ພະແນກຍຸຕິທໍາແຂວງ ບໍລິຄໍາໄຊ ເຂົ້າຮ່ວມກອງປະຊຸມທາງໄກ ກ່ຽວກັບການແລກປ່ຽນບົດຮຽນຄົ້ນຄວ້າກົດໝາຍ

Primary tabs

          ໃນວັນທີ 22 ທັນວາ 2021 ຜ່ານມາ ທ່ານນາງ ວັນນາ ປະເສີດກຸນ ຫົວໜ້າພະແນກຍຸຕິທໍາແຂວງ ບໍລິຄໍາໄຊ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມ ທາງໄກ ກ່ຽວກັບການແລກປ່ຽນບົດຮຽນຄົ້ນຄວ້າກົດໝາຍ ລະຫວ່າງ ກະຊວງຍຸຕິທຳ ສປປ ລາວ ແລະ ກະຊວງຍຸຕິທຳ ສສ ຫວຽດນາມ ໂດຍການເປັນປະທານຂອງທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທຳ.
          ກອງປະຊຸມໄດ້ສົນທະນາແລກປ່ຽນບົດຮຽນເຊິ່ງກັນ ແລະ ກັນ ກ່ຽວກັບກົດໝາຍ ເຊັ່ນ ການຕີລາຄາການຜັນຂະຫຍາຍສົນທິສັນຍາຊ່ວຍເຫຼືອເຊິ່ງກັນ ແລະ ກັນ ທາງແພ່ງ ລະຫວ່າງ ສປປ ລາວ ແລະ ສສ ຫວຽດນາມ, ສົນທະນາບົດຮຽນປະສົບການໃນການສ້າງ ແລະ ຈັດຕັ້ງປະຕິບັດວຽກງານການປະເມີນຜົນນິຕິກຳ, ສົນທະນາປະສົບການໃນການຄົ້ນຄວ້າ, ປັບປຸງກົດໝາຍວ່າດ້ວຍທະບຽນສານ, ປະສົບການໃນການສ້າງ, ການປັບປຸງກົດໝາຍກ່ຽວກັບຜູ້ຄວບຄຸມຊັບສິນ ແລະ ສະພາບການຕົວຈິງໃນການດຳເນີນວິຊາຊີບຄຸ້ມຄອງ, ຊໍາລະສະສາງຊັບສິນ, ປະສົບການໃນການສ້າງ ແລະ ການຈັດຕັ້ງປະຕິບັດກົດໝາຍວ່າດ້ວຍສັນຊາດ, ພິເສດ ແມ່ນບັນດາຂໍ້ກຳນົດກ່ຽວກັບການໃຫ້ສັນຊາດແກ່ຄົນຕ່າງປະເທດ ແລະ ປະສົບການໃນການສ້າງ, ເຄື່ອນໄຫວ ແລະ ຄຸ້ມຄອງສະມາຄົມນັກກົດໝາຍ, ຊຶ່ງລວມທັງໝົດມີ 6 ຫົວຂໍ້ໃຫຍ່ທີ່ແລກປ່ຽນບົດຮຽນນໍາກັນໃນເທື່ອນີ້, ກອງປະຊຸມໄດ້ດຳເນີນໄປເປັນເວລາ 3 ວັນຈຶ່ງສຳເລັດ.
ຂຽນຂ່າວ: ສຸກສາຄອນ ທະວີສຸກ
ຖ່າຍພາບ: ບຼົ່ງ ຊົງລ່າວ່າງ
ປະເພດຂ່າວ: