ຂ່າວການເຄື່ອນໄຫວ ແລະ ບົດຄວາມອື່ນໆ

ຮອງຫົວໜ້າກົມສົ່ງເສີມລະບົບຍຸຕິທຳລົງຕິດຕາມ, ຊຸກຍູ້ ວຽກງານໂຄງການທົດລອງປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ຢູ່ແຂວງ ສະຫວັນນະເຂດ.

ໃນລະຫວ່າງວັນ 09-12 ກໍລະກົດ 2019 ຜ່ານມານີ້ ທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ ກະຊວງຍຸຕິທຳ ພ້ອມດ້ວຍຄະນະ ຮ່ວມກັບອົງການຢູນິເຊັບ (UNICEF) ໄດ້ລົງຕິດຕາມ, ຊຸກຍູ້ ວຽກງານໂຄງການທົດລອງການປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ຢູ່ແຂວງ ສະຫວັນນະເຂດ ຫົວໜ້າຄະນະລົງຕິດຕາມໃນຄັ້ງນີ້ແມ່ນ ທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ນາງ ຈອນສີ ຄຳດອກທອງ ຫົວໜ້າພະແນກທະບຽນຄອບຄົວ ແລະ ຍຸຕິທຳເດັກ, ຜູ້ຕາງໜ້າອົງການຢູນິເຊັບ ປະຈຳ ສປປ ລາວ ພ້ອມດ້ວຍຄະນະຮັບຜິດຊອບຂັ້ນແຂວງ, ຂັ້ນເມືອງ, ນະຄອນ.

ກົມສົ່ງເສີມລະບົບຍຸຕິທຳເປີດຝຶກອົບຮົມວຽກງານແກ້ໄຂຂໍ້ຂັດແຍ່ງຂັ້ນບ້ານ ແລະ ວຽກງານຊ່ວຍເຫຼືອທາງດ້ານກົດໝາຍ ທີ່ແຂວງອຸດົມໄຊ

ກົມສົ່ງເສີມລະບົບຍຸຕິທຳ, ກະຊວງຍຸຕິທຳ ໂດຍການສະໜັບສະໜູນຂອງອົງການມູນນິທິເອເຊຍປະຈຳ ສປປ ລາວ ໄດ້ເປີດຊຸດຝຶກອົບຮົມຄູຝຶກວຽກງານການແກ້ໄຂຂໍ້ຂັດແຍ່ງຂັ້ນບ້ານ ແລະ ວຽກງານຊ່ວຍເຫຼືອທາງດ້ານກົດໝາຍຂຶ້ນ ໃນວັນທີ 17 ທັນວາ 2018 ທີ່ຫ້ອງປະຊຸມພະແນກຍຸຕິທຳແຂວງອຸດົມໄຊ ໂດຍການເປັນປະທານຮ່ວມຂອງ ທ່ານ ວິກອນ ບຸນວິໄລ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ຄຳແສນ ຊາວມົ້ງວື້ ຫົວໜ້າພະແນກຍຸຕິທຳແຂວງອຸດົມໄຊ, ແລະ ທ່ານ ນາງ ວາດສະໜາ ສິນທະວົງ ພ້ອມດ້ວຍນັກຝຶກອົບຮົມທັງໝົດ 33 ທ່ານ, ຍິງ 6 ທ່ານ ຊຶ່ງມາຈາກ ພະແນກຍຸຕິທຳແຂວງ ແລະ ບັນດາຫ້ອງການຍຸຕິທຳເມືອງ.

