ພະແນກຍຸຕິທຳແຂວງ ຊຽງຂວາງ ຕີລາຄາສະມາຊິກພັກ ແລະ ໜ່ວຍພັກ

Primary tabs

          ໃນວັນທີ 17-18 ພະຈິກ 2021 ຢູ່ທີ່ພະແນກຍຸຕິທຳແຂວງ ຊຽງຂວາງ ໄດ້ຈັດກອງປະຊຸມເຊື່ອມຊືມເອກະສານຕີລາຄາ ແລະ ແບ່ງປະເພດສະມາຊິກພັກ, ໜ່ວຍພັກຂຶ້ນ ພາຍໃຕ້ການເປັນປະທານຂອງສະຫາຍ ມົນຕີ ສີອຸດົມ ເລຂາໜ່ວຍພັກ, ຫົວໜ້າພະແນກຍຸຕິທຳແຂວງ, ມີຄະນະພັກ, ສະມາຊິກພັກສົມບູນ ແລະ ສຳຮອງເຂົ້າຮ່ວມ.
          ໃນກອງປະຊຸມຄະນະຮັບຜິດຊອບໄດ້ຜ່ານມະຕິຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບປະເມີນຕີລາຄາຄຸນນະພາບແບ່ງປະເພດສະມາຊິກພັກ ແລະ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປີ 2021, ຄຳສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນສະບັບເລກທີ 01, ລົງວັນທີ 3 ມັງກອນ 2018, ຄຳແນະນຳກັບການຈັດຕັ້ງປະຕິບັດ ຄຳສັ່ງຂອງກົມການເມືອງສູນກາງພັກ ວ່າດ້ວຍການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນສະບັບເລກທີ 291, ລົງວັນທີ 26 ເມສາ 2018. ພາຍຫຼັງ ການເຊື່ອມຊືມເອກະສານສຳເລັດ ແຕ່ລະສະຫາຍກໍ່ໄດ້ຜ່ານບົດສຳຫຼວດ ແລະ ໃຫ້ຄະແນນຕົນເອງ, ການປະເມີນຕີລາຄາຈັດປະເພດແມ່ນໄດ້ດຳເນີນໄປຕາມຂັ້ນຕອນ ແລະ ວິທີການຢ່າງຖືກຕ້ອງ ໂດຍມີການແຕ່ງຕັ້ງຄະນະຮັບຜິດຊອບຊີ້ນຳໆພາ, ສະມາຊິກພັກແຕ່ລະສະຫາຍແມ່ນມີຄວາມຈິງໃຈໃນການປະເມີນຕົນເອງ. ຈາກນັ້ນໝູ່ຄະນະໄດ້ພ້ອມກັນຕຳນິກໍ່ສ້າງຊ່ວຍເຫຼືອເຊິ່ງກັນ ແລະ ກັນ ເພື່ອປັບປຸງດ້ານທີ່ຄົງຄ້າງໃຫ້ດີຂຶ້ນໃນຕໍ່ໜ້າ.
          ຕອນທ້າຍຂອງກອງປະຊຸມ ສະຫາຍ ມົນຕີ ສີອຸດົມ ເລຂາໜ່ວຍພັກ ໄດ້ຮຽກຮ້ອງໃຫ້ສະມາຊິກພັກທັງໝົດ ຈົ່ງມີຫຼັກໝັ້ນມິດ ແລະ ສັດຕູຢ່າງຈະແຈ້ງ, ມີຄວາມເປັນເອກະພາບຕໍ່ແນວທາງປຽ່ນແປງໃໝ່ຂອງພັກ ເພີ່ມທະວີຄວາມເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ແກ່ອ້າຍ, ເອື້ອຍ, ນ້ອງພະນັກງານ ທີ່ຢູ່ພາຍໃຕ້ການຄຸ້ມຄອງຂອງຕົນ, ເອົາໃຈໃສ່ຊີ້ນຳໆພາການປະຕິບັດໜ້າທີ່ວຽກງານທີ່ຕົນຮັບຜິດຊອບໃຫ້ສູງຂຶ້ນ ເພື່ອນຳໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ ແລະ ໃຫ້ຖືກຕ້ອງສອດຄ່ອງຕາມລະບຽບກົດໝາຍ.
ຖ່າຍພາບ+ຂຽນໂດຍ: ທອງລິດ ສາຍພູຫຼວງ + ກິ່ງແກ້ວ ພົມມະຈັກ
ປະເພດຂ່າວ: