ກະຊວງຍຸຕິທຳ ສ້າງຂະບວນການຕ້ອນຮັບວັນສຳຄັນຂອງຊາດ

ກົມກວດກາ ກະຊວງຍຸຕິທຳ ຈັດການແຂ່ງຂັນກິລາເປຕັງຂຶ້ນ ໃນວັນທີ 20 ມີນາ 2020 ໃຫ້ກຽດເຂົ້າຮ່ວມໂດຍ ທ່ານ ໄຊສີ ສັນຕິວົງ ກຳມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງຍຸຕິທຳ, ມີບັນດາຄະນະພັກ, ຄະນະໜ່ວຍພັກ ຈາກຫ້ອງການ, ບັນດາກົມ, ສູນແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຖາບັນຍຸຕິທຳແຫ່ງຊາດ, ພະແນກຍຸຕິທຳນະຄອນຫຼວງວຽງຈັນ ແລະ ອົງການຈັດຕັ້ງມະຫາຊົນຂອງກະຊວງຍຸຕິທຳເຂົ້າຮ່ວມ. ຈຸດປະສົງ ເພື່ອເປັນການສ້າງຂະບວນການຕ້ອນຮັບວັນສຳຄັນຕ່າງໆຂອງຊາດ ເວົ້າລວມ, ເວົ້າສະເພາະ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ (22 ມີນາ 1955-22 ມີນາ 2020) ແລະ ສ້າງຂະບວນການຕ້ອນຮັບກອງປະຊຸມວຽກງານກວດກາ ປະຈຳປີ 2019 ຂອງກະຊວງຍຸຕິທຳ ທີ່ຈະຈັດຂຶ້ນໃນເວລາອັນໃກ້ນີ້ ແລະ ເພື່ອເປັນການຮັດແໜ້ນຄວາມສາມັກຄີຮັກແພງກັນ ລະຫວ່າງ ພະນັກງານພາຍໃນກະຊວງຕະຫຼອດເຖິງພະແນກຍຸຕິທຳນະຄອນຫຼວງວຽງຈັນ ໃຫ້ມີຄວາມແໜ້ນແຟ້ນຂຶ້ນຕື່ມ. ຕະຫຼອດໄລຍະຂອງການແຂ່ງຂັນກິລາ ແມ່ນເຕັມໄປດ້ວຍຄວາມສາມັກຄີ, ມິດຕະພາບ ແລະ ເບີກບານມ່ວນຊື່ນ.

ຂຽນຂ່າວ-ຖ່າຍພາບ: ຊາຍພິມພອນ