ໂຄງການທົດລອງການປ້ອງກັນ ແລະ ການແກ້ໄຂການກະທຳຜິດຂອງເດັກຢູ່ນະຄອນຫຼວງໄກສອນພົມວິຫານ ໄດ້ຮັບການຝຶກອົບຮົມ

    ໃນວັນທີ 4 ທັນວາ 2018 ກົມສົ່ງເສີມລະບົບຍຸຕິທໍາ, ກະຊວງຍຸຕິທຳ ໂດຍການສະໜັບສະໜູນຂອງອົງການສະຫະປະຊາຊາດສຳລັບເດັກ (ຢູນິເຊັບ) ໄດ້ເປີດຊຸດຝຶກອົບຮົມວຽກງານໂຄງການທົດລອງການປ້ອງກັນ ແລະ ແກ້ໄຂການກະທຳຜິດຂອງເດັກໂດຍບໍ່ສົ່ງໃຫ້ສານຕັດສີນ ທີ່ຫ້ອງປະຊຸມພະແນກຍຸຕິທຳແຂວງສະຫວັນນະເຂດ ໂດຍການເປັນກຽດເຂົ້າຮ່ວມເປັນປະທານຂອງທ່ານ ສີສຸພັນ ທອງສາຍທະລາ ຮອງຫົວໜ້າກົມສົ່ງເສີມລະບົບຍຸຕິທຳ, ທ່ານ ອຸໄພວັນ ໄຊຍະວົງ ຫົວໜ້າພະແນກຍຸຕິທຳແຂວງສະຫວັນນະເຂດ ແລະ ທ່ານ ນາງ ຈອນສີ ຄຳດອກທອງ ຫົວໜ້າພະແນກທະບຽນຄອບຄົວ ແລະ ຍຸຕິທຳເດັກ ກົມສົ່ງເສີມລະບົບຍຸຕິທຳ ກະຊວງຍຸຕິທຳ ພ້ອມດ້ວຍນັກຝຶກອົບຮົມທັງໝົດ 30 ທ່ານ, ຍິງ 5 ທ່ານ ຊຶ່ງມາຈາກ ພະແນກຍຸຕິທຳແຂວງ, ຫ້ອ

ໜ່ວຍຊາວໜຸ່ມ ກົມສົ່ງເສີມລະບົບຍຸຕິທຳ ກະຊວງຍຸຕິທຳ ລະດົມທຶນ ແລະ ມອບເຄື່ອງຊ່ວຍເຫຼືອໃຫ້ຜູ້ປະສົບໄພນ້ຳຖ້ວມ ແລະ ຊ່ວຍເຫຼືອສັງຄົມ

    ໂດຍ​ອີງ​ຕາມ​ແຈ້ງ​ການ ສະບັບ​​ເລກ 74/ກຍ.ຄຊປປລ, ລົງ​ວັນ​ທີ 08 ທັນວາ 2017 ວ່າ​ດ້ວຍ​ການ​ປຸກລະດົມ​ວັດຖຸ​ປັດ​ໄຈ​ເພື່ອ​ຊ່ວຍ​ເຫຼືອຜູ້​ປະສົບ​ໄພ​ນ້ຳ​ຖ້ວມ​ຢູ່ ສສ ຫວຽດນາມ ​ແລະ ຕ້ານ​ໄພ​ໜາວຢູ່​ເຂດ​ຫ່າງ​ໄກ​ສອກຫຼີກ ຢູ່ ສປປ ລາວ ​ແລະ ອີງ​ຕາມ​ແຈ້ງ​ການ​​ກ່ຽວກັບ ການ​ຮ່ວມ​ປະກອບສ່ວນ​ບໍລິຈາກ​ເຄື່ອງນຸ່ງຫົ່ມ ​ແລະ ອຸປະກອນ​ຮັບ​ໃຊ້ ​ເພື່ອ​ຊ່ວຍ​ເຫຼືອສັງຄົມ.

ໜ່ວຍກຳມະບານ ກົມສົ່ງເສີມລະບົບຍຸຕິທຳ ກະຊວງຍຸຕິທຳ ລະດົມທຶນ ແລະ ມອບເຄື່ອງຊ່ວຍເຫຼືອໃຫ້ຜູ້ຢູ່ຫ່າງໄກສອກຫຼີກ ແລະ ປະສົບໄພນຳຖ້ວມ

     ​​ໂດຍ​ອີງ​ຕາມ​ແຈ້ງ​ການ ສະບັບ​​ເລກ 73/ກຍ.ສພບ, ລົງ​ວັນ​ທີ 11 ທັນວາ 2017 ວ່າ​ດ້ວຍ​ການ​ອຸປະຖຳ​ເປັນ​ວັດຖຸ ​ແລະ ​ປັດ​ໃຈ ​ເພື່ອ​ອວຍພອນ ​ແລະ ມອບ​ຂອງ​ຂວັນ ​ໃຫ້​ນາຍ-ພົນທະຫານ ທີ່​ພວມ​ປະຕິບັດໜ້າທີ່ ຢຸ່​ເຂດ​ຫ່າງ​ໄກ​ສອກຫຼີກ ​ໃນ​ໂອກາດ​ວັນ​ສ້າງ​ຕັ້ງ​ກອງທັບ​ປະຊາຊົນ​ລາວ ຄົບຮອບ 69 ​ປີ ​ແລະ ອີງ​ຕາມ​ແຈ້ງ​ການ​ສະບັບ​ເລກທີ 75/ກຍ.ສພບ, ລົງ​ວັນ​ທີ 20 ທັນວາ 2017 ວ່າ​ດ້ວຍ ການ​ຂໍ​ລະດົມ​ທຶນ​ເພື່ອ​ຊ່ວຍ​ເຫຼືອ​ໄພ​ນ້ຳ​ຖ້ວມ ຢູ່ ສສ ຫວຽດນາມ.

ຈັດຝຶກອົບຮົມວຽກງານການເອົາເດັກໄປເປັນລູກລ້ຽງ ໃຫ້ແກ່ຄະນະຮັບຜິດຊອບຂັ້ນເມືອງ

     ເພື່ອສ້າງຄວາມເປັນເອກະພາບໃນການຈັດຕັ້ງປະຕິບັດວຽກງານການເອົາເດັກໄປເປັນລູກລ້ຽງ ໃຫ້ຖືກຕ້ອງຕາມກົດໝາຍ ແລະ ເພື່ອເປັນການສ້າງຄວາມເຂັ້ມແຂງໃຫ້ຄະນະຮັບຜິດຊອບພິຈາລະນາການເອົາເດັກໄປ ເປັນລູກລ້ຽງຂັ້ນເມືອງ ໃນຂອບເຂດທົ່ວປະເທດ ໃນລະຫວ່າງວັນທີ 24-28 ກໍລະກົດ  2017 ຜ່ານມານີ້, ກົມສົ່ງເສີມລະບົບຍຸຕິທໍາ ໄດ້ຈັດຝຶກອົບຮົມວຽກງານການເອົາເດັກໄປເປັນລ້ຽງ ໃຫ້ແກ່ຄະນະຮັບຜິດຊອບພິຈາລະນາ ການເອົາເດັກໄປເປັນລູກລ້ຽງຂັ້ນເມືອງ ຈັດຂຶ້ນທີ່ ເມືອງວັງວຽງ, ແຂວງວຽງຈັນ ໂດຍການເປັນປະທານຂອງ ທ່ານ ບຸນຊ່ວງ ທະວີສັກ ຮອງຫົວໜ້າກົມສົ່ງເສີມລະບົບຍຸຕິທຳ ມີຜູ້ເຂົ້າຮ່ວມທີ່ມາຈາກຂະແໜງການທີ່ກ່ຽວ ຂ້ອງຂອງບັນດາເມືອງໃນນະຄອນຫຼວງວຽງຈັນ ແລະ ແຂວງ ຊຽງຂວາ

ກອງປະຊຸມປຶກສາຫາລື ເພື່ອສ້າງກົນໄກ ແລະ ຖອດຖອນບົດຮຽນກ່ຽວກັບວຽກງານການເອົາເດັກໄປເປັນລູກລ້ຽງ

     ກົມສົ່ງເສີມລະບົບຍຸຕິທໍາ, ກະຊວງຍຸຕິທໍາ ໄດ້ຈັດກອງປະຊຸມປຶກສາຫາລືເພື່ອສ້າງກົນໄກ ແລະ ຖອດຖອນບົດຮຽນກ່ຽວກັບວຽກງານການເອົາເດັກໄປເປັນລູກລ້ຽງ ໃນວັນທີ 10 -11  ກໍລະກົດ 2017 ທີ່ໂຮງແຮມເມີກຽວ ໃຫ້ກຽດເປັນປະທານຂອງ ທ່ານ ບຸນສະຫວາດ ບຸບຜາ ຮອງລັດຖະມົນຕີກະຊວງຍຸຕິທໍາ, ມີບັນດາທ່ານຜູ້ຕ່າງໜ້າຈາກພາກສ່ວນທີ່ກ່ຽວຂ້ອງ ແລະ ອົງການ UNICEF ເຂົ້າຮ່ວມ.

ກອງປະຊຸມທາບທາມ ຮ່າງດຳລັດວ່າດ້ວຍການຊ່ວຍເຫຼືອລ້າທາງດ້ານກົດໝາຍ ແລະ ດຳລັດວ່າດ້ວຍກອງທຶນຊ່ວຍເຫຼືອທາງດ້ານກົດໝາຍ

     ເພື່ອເປັນບ່ອນອີງ ໃນການຈັດຕັ້ງປະຕິບັດວຽກງານຊ່ວຍເຫຼືອລ້າທາງດ້ານກົດໝາຍ ຂອງບັນດາຫ້ອງການຊ່ວຍເຫຼືອລ້າທາງດ້ານກົດໝາຍ ທີ່ໄດ້ເປີດຢ່າງເປັນທາງການ ຢູ່ບັນດາແຂວງ ແລະ ເມືອງ ໃຫ້ມີປະສິດທິຜົນ ແລະ ຮັບປະກັນຄວາມຖືກຕ້ອງທາງດ້ານກົດໝາຍ, ກົມສົ່ງເສີມລະບົບຍຸຕິທຳ ໃນນາມຄະນະຮັບຜິດຊອບ ໄດ້ຈັດກອງປະຊຸມທາບທາມຮ່າງດຳລັດວ່າດ້ວຍ ການຊ່ວຍເຫຼືອລ້າທາງດ້ານກົດໝາຍ ແລະ ດຳລັດວ່າດ້ວຍ ກອງທຶນຊ່ວຍ ເຫຼືອທາງດ້ານກົດໝາຍ ຂຶ້ນທີ່ແຂວງ ຈຳປາສັກ ໃນລະຫວ່າງວັນທີ 24-25 ເມສາ 2017 ໂດຍການເປັນປະທານ ຂອງ ທ່ານ ວິກອນ ບຸນວິໄລ ຮອງຫົວໜ້າກົມສົ່ງເສີມລະບົບຍຸຕິທຳ ມີແຂກຖືກເຊີນທີ່ມາຈາກແຂວງ ສາລະວັນ, ເຊກອງ ແລະ ແຂວງ ອັດຕະປື ເຂົ້າຮ່ວມທັງໝົດ  37 ຄົນ, ຍິງ

ຊາວໜຸ່ມລາວເຂົ້າຮ່ວມໂຄງການຊາວໜຸ່ມເດີນແມ່ນ້ຳລ້ານຊ້າງ-ແມ່ນ້ຳຂອງ ຄັ້ງທີ 12

     ເພື່ອ​ເປັນ​ການ​ເສີມສ້າງ​ຄວາມ​ສາມັກ​ຄີ, ຮັກ​ແພງ ​ແລະ ກາ​ນຮ່ວມ​ມື​ຂອງ​ບັນ​ດາ​ປະ​ເທດ​ພາກ​ພື້ນ​ແມ່​ນ້ຳຂອງ​ເວົ້າ​ລວມ ​ເວົ້າ​ສະ​ເພາະ​ ແມ່ນ​​ເພື່ອ​ເປັນ​ການ​ສົ່ງ​ເສີມ ​ແລະ ​ແລກປ່ຽນ​ບົດຮຽນ​ວຽກງານ​ວັດທະນະ​ທຳ​ຮີດຄອງ​ປະ​ເພນີ, ​ເສດຖະກິດ​ສັງຄົມ ລະຫວ່າງ​ຊາວ​ໜຸ່ມ​ລາວ ກັບ​ຊາວ​ໜຸ່ມ​ຂອງ​ບັນດາ​ປະ​ເທດ​ລຸ່ມ​ແມ່​ນ້ຳຂອງ ​ໃຫ້​ນັບ​ມື້​ນັບ​ກວ້າງຂວາງ​ຂຶ້ນ ​ແລະ ມີ​ການ​ພົວພັນ​ທີ່​ແໜ້ນ​ແຟ້ນ, ສະຫາຍ ສົມບູນ ຄຸນ​ນະ​ວົງ ຫົວໜ້າ​ພະ​ແນ​ກສົ່ງ​ເສີມ​ວຽກ​​ເຮັດ​ງານ​ທຳ, ກົມ​ພັດ​ທະ​ນາ​ວິຊາ​ຊີບ, ສູນ​ກາງ​ຊາ​ວໜຸ່ມ ​ປະຊາຊົນ​ປະຕິ​ວັດ​ລາວ ​ໄດ້​ນຳພາ​ຄະນະ​ຊາວ​ໜຸ່ມ​ລາວ ​ໄປ​ເຂົ້າຮ່ວມ​ໂຄງການ​ຊາວ​ໜຸ່ມ​​ເດີນ​​ແມ່​ນ້ຳລ້ານ​ຊ້າ

ເປີດຫ້ອງການຊ່ວຍເຫຼືອລ້າທາງດ້ານກົດໝາຍ ຢູ່ເມືອງແກ່ນທ້າວ ແລະ ເມືອງຊຽງຮ່ອນ ແຂວງໄຊຍະບູລີ

     ໂດຍປະຕິບັດຕາມຂໍ້ຕົກລົງຂອງ ລັດຖະມົນຕີກະຊວງຍຸຕິທຳ ສະບັບເລກທີ 181/ກຍ, ລົງວັນທີ 22 ກຸມພາ 2017 ວ່າດ້ວຍການອະນຸມັດເປີດຫ້ອງການຊ່ວຍເຫຼືອລ້າທາງດ້ານກົດໝາຍ, ໃນວັນທີ 27 ກຸມພາ 2017 ກະ ຊວງຍຸຕິທຳ ຕາງໜ້າໂດຍກົມສົ່ງເສີມລະບົບຍຸຕິທຳ ຮ່ວມກັບມູນນິທິເອເຊຍ ປະຈຳລາວ (The Asia Foundation) ໄດ້ມີພິທີເປີດຫ້ອງການຊ່ວຍເຫຼືອລ້າທາງດ້ານກົດໝາຍ ຢູ່ທີ່ສະໂມສອນເມືອງແກ່ນທ້າວ ແຂວງ ໄຊຍະບູລີ ໂດຍໃຫ້ກຽດເປັນປະທານຂອງ ທ່ານ ປອ. ເສີມສຸກ ສິມພະວົງ, ຮອງເລຂາຄະນະພັກກະຊວງ, ຮອງລັດຖະມົນຕີກະຊວງຍຸຕິທຳ ມີແຂກຖືກເຊີນ, ນັກສຶກສາກົດໝາຍຝຶກງານ ເຂົ້າຮ່ວມທັງໝົດທັງໝົດ 221 ຄົນ, ​ຍິງ 45 ຄົນ.

Pages