ພະແນກຍຸຕິທຳແຂວງ ບໍລິຄຳໄຊ ພ້ອມດ້ວຍຄະນະ ລົງຊຸກຍູ້ວຽກງານວິຊາສະເພາະ ຢູ່ ຫ້ອງການຍຸຕິທຳເມືອງ ປາກຊັນ

Primary tabs

          ໃນວັນທີ່ 16 ພະຈີກ 2021 . ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທຳແຂວງ ບໍລິຄຳໄຊ ພ້ອມດ້ວຍຄະນະ ລົງຊຸກຍູ້ ວຽກງານວີຊາສະເພາະ ຢູ່ ຫ້ອງການຍຸຕິທຳເມືອງ ປາກຊັນ ເປັນກຽດເຂົ້າກອງປະຊຸມໃນຄັ້ງນີ້ໂດຍແມ່ນ ທ່ານ ນາງ ຄຳເພັດ ຮອງເລຂາພັກເມືອງ ປະທານກວດກາພັກເມືອງ; ມີພະນັກງານເຂົ້າຮ່ວມ ຈຳນວນ 17 ທ່ານ , ຍິງ 8 ທ່ານ.
อาจเป็นรูปภาพของ 6 คน, ผู้คนกำลังนั่ง และ สถานที่ในร่ม
          ທ່ານ ນາງ ພອນແກ້ວ ໄຊຍະວົງ ຮອງຫົວໜ້າຫ້ອງການຍຸຕິທຳເມືອງ ປາກຊັນ ໄດ້ລາຍງານວຽກງານການເຄື່ອນໄຫວໄລຍະ 09 ເດືອນ ແລະ ທິດທາງແຜນການ 03 ເດຶອນ, ເພື່ອຍົກໃຫ້ເຫັນ ດ້ານດີ, ດ້ານອ່ອນ ,ຂໍ້ຄົງຄ້າງທີ່ຈະຕ້ອງປັບປຸງແກ້ໄຂໃນຕໍ່ໜ້າ ເປັນຕົ້ນວຽກງານຕ່າງໆທີ່ສຳຄັນໂດຍສະເພາະການໂຄສະນາເຜີຍແຜ່ກົດໜາຍ ,ວຽກງານຈັດຕັ້ງປະຕິບັດຄຳຕັດສີນຂອງສານ, ວຽກງານທະບຽນສານ ແລະ ວຽກງານຍຸຕິທຳຮາກຖານໃຫ້ບັນລຸ ແລະ ທວ່ງທັນກັບເວລາ.
          ຕອນທ້າຍ ທ່ານ ນາງ ວັນນາ ປະເສີດກຸນ ຫົວໜ້າພະແນກຍຸຕິທຳແຂວງ ກໍ່ໄດ້ຍ້ອງຍໍ, ຊົມເຊີຍຕໍ່ຜົນງານທີ່ທາງຫ້ອງການຍຸຕິທຳເມືອງ ປາກຊັນ ຍາດມາໄດ້ພ້ອມທັງເນັ້ນໜັກໃຫ້ເອົາໃຈໃສ່ເພີ່ມເຕີ່ມໃນການຈັດຕັ້ງປະຕິບັດວຽກງານ,ຈົ່ງຍຶດຖືຄວາມຖືກຕ້ອງ ແລະ ລະບຽບກົດໜາຍມາຢັ້ງຢືນໃສ່ໃຫ້ແທດເໜາະກັບສະພາບຄວາມເປັນຈິງ.
ຂ່າວ - ພາບ ນາງ ສຸກສາຄອນ ທະວີສຸກ