ໜ່ວຍພັກແນກຍຸຕິທຳແຂວງ ຈຳປາສັກ ສຳເລັດການປະເມີນໜ່ວຍພັກປອດໃສ,​ ເຂັ້ມເເຂງ, ໜັ້ກແໜ້ນ ປະຈໍາປີ 2021

Primary tabs

          ໃນຕອນບ່າຍຂອງວັນທີ 22 ທັນວາ 2021 ຜ່ານມາ ພະແນກຍຸຕິທໍາແຂວງ ຈໍາປາສັກ ໄດ້ເປີດກອງປະຊຸມ ກວດກາປະເມີນຜົນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2021 ຂຶ້ນທີ່ຫ້ອງປະຊຸມຂອງພະແນກ ໂດຍການເປັນປະທານຂອງ ສະຫາຍ ບຸນຄົງ ພັນວົງສາ ກໍາມະການພັກແຂວງ ເລຂາໜ່ວຍພັກ ຫົວໜ້າພະແນກຍຸຕິທຳແຂວງ ຈຳປາສັກ, ມີຕາງໜ້າຄະນະກຳມາການປະເມີນຜົນໜ່ວຍພັກປອດໃສ, ເຂັ້ມແຂງ, ໜັກແໜ້ນຂັ້ນແຂວງ, ຄະນະໜ່ວຍພັກ, ສະມາຊິກພາຍໃນໜ່ວຍ ແລະ ຕ່າງໜ້າອົງການຈັດຕັ້ງມະຫາຊົນເຂົ້າຮ່ວມ.
          ໃນພິທີ ສະຫາຍ ສົມນຶກ ແສງອາໄພ ຮອງເລຂາໜ່ວຍພັກຮາກຖານພະແນກຍຸຕິທຳ ໄດ້ຂຶ້ນຜ່ານບົດສະຫຼຸບ ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2021. ໃນ 1 ປີ ຜ່ານມາໜ່ວຍພັກຮາກຖານພະແນກຍຸຕິທຳ ໄດ້ເອົາໃຈໃສ່ສຶກສາ, ອົບຮົມການເມືອງ-ແນວຄິດ ໃຫ້ແກ່ຖັນແຖວສະມາຊິກພັກ, ພະນັກງານ-ລັດຖະກອນ ໃຫ້ມີຄວາມໜັກແໜ້ນ; ເຂັ້ມແຂງ; ຍຶດໜັ້ນອຸດົມການພັກດຽວ, ສາມາດຈຳແນກໄດ້ມິດ-ສັດຕູຢ່າງຈະແຈ້ງ; ເດັດດ່ຽວປັບປຸງແກ້ໄຂຈຸດອ່ອນ ແລະ ຂໍ້ຄົງຄ້າງ. ຈາກນັ້ນ, ຕາງໜ້າຄະນະກຳມະການປະເມີນຜົນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂັ້ນແຂວງ ໄດ້ປະກອບຄໍາເຫັນໃສ່ຮ່າງບົດສະຫຼຸບການປະເມີນຜົນດັ່ງກ່າວຢ່າງກົງໄປ-ກົງມາ ແລະ ໄດ້ຜ່ານຮ່າງບົດບັນທຶກກອງປະຊຸມ ປະເມີນຜົນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງໜ່ວຍພັກ.
          ໃນຕອນທ້າຍຂອງກອງປະຊຸມສະຫາຍ ປະທານ ກອງປະຊຸມ ກໍໄດ້ມີຄໍາເຫັນໂອ້ລົມ ສະຫາຍໄດ້ຍ້ອງຍໍຊົມເຊີຍເຖິງໝາກຜົນ, ຜົນງານ, ຂອງໜ່ວຍພັກ ແລະ ໄດ້ເນັ້ນໜັກໃຫ້ສະມາຊິກພັກຕ້ອງໄດ້ສຶກສາອົບຮົມການເມືອງ-ແນວຄິດໃຫ້ໜັກແໜ້ນ, ການຕໍານິສົ່ງຂ່າວເຊິ່ງກັນ ແລະ ກັນ, ສະມາຊິກພັກຕ້ອງເປັນແບບຢ່າງ ໃຫ້ແກ່ມະຫາຊົນ, ຄະນະພັກ, ສະມາຊິກພັກຕ້ອງເອົາໃຈໃສ່ປັບປຸງການຈັດຕັ້ງໃຫ້ເຂັ້ມແຂງ.
ພາບ; ຂ່າວ: ບັງອອນ ມາກມູນ
ປະເພດຂ່າວ: