແຂວງ ບໍ່ແກ້ວ ໄດ້ຈັດການແຂ່ງຂັນກິລາເປຕັງຂຶ້ນ ໃນວັນທີ 29 ມັງກອນ 2021  ໃຫ້ກຽດເຂົ້າຮ່ວມໂດຍ ທ່ານ ຄໍາຫຼ້າ ອຸດທະຍອດ ຫົວໜ້າພະແນກຍຸຕິທໍາແຂວງ ບໍ່ແກ້ວ, ມີຄະນະພັກ, ຄະນະພະແນກ, ປະທານກຳມະບານຮາກຖານພະແນກຍຸຕິທຳ, ພ້ອມດ້ວຍສະມາຊິກກຳມະບານພາຍໃນພະແນກຍຸຕິທຳຍຸຕິທຳເຂົ້າຮ່ວມຢ່າງພ້ອມພຽງ.

ກໍາມະບານຮາກຖານພະແນກຍຸຕິທຳແຂວງ ບໍ່ແກ້ວ ປາຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 65 ປີ

          ໃນຕອນບ່າຍຂອງວັນທີ 28 ມັງກອນ 2021 ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງສະຫະພັນກຳມະບານລາວ ຄົບຮອບ 65 ປີ ( 01 ກຸມພາ 1965 – 01 ກຸມພາ 2021 ) ເຜີຍແຜ່ຜົນສໍາເລັດຂອງກອງປະຊຸມໃຫຍ່ຜູ້ແທນກຳມະບານແຂວງ ບໍ່ແກ້ວ ຄັ້ງທີ VIII ແລະ ການຍ້ອງຍໍ ປະຈໍາປີ 2019. ພາຍໃຕ້ການເປັນປະທານຂອງທ່ານ ສຸລິເດດ ບັນດາກອນ ຮອງຫົວໜ້າພະແນກຍຸຕິທຳແຂວງ ປະທານສະຫະພັນກໍາມະບານຮາກຖານພະແນກຍຸຕິທຳແຂວງ ມີສະມາຊິກກຳມະບານພາຍໃນພະແນກຍຸຕິທຳເຂົ້າຮ່ວມທັງໝົດ 29 ທ່ານ, ຍິງ 14 ທ່ານ.

ບ້ານ ນໍ້າແສວ ເມືອງ ຫ້ວຍຊາຍ ແຂວງ ບໍ່ແກ້ວ ປະກາດບ້ານແບບຢ່າງປະຕິບັດກົດໝາຍ

          ໃນຕອນເຊົ້າຂອງວັນທີ 20 ມັງກອນ 2021 ຜ່ານມານີ້ ຢູ່ທີ່ຫໍປະຊຸມບ້ານ ນໍ້າແສວ ເມືອງ ຫ້ວຍຊາຍ ແຂວງ ບໍ່ແກ້ວ ໄດ້ຈັດພິທີປະກາດເປັນບ້ານແບບຢ່າງປະຕິບັດກົດໝາຍຂຶ້ນ ພາຍໃຕ້ການເປັນປະທານຂອງທ່ານ ບຸນຄົງ ວົງຄຳຈັນ ຮອງເລຂາພັກເມືອງ, ປະທານກວດກາພັກ, ປະທານອົງການກວດກາລັດ ມີທ່ານ ອຳພອນ ລໍມີໄຊ ກຳມະການພັກເມືອງ ຜູ້ຊີ້ນຳກຸ່ມ, ທ່ານ ວິໄລສັກ ເພັດມະໄລແສງ ຫົວໜ້າຫ້ອງການຍຸຕິທຳເມືອງ ຫ້ວຍຊາຍ, ຄະນະພັກຮາກຖານບ້ານ, ຄະນະແກ້ໄຂຂໍ້ຂັດແຍ່ງຂັ້ນບ້ານ, ຄະນະຮັບຜິດຊອບ ແຂກຖຶກເຊີນ ແລະ ພໍ່,ແມ່ ປະຊາຊົນພາຍໃນບ້ານເຂົ້າຮ່ວມທັງໝົດ 96 ທ່ານ, ຍິງ 48 ທ່ານ.

ເມືອງ ເມິງ ຈັດພິທີມອບໃບຢັ້ງຢືນຄອບຄົວແບບຢ່າງປະຕິບັດກົດໝາຍ ປະຈຳປີ 2020

          ໃນລະຫວ່າງວັນທີ 12-14 ມັງກອນ 2021 ຜ່ານມານີ້, ເມືອງ ເມິງ ແຂວງ ບໍ່ແກ້ວ ໄດ້ຈັດພິທີມອບໃບຢັ້ງຢືນຄອບຄົວແບບຢ່າງປະຕິບັດກົດໝາຍ ປະຈຳປີ 2020 ໃຫ້ແກ່ 5 ບ້ານ ຂອງກຸ່ມນ້ຳເມິງ ຄື: ບ້ານ ນ້ຳເມິງ, ບ້ານ ລາດຄູນເມືອງ, ບ້ານ ໂພນສະຫວ່າງ, ບ້ານ ຫ້ວຍທາດ ແລະ ບ້ານ ໂພນຈະເລີນ.

ພະແນກຍຸຕິທໍາແຂວງ ບໍ່ແກ້ວສ້າງຂະບວນການຕ້ອນຮັບກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງສູນກາງພັກປະຊາຊົນປະຕິວັດລາວ

          ໃນວັນທີ 13 ມັງກອນ 2021 ພະແນກຍຸຕິທໍາແຂວງ ບໍ່ແກ້ວ ໄດ້ສ້າງຂະບວນການອອກແຮງງານລວມອະນາໄມຖາງຫຍ້າ, ເກັບມ້ຽນຂີ້ເຫຍື້ອ, ຕາມຂອບເຂດຄວາມຮັບຜິດຊອບຂອງຕົນ. ນຳພາໂດຍ ທ່ານ ສຸລິເດດ ບັນດາກອນ ຮອງຫົວໜ້າພະແນກ ແລະ ພະນັກງານ-ລັດຖະກອນ ພາຍໃນພະແນກຍຸຕິທໍາເຂົ້າຮ່ວມຢ່າງເປັນຂະບວນການຟົດຟຶ້ນ.

ເມືອງ ຜາອຸດົມ ຮັບຮອງເອົາຄອບຄົວ ແລະ ບ້ານໃໝ່ ເປັນບ້ານແບບຢ່າງປະຕິບັດກົດໝາຍ

ພີທີປະກາດ-ຮັບຮອງເອົາຄອບຄົວ ແລະ ບ້ານໃໝ່ ເປັນບ້ານແບບຢ່າງປະຕິບັດກົດໝາຍ. ໄດ້ຈັດຂື້ນໃນຕອນເຊົ້າຂອງວັນທີ 29 ທັນວາ 2020 ທີ່ຜ່ານມາ ຢູ່ທີ່ໂຮງຮຽນມັດທະຍົມຕອນຕົ້ນ ບ້ານໃໝ່ ເມືອງ ຜາອຸດົມ ແຂວງ ບໍ່ແກ້ວ . ເປັນກຽດເຂົ້າຮ່ວມໃນພິທີ ມີທ່ານ ສົມຈິດ ງາສານກອງ ກຳມະການພັກເມືອງ ຫົວໝ້າຫ້ອງການຍຸູຕິທຳເມືອງ, ທ່ານເພັດສະໝອນ ແພງມະລົມສີ ກຳມະການພັກເມືອງ ມີ ທ່ານ ພັນແສງ ພົມປັນຍາ ເລຂາຄະນະພັກຮາກຖານກຸ່ມບ້ານໃໝ່, ຫົວໜ້າອົງການໄອຍະການປະຊາຊົນເຂດ 2, ເມືອງ ຜາອຸດົມ ແຂວງ ບໍ່ແກ້ວ ມີອຳນາດການປົກຄອງບ້ານ, ພະນັກງານກໍ່ສ້າງຮາກຖານກຸ່ມ ພ້ອມດ້ວຍຄູ-ອາຈານຕະຫຼອດຮອດພໍ່ແມ່ປະຊາຊົນພາຍໃນບ້ານເຂົ້າຮ່ວມ.

ໜ່ວຍພັກ ພະແນກຍຸຕິທຳແຂວງບໍ່ແກ້ວດຳເນີນຊີວິດການເມືອງ ປະຈຳປີ 2020

ໃນວັນທີ 28-29 ທັນວາ 2020 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໄດ້ເປີດກອງປະຊຸມບັ້ນດໍາເນີນຊີວິດການເມືອງຂອງຕົນຂຶ້ນ ພາຍໃຕ້ການເປັນປະທານຂອງ ສະຫາຍ ຄໍາຫຼ້າ ອຸດທະຍອດ ກໍາມະການພັກແຂວງ ເລຂາໜ່ວຍພັກພະແນກຍຸຕິທໍາແຂວງ, ຮອງເລຂາໜ່ວຍພັກ, ສະມາຊິກພັກສົມບູນ, ສໍາຮອງ, ຕາງໜ້າຈາກຄະນະກວດກາພັກ-ລັດແຂວງ ເຂົ້າຮ່ວມທັງໝົດ 17 ສະຫາຍ, ຍິງ 7 ສະຫາຍ.

ໂຄງການກໍ່ສ້າງຮ່ວມໃຈພັດທະນາສວນສາທາລະນະສ້າງຂະບວນການອອກແຮງງານລວມທີ່ ແຂວງ ບໍ່ແກ້ວ

ໃນວັນທີ 18 ທັນວາ 2020 ທີ່ຜ່ານມານີ້ ໂຄງການກໍ່ສ້າງຮ່ວມໃຈພັດທະນາສວນສາທາລະນະອານຸສອນສະຖານ ປະທານ ໄກສອນ ພົມວິຫານ ສະໂມສອນແຂວງ ປະກອບດ້ວຍພະແນກຍຸຕິທຳ, ສານປະຊາຊົນ ແລະ ອົງການໄອຍະການປະຊາຊົນແຂວງ ບໍ່ແກ້ວ ໄດ້ນຳພາພະນັກງານ-ລັດຖະກອນ ອອກແຮງງານລວມ ນຳພາໂດຍ ທ່ານ ຄຳຫຼ້າ ອຸດທະຍອດ ຫົວໜ້າພະແນກຍຸຕິທຳແຂວງບໍ່ແກ້ວ.

ແຂວງບໍ່ແກ້ວປິດຊຸດຝຶກອົບຮົມ ກົດໝາຍ ລະບົບບຳລຸງ 45 ວັນ, ຊຸດທີ I ປີ 2020

ໃນວັນທີ 17 ທັນວາ 2020  ຜ່ານມານີ້ ຢູ່ທີ່ສູນຝຶກອົບຮົມ ເມືອງ ຫ້ວຍຊາຍ, ແຂວງ ບໍ່ແກ້ວ ໄດ້ຈັດພິທີປິດການຮຽນ-ການສອນ ກົດໝາຍຂັ້ນພື້ນຖານ ລະບົບບຳລຸງ 45 ວັນ ຊຸດທີ I ປະຈຳປີ 2020 ຂຶ້ນ ໂດຍການເປັນປະທານຂອງ ທ່ານ ຈອມສີ ລັດຕະນະປັນ ຮອງເຈົ້າແຂວງ ບໍ່ແກ້ວ, ມີບັນດາຄະນະປະຈໍາ, ກຳມະການພັກເມືອງ, ຄະນະຮັບຜິດຊອບການຝຶກອົບຮົມຂັ້ນແຂວງ, ເມືອງ, ຄະນະຄູຝຶກ, ແຂກຖືກເຊີນ ພະນັກງານວິຊາການຫ້ອງການທີ່່ກ່ຽວຂ້ອງ ແລະ ນັກຝຶກອົບຮົມເຂົ້າຮ່ວມ ທັງໝົດ 75 ທ່ານ, ຍິງ 15 ທ່ານ.

Pages