ພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ຂອງໜ່ວຍພັກພະແນກຍຸຕິທໍາແຂວງ ໄຊສົມບູນ

ພິທີຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງ ຂອງໜ່ວຍພັກພະແນກຍຸຕິທໍາແຂວງ ໄຊສົມບູນ ໄດ້ຈັດຂຶ້ນໃນຕອນເຊົ້າຂອງວັນທີ 24 ມີນາ 2020 ຢູ່ທີ່ຫ້ອງປະຊຸມຂອງສານປະຊາຊົນແຂວງ ໂດຍການເປັນປະທານຂອງ ສະຫາຍ ອຸດອນ ສິງດາລາ ເລຂາໜ່ວຍພັກພະແນກຍຸຕິທຳແຂວງ ໄຊສົມບູນ, ມີຜູ້ຕາງໜ້າໜ່ວຍພັກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ຄະນະຈັດຕັ້ງແຂວງ, ອົງການຈັດຕັ້ງມະຫາຊົນ, ໜ່ວຍພັກກຸ່ມປົກປ້ອງກົດໝາຍ ພ້ອມດ້ວຍສະມາຊິກພັກສົມບູນ, ສໍາຮອງ ແລະ ມະຫາຊົນກ້າວໜ້າ ຂອງພະແນກຍຸຕິທຳແຂວງເຂົ້າຮ່ວມທັງໝົດ 18 ສະຫາຍ, ຍິງ 3 ສະຫາຍ.

ສະຫາຍ ສຸກສັນ ຈັນທະວົງ ຫົວໜ້າຂະແໜງຈັດຕັ້ງ-ພະນັກງານ ແລະ ກວດກາ ໄດ້ຂຶ້ນຜ່ານມະຕິຕົກລົງ ວ່າດ້ວຍການອະນຸມັດຮັບເອົາມະຫາຊົນຜູ້ກ້າວໜ້າ 2 ສະຫາຍ ຄື: ສະຫາຍ ທອງເຫຼົາ ອິນທະວົງ ແລະ ສະຫາຍ ນາງ ເຢີລໍ່ ໄຊດ່າຊົວຕົ່ງ ເຂົ້າເປັນສະມາຊິກພັກສະໄໝສຳຮອງ.
ຕອນທ້າຍຂອງພິທີ ສະຫາຍ ອຸດອນ ສິງດາລາ ເລຂາໜ່ວຍພັກພະແນກຍຸຕິທໍາແຂວງ ກໍໄດ້ໂອ້ລົມ ແລະ ໄດ້ໃຫ້ທິດຊີ້ນໍາຕໍ່ຜູ້ທີ່ເຂົ້າເປັນສະມາຊິກສໍາຮອງໃໝ່ ຕ້ອງກໍາໃຫ້ໄດ້ 3 ທິດນໍາ, 5 ຫຼັກການ, 9 ຂໍ້ຫ້າມຂອງກົດລະບຽບພັກ ພ້ອມນັ້ນກໍສືບຕໍ່ສ້າງ ແລະ ປັບປຸງ, ຝຶກຝົນຫຼໍ່ຫຼອມຕົນເອງທາງດ້ານການເມືອງ, ຄຸນສົມບັດສິນທໍາປະຕິວັດ, ແບບແຜນວິທີເຮັດວຽກ, ສາມາດເຕົ້າໂຮມຄວາມສາມັກຄີ ແລະ ເຮັດສໍາເລັດໜ້າທີ່ ທີ່ການຈັດຕັ້ງມອບໝາຍໃຫ້.

ຂ່າວ-ພາບ: ຄຳພັນ ລີໄຊຫວ່າງ