ເມືອງ ຫຼາ ແຂວງ ອຸດົມໄຊ ປິດຊຸດອົບຮົມກົດໝາຍ ຂັ້ນພື້ນຖານລະບົບບຳລຸງ 45 ວັນ

ໃນຕອນເຊົ້າຂອງວັນທີ 24 ທັນວາ 2020 ທີ່ຜ່ານມາ ຢູ່ທີ່ ສະໂມສອນຂອງ ເມືອງ ຫຼາ ແຂວງ ອຸດົມໄຊ ໄດ້ຈັດພິທີປິດຊຸດຝຶກອົບຮົມກົດໝາຍ ຂັ້ນພື້ນຖານລະບົບບຳລຸງ 45 ວັນ, ໃຫ້ພະນັກງານຫຼັກແຫຼ່ງອ້ອມຂ້າງເມືອງ ແລະ ຮາກຖານບ້ານ ເມືອງ ຫຼາ ແຂວງ ອຸດົມໄຊ ຊຸດທີ II ປະຈຳປີ 2020 ຂື້ນ ໂດຍເປັນປະທານຮ່ວມ ຂອງທ່ານ ພັທ ສຸລີ ດວງພອນໄຊ ຄະນະປະຈຳພັກເມືອງ ຫົວໜ້າກອງບັນຊາການ ປ ກ ສ ແລະ ທ່ານ ສີຖານ ມະນີໄຊ ຮອງຫົວໜ້າພະແນກຍຸຕິທຳ ແຂວງ ອຸດົມໄຊ, ມີຄະນະພັກເມືອງ, ຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ, ຄະນະຮັບຜິດຊອບ, ຄູ-ອາຈານ, ແຂກຖືກເຊີນ ແລະ ນັກຝຶກອົບຮົມເຂົ້າຮ່ວມທັງໝົດ 85 ທ່ານ, ຍິງ 28 ທ່ານ.

ທ່ານ ສົມໝາຍ ພູມມີສຸກ ຫົວໜ້າຫ້ອງການຍຸຕິທຳເມືອງ ຫຼາ ໄດ້ຂື້ນຜ່ານ ຂໍ້ຕົກລົງຂອງເຈົ້າເມືອງ ວ່າດ້ວຍການອະນຸມັດ ປິດຊຸດຝຶກອົບຮົມກົດໝາຍໄລຍະສັ້ນ 45 ວັນ, ໃຫ້ພະນັກງານຫຼັກແຫຼ່ງອ້ອມຂ້າງເມືອງ ຫຼາ ແຂວງ ອຸດົມໄຊ ຊຸດທີ II ປະຈຳປີ 2020 ແລະ ລາຍງານ ກ່ຽວກັບການເຄື່ອນໄຫວຈັດຕັ້ງປະຕິບັດ ການຮຽນ-ການສອນ ລະບົບບຳລຸງກົດໝາຍ 45 ວັນ ໃນໄລຍະຜ່ານມາ, ຈາກນັ້ນ ທ່ານ ກອງຄຳ ຫອມດາຮັກ ຮອງຫົວໜ້າຫ້ອງການຍຸຕິທຳເມືອງ ຫຼາ ຂີື້ນຜ່ານຂໍ້ຕົກລົງຂອງເຈົ້າເມືອງ ວ່າດ້ວຍການຍ້ອງຍໍໃຫ້ກັບ ຄູ-ອາຈານ ແລະ ນັກຝຶກອົບຮົມ ຈຳນວນ 72 ທ່ານ, ຈາກນັ້ນປະທານພິທີກໍ່ໄດ້ໃຫ້ກຽດມອບໃບຢັ້ງຢືນ ແລະ ໃບຍ້ອງຍໍຕໍ່ບຸກຄົນດີເດັ່ນໃຫ້ກັບຄູ-ອາຈານ ແລະ ນັກຝຶກອົບຮົມ.

ໃນຕອນທ້າຍ ທ່ານ ສຸລີ ດວງພອນໄຊ ໄດ້ມີຄຳເຫັນໂອ້ລົມກ່ອນອື່ນທ່ານກໍ່ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງການຈັດຕັ້ງການຝຶກອົບຮົມໃນຄັ້ງນີ້ ຊຶ່ງທ່ານໄດ້ເນັ້ນໜັກໃຫ້ບັນດານັກຝຶກອົບຮົມທີ່ໄດ້ຝຶກອົບຮົມກົດໝາຍ ພາຍຫຼັງກັບຄືນຫ້ອງການ, ກົມກອງ ຈົ່ງນຳເອົາບົດຮຽນ ແລະ ຄວາມຮູ້ຄວາມສາມາດດ້ານກົດໝາຍ ໄປໝູນໃຊ້ໃນການປະຕິບັດໜ້າທີ່ວຽກງານຂອງຕົນ. ໃຫ້ມີສະຕິຕື່ນຕົວ ແລະ ເຄົາລົບລະບຽບກົດໝາຍຢ່າງເຂັ້ມງວດ.

ຂຽນໂດຍ ນາງ ພູຄຳ ຫັດສະດີ

ຖ່າຍພາບ ສີທອງ ຈັນນາລີ

ປະເພດຂ່າວ: