ໜ່ວຍພັກ ພະແນກຍຸຕິທຳແຂວງບໍ່ແກ້ວດຳເນີນຊີວິດການເມືອງ ປະຈຳປີ 2020

ໃນວັນທີ 28-29 ທັນວາ 2020 ທີ່ຜ່ານມາ ຢູ່ທີ່ຫ້ອງປະຊຸມພະແນກຍຸຕິທໍາແຂວງ ບໍ່ແກ້ວ ໄດ້ເປີດກອງປະຊຸມບັ້ນດໍາເນີນຊີວິດການເມືອງຂອງຕົນຂຶ້ນ ພາຍໃຕ້ການເປັນປະທານຂອງ ສະຫາຍ ຄໍາຫຼ້າ ອຸດທະຍອດ ກໍາມະການພັກແຂວງ ເລຂາໜ່ວຍພັກພະແນກຍຸຕິທໍາແຂວງ, ຮອງເລຂາໜ່ວຍພັກ, ສະມາຊິກພັກສົມບູນ, ສໍາຮອງ, ຕາງໜ້າຈາກຄະນະກວດກາພັກ-ລັດແຂວງ ເຂົ້າຮ່ວມທັງໝົດ 17 ສະຫາຍ, ຍິງ 7 ສະຫາຍ.

ສະຫາຍ ຄຳຫຼ້າ ອຸດທະຍອດ ກຳມະການພັກແຂວງ ເລຂາໜ່ວຍພັກ ໄດ້ມີຄຳເຫັນຕໍ່ກອງປະຊຸມບັ້ນດຳເນີນຊີວິດການເມືອງປະຈຳປີ 2020 ແມ່ນເປັນການສຳຫຼວດຕີລາຄາຄືນຕໍ່ຜົນງານໃນການຈັດຕັ້ງປະຕິບັດວຽກງານຜ່ານມາ, ໂດຍສະເພາະແມ່ນການປະຕິບັດໜ້າທີ່ການເມືອງ ແລະ ວິຊາສະເພາະຂອງໜ່ວຍພັກ, ສະມາຊິກພັກແຕ່ລະສະຫາຍທີ່ໄດ້ຮັບມອບໝາຍ, ການຈັດຕັ້ງຜັນຂະຫຍາຍແນວທາງນະໂຍບາຍ ເປັນຕົ້ນ: ທາງດ້ານຄຸນທາດການເມືອງ ແລະ ຄຸນສົມບັດສິນທໍາປະຕິວັດ; ທາງດ້ານແນວຄິດ; ທາງດ້ານສະຕິຕໍ່ການຈັດຕັ້ງ ແລະ ລະບຽບວິໄນຂອງພັກ; ທາງດ້ານແບບແຜນການນຳພາ ແລະ ວິທີເຮັດວຽກ; ທາງດ້ານຄວາມຮັບຜິດຊອບຕໍ່ໜ້າທີ່ການເມືອງ: ດ້ານອ່ອນ, ຂໍ້ຄົງຄ້າງ ແລະ ວິທີແກ້ໄຂຂອງໜ່ວຍພັກ, ບັນດາສະມາຊິກພັກ, ພ້ອມດຽວກັນນັ້ນ ຍັງໄດ້ຮັບຟັງ ແລະ ປະກອບຄຳຄິດ, ຄຳເຫັນຕໍ່ກັບບົດສຳຫຼວດການນຳພາລວມຂອງໜ່ວຍພັກ ແລະ ບົດສະຫຼຸບການຊີ້ນຳ - ນຳພາ ແລະ ທິດທາງແຜນການຂອງໜ່ວຍພັກຄຽງຄູ່ກັນນັ້ນ ໄດ້ຕີລາຄາຄຸນນະພາບ ແລະ ແບ່ງປະເພດໜ່ວຍພັກ, ສະມາຊິກພັກ ປະຈຳປີ 2020 ແລະ ຮັບຮອງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2021 ຂອງໜ່ວຍພັກ, ເຊິ່ງມັນຈະເປັນຄາດໝາຍບັນດາໜ້າທີ່ຕ່າງໆຂອງໜ່ວຍພັກ, ບັນດາສະຫາຍສະມາຊິກພັກ ຕ້ອງໄດ້ອອກແຮງຊີ້ນຳ - ນຳພາຈັດຕັ້ງປະຕິບັດໃນຕໍ່ໜ້າ.

ຈາກນັ້ນ ບັນດາສະຫາຍສະມາຊິກພັກແຕ່ລະສະຫາຍ ໄດ້ຜ່ານບົດສຳຫຼວດຕີລາຄາຄຸນະພາບ ແລະ ແບ່ງປະເພດສະມາຊິກພັກ ແລະ ພ້ອມກັນຕຳນິຕົນເອງ, ຕຳນິກໍ່ສ້າງເຊິ່ງກັນ ແລະ ກັນ. ເພື່ອແນໃສ່ສ້າງໜ່ວຍພັກຂອງພວກເຮົາໃຫ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນປີ 2021 ຕື່ມອີກ.

ຂຽນຂ່າວ: ວ່າ ຈ່າງ

ຖ່າຍພາບ: ພຸດທະຈັກ ວິໄລພອນ

ປະເພດຂ່າວ: