ສະຖາບັນຍຸຕິທໍາພາກເໜືອ ໄດ້ຈັດພິທີເຊື່ອມຊຶມມະຕິ IX ສະໄໝທີ 10 ຂອງສູນກາງພັກ ແລະ ມະຕິ XII ສະໄໝທີ 7 ຂອງຄະນະບໍລິຫານງານພັກແຂວງຫຼວງພະບາງຂຶ້ນ

ວັນທີ 6 ມີນາ 2020 ທີ່ຜ່ານມາ ສະຖາບັນຍຸຕິທໍາພາກເໜືອ ໄດ້ຈັດພິທີເຊື່ອມຊຶມມະຕິ IX ສະໄໝທີ 10 ຂອງສູນກາງພັກ ແລະ ມະຕິ XII ສະໄໝທີ 7 ຂອງຄະນະບໍລິຫານງານພັກແຂວງຫຼວງພະບາງຂຶ້ນ ໂດຍການເປັນປະທານຮ່ວມຂອງ ສະຫາຍ ແສງເພັດ ແກ້ວພົມມາ ຄະນະພັກຮາກຖານ, ປະທານກວດກາຄະນະພັກຮາກຖານ ແລະ ສະຫາຍ ເພັດປະເສີດ ວັນນະພາ ຄະນະພັກຮາກຖານ, ຮອງປະທານກວດກາຄະນະພັກຮາກຖານ ສະຖາບັນຍຸຕິທຳພາກເໜືອ ເຂົ້າຮ່ວມມີ ຄະນະພັກຮາກຖານ, ເລຂາໜ່ວຍພັກ, ຄະນະໜ່ວຍພັກ ແລະ ສະມາຊິກພັກພະນັກງານຄູ-ອາຈານ.

ໃນກອງປະຊຸມ ສະຫາຍ ແສງເພັດ ແກ້ວພົມມາ ຄະນະພັກຮາກຖານ, ປະທານກວດກາຄະນະພັກຮາກຖານສະຖາບັນຍຸຕິທໍາພາກເໜືອໄດ້ໃຫ້ກຽດຂຶ້ນເຊື່ອມຊຶມມະຕິ IX ສະໄໝທີ 10 ຂອງສູນກາງພັກ ແລະ ສະຫາຍ ເພັດປະເສີດ ວັນນະພາ ຄະນະພັກຮາກຖານ, ຮອງປະທານກວດກາຄະນະພັກຮາກຖານສະຖາບັນຍຸຕິທໍາພາກເໜືອ ໄດ້ຂຶ້ນເຊື່ອມຊຶມມະຕິ XII ສະໄໝທີ 7 ຂອງຄະນະບໍລິຫານງານພັກແຂວງຫຼວງພະບາງ. ຈຸດປະສົງເພື່ອເປັນການຕີລາຄາຄືນຄວາມຮັບຜິດຊອບທາງດ້ານການເມືອງ, ການຈັດຕັ້ງປະຕິບັດວຽກງານໃນໄລຍະຜ່ານມາ ຂອງຄະນະພັກແຕ່ລະຂັ້ນ ແນໃສ່ປັບປຸງຍົກສູງຄຸນນະພາບ, ສ້າງການຫັນປ່ຽນໃໝ່ຂອງແບບແຜນ ແລະ ວິທີການນໍາພາຂອງຄະນະພັກແຕ່ລະຂັ້ນໃຫ້ມີປະສິດທິພາບສູງຂຶ້ນກວ່າເກົ່າ, ເພື່ອເປັນການເສີມຂະຫຍາຍປະຊາທິປະໄຕໃຫ້ຄະນະພັກແຕ່ລະຂັ້ນຮັບຮູ້ການເຄື່ອນໄຫວນໍາພາລວມ ແລະ ຄວາມຮັບຜິດຊອບການເມືອງ, ເສດຖະກິດ-ສັງຄົມທີ່ໄດ້ຮັບການມອບໝາຍໃຫ້ຄະນະພັກແຕ່ລະຂັ້ນທີ່ນໍາພາຢູ່ແຕ່ລະບ່ອນ, ເພື່ອເສີມຂະຫຍາຍດ້ານຕັ້ງໜ້າ ແລະ ແກ້ໄຂຈຸດອ່ອນຂໍ້ຄົງຄ້າງໃຫ້ເປັນຮູບປະທໍາຂຶ້ນເທື່ອລະກ້າວ.

ຂຽນຂ່າວ-ຖ່າຍພາບ: ນັກຂ່າວສະຖາບັນຍຸຕິທຳພາກເໜືອ

ປະເພດຂ່າວ: