ກະຊວງຍຸຕິທຳ ຈັດກອງປະຊຸມເພື່ອກວດກາຕີລາຄາການຈັດຕັ້ງປະຕິບັດຜັນຂະຫຍາຍສອງວາລະແຫ່ງຊາດ

Primary tabs

          ໃນວັນທີ 31 ພຶດສະພາ 2022 ກະຊວງຍຸຕິທຳ ຈັດກອງປະຊຸມ ເພື່ອກວດກາຕີລາຄາການຈັດຕັ້ງປະຕິບັດຜັນຂະຫຍາຍສອງວາລະແຫ່ງຊາດທີ່ຕິດພັນກັບຂະແໜງຍຸຕິທຳ ຂຶ້ນ ໂດຍການເປັນປະທານຂອງ ສະຫາຍ ໄພວີ ສີບົວລິພາ ກຳມະການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງຍຸຕິທຳ, ມີ ຮອງລັດຖະມົນຕີ, ເລຂາໜ່ວຍພັກ, ສະມາຊິກພັກສົມບູນ ແລະ ສຳຮອງເຂົ້າຮ່ວມ.
อาจเป็นรูปภาพของ 6 คน, ผู้คนกำลังยืน และ สถานที่ในร่ม
          ໃນພິທີ ສະຫາຍ ເກດສະໜາ ພົມມະຈັນ ຄະນະປະຈຳພັກ ຮອງລັດຖະມົນຕີກະຊວງຍຸຕິທຳ ກໍໄດ້ຜ່ານຄຳແນະນຳຂອງລັດຖະມົນຕີກະຊວງຍຸຕິທຳ ສະບັບເລກທີ 377/ກຍ. ລົງວັນທີ 22 ມີນາ 2020 ກ່ຽວກັບການຈັດຕັ້ງຜັນຂະຫຍາຍວາລະແຫ່ງຊາດທີ່ຕິດພັນກັບຂະແໜງຍຸຕິທຳ ໂດຍສະເພາະແມ່ນວຽກທີ່ຕິດພັນກັບຂະແໜງຍຸຕິທຳ ເພື່ອສ້າງຄວາມເຂັ້ມແຂງຮອບດ້ານໃຫ້ແກ່ຂະແໜງຍຸຕິທຳທົ່ວປະເທດ. ເພື່ອປະຕິບັດພາລະບົດບາດໃນການສ້າງ, ປັບປຸງກົດໝາຍ; ວຽກງານໂຄສະນາເຜີຍກົດໝາຍ; ວຽກງານຈັດຕັ້ງປະຕິບັດຄຳຕັດສີນຂອງສານ; ວຽກງານຄຸ້ມຄອງ ແລະ ສົ່ງເສີມລະບົບຍຸຕິທຳ; ວຽກງານທະບຽນສານ; ວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ; ການຄຸ້ມຄອງສະຖາບັນຍຸຕິທຳແຫ່ງຊາດເປັນສະຖາບັນປອດສິ່ງເສບຕິດ; ວຽກງານກົງຈັກການຈັດຕັ້ງ ແລະ ພະນັກງານ; ວຽກງານບໍລິຫານ ແລະ ຄຸ້ມຄອງງົບປະມານ.
          ໃນກອງປະຊຸມ ຍັງໄດ້ເຜີຍແຜ່ ດຳລັດ ສະບັບເລກທີ 599/ລບ, ລົງວັນທີ 30 ທັນວາ 2021 ວ່າດ້ວຍ ລົດຂອງລັດ, ເຜີຍແຜ່ຄຳແນະນຳ ສະບັບເລກທີ 02/ຫສນຍ, ລົງວັນທີ 30 ທັນວາ 2021 ກ່ຽວກັບ ການຈັດຕັ້ງປະຕິບັດດຳລັດ ວ່າດ້ວຍລົດຂອງລັດ ເລກທີ 599/ລບ ສະເພາະລົດປະຈຳຕຳແໜ່ງການນຳລະດັບສູງ ປະເພດ 1 - 4 ແລະ ຄຳແນະນຳ ສະບັບເລກທີ 0393/ກງ, ລົງວັນທີ 4 ກຸມພາ 2022 ກ່ຽວກັບການຄຸ້ມຄອງ ແລະ ການນຳໃຊ້ລົດບໍລິຫານຂອງລັດ.
ຂ່າວ-ພາບ: ນາງ ບຸນຖອມ ພະສະແຫວງ
ປະເພດຂ່າວ: