ພະແນກຍຸຕິທໍາ ແຂວງ ຫຼວງນໍ້າທາ ເປີດກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ

ໃນຕອນເຊົ້າຂອງວັນທີ 29 ທັນວາ 2020 ທີ່ຜ່ານມາ ຢູ່ທີ່ຫ້ອງປະຊຸມຂອງພະແນກຍຸຕິທໍາແຂວງ ຫຼວງນໍ້າທາ ໄດ້ຈັດກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂຶ້ນ ໂດຍການເປັນປະທານຂອງ ສະຫາຍ ນາງ ມາລີພອນ ນາບຸນແພງ ກໍາມະການພັກແຂວງ ເລຂາໜ່ວຍພັກ ຫົວໜ້າພະແນກຍຸຕິທໍາແຂວງ. ມີຕາງໜ້າຈາກອົງການຈັດຕັ້ງພັກ ຄະນະຈັດຕັ້ງແຂວງ, ຄະນະໂຄສະນາອົບຮົມແຂວງ, ສະພາປະຊາຊົນແຂວງ, ສານປະຊາຊົນແຂວງ, ອົງການໄອຍະການປະຊາຊົນແຂວງ ແລະ ສະມາຊິກພັກ ພາຍໃນພະແນກຍຸຕິທໍາເຂົ້າຮ່ວມທັງໝົດ 32 ສະຫາຍ, ຍິງ 15 ສະຫາຍ

ໃນກອງປະຊູມ ສະຫາຍ ນາງ ມາລີພອນ ນາບຸນແພງ ກໍາມະການພັກແຂວງ ເລຂາໜ່ວຍພັກ ໄດ້ຜ່ານຮ່າງບົດປະເມີນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2020 ແລະ ທິດທາງແຜນການປະຈໍາປີ 2021 ຂອງພະແນກຍຸຕິທໍາ ຈາກນັ້ນໜ່ວຍພັກອອ້ມຂ້າງ ແລະ ຕາງໜ້າຈາກອົງການຈັດຕັ້ງພັກ ກໍປະກອບຄໍາຄິດ ຄໍາເຫັນໃສ່ຮ່າງບົດປະເມີນດັ່ງກ່າວ ເພື່ອເຮັດໃຫ້ຮ່າງບົດປະເມີນສົມບູນຂຶ້ນ.

ໃນຕອນທ້າຍ ທ່ານ ນາງ ວຽງທອງ ສິວິໄລ ຮອງເລຂາໜ່ວຍພັກ ໄດ້ຜ່ານບົດບັນທຶກກອງປະຊຸມໃນຄັ້ງນີ້ ຊຶ່ງຜູ້ເຂົ້າຮ່ວມກໍໄດ້ເຫັນດີເປັນເອກະພາບ ແລະ ຮັບຮອງເອົາໜ່ວຍພັກພະແນກຍຸຕິທໍາແຂວງຫຼວງນໍ້າທາ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ III ຮອບທີ III ປະຈໍາປີ 2020.

ປະເພດຂ່າວ: