ວັນທີ 13 ມີນາ 2019 ຜ່ານມານີ້ ສະຖາບັນຍຸຕິທໍາ 3 ພາກໄດ້ຈັດກອງປະຊຸມກ່ຽວກັບວຽກງານການເງິນ ຂອງສະຖາບັນຍຸຕິທໍາແຫ່ງຊາດ ແລະ ສະຖາບັນຍຸຕິທໍາ ບັນດາພາກ ປະຈໍາໄຕມາດ I ຂຶ້ນ ຢູ່ທີ່ສະຖາບັນຍຸຕິທໍາພາກເໜືອ ໂດຍການເປັນປະທານຮ່ວມຂອງ ທ່ານ ຄໍາພອນ ສີປະເສີດ ຫົວໜ້າຫ້ອງການກະຊວງຍຸຕິທໍາ ແລະ ທ່ານ ບຸນຕາ ສ. ຜາບມີໄຊ ຫົວໜ້າສະຖາບັນຍຸຕິທໍາແຫ່ງຊາດ, ມີບັນດາຫົວໜ້າສະຖາບັນຍຸຕິທໍາພາກ ພ້ອມດ້ວຍພະນັກງານການເງິນ ຊຶ່ງມີຜູ້ເຂົ້າຮ່ວມທັງໝົດ 47 ທ່ານ ຍິງ 28 ທ່ານ.

ຕອນເຊົ້າວັນທີ 15 ກຸມພາ 2019 ສະຖາບັນຍຸຕິທໍາ ພາກເໜືອ ໄດ້ຕ້ອນຮັບການມາຢ້ຽມຢາມ ແລະ ແລກປ່ຽນບົດຮຽນທາງດ້ານກົດໝາຍ ຈາກຄະນະຄູ-ອາຈານຂອງໂຮງຮຽນກົດໝາຍສາກົນຮັ່ນດ໋ອງ ປະເທດ ສ. ເກົາຫຼີ ຊຶ່ງນໍາພາ ໂດຍທ່ານ ຈົງຊູ ພາກ ຮອງຄະນະບໍດີຝ່າຍວິຊາການໂຮງຮຽນກົດໝາຍສາກົນຮັ່ນດ໋ອງ; ພ້ອມດ້ວຍຄະນະຄູ-ອາຈານ ແລະ ນັກສຶກສາປະລິນຍາເອກ ສາຂາກົດໝາຍອາເມລິກາ ຈໍານວນ 6 ທ່ານ, ຍິງ 5 ທ່ານ.

ໃນຕອນເຊົ້າວັນທີ 7 ມັງກອນ 2019 ຢູ່ທີ່ສະຖາບັນຍຸຕິທຳແຫ່ງຊາດ ໄດ້ເປີດຊຸດຝຶກອົບຮົມວຽກງານສື່ມວນຊົນຂຶ້ນ ໂດຍພາຍໃຕ້ການເປັນປະທານຂອງ ທ່ານ ໄພວີ ສີບົວລິພາ ຮອງລັດຖະມົນຕີກະຊວງຍຸຕິທຳ, ມີບັນດາທ່ານຫົວໜ້າກົມ, ຫົວໜ້າສະຖາບັນຍຸຕິທຳແຫ່ງຊາດ, ຮອງກົມ, ຫົວໜ້າພະແນກຍຸຕິທຳນະຄອນຫຼວງ, ຮອງຫົວໜ້າພະແນກສະຖາບັນສື່ມວນຊົນ ກະຊວງຖະແຫຼ່ງຂ່າວ, ວັດທະນາທຳ ແລະ ທ່ອງທ່ຽວ, ຜູ້ຕາງໜ້າກົມ, ບັນດາຄູ-ອາຈານພ້ອມດ້ວຍນັກຝຶກອົບຮົມເຂົ້າຮ່ວມທັງໝົດຈຳນວນ 50 ທ່ານ, ຍິງ 11 ທ່ານ.

ອີງຕາມ ແຈ້ງການແນະນຳຂອງຄະນະບໍລິຫານງານຊາວໜຸ່ມກະຊວງຍຸຕິທຳ ສະບັບເລກທີ 161/ຄຊປປລາວ.ກຍ, ລົງວັນທີ 24 ຕຸລາ 2018 ຄະນະຊາວໜຸ່ມຮາກຖານ ສະຖາບັນຍຸຕິທໍໍາແຫ່ງຊາດ ກະຊວງຍຸຕິທຳ ໄດ້ຈັດກອງປະຊຸມເຜີຍແຜ່ເອກະສານ ແລະ ແນະນຳການປະຕິບັດການປະເມີນຂໍ້ແຂ່ງຂັນ 4 ບຸກ ປະຈຳປີ 2018 ຂຶ້ນ ໃນຕອນເຊົ້າຂອງວັນທີ 9 ພະຈິກ 2018 ໂດຍການເປັນປະທານຂອງ ສະຫາຍ ລິດຕະພອນ ພູມມາແກ້ວ ເລຂາຄະນະຊາວໜຸ່ມຮາກຖານ ສະຖາບັນຍຸຕິທຳແຫ່ງຊາດ, ມີສະຫາຍຮອງເລຂາ ພ້ອມດ້ວຍສະມາຊິກຊາວໜຸ່ມຮາກຖານ ສະຖາບັນຍຸຕິທຳແຫ່ງຊາດເຂົ້າຮ່ວມ 54 ທ່ານ, ຍິງ 18 ທ່ານ